Қазіргі зумер жасөспірім кезіндегі жетістіктерімен таң қалдырады. Құрдастары үшін жобалар жасай отырып, ол өңірдегі білім деңгейін дамытуға үлес қосуға ұмтылады.
Ерболат Сембаев, 18 жаста, Қостанай қаласы, ойын әзірлеуші, @celeteneo
Өзім туралы
Мен Қостанай қаласындағы Назарбаев Зияткерлік мектебінің 12 сынып оқушысымын. Сүйікті сабағым — ойындарды әзірлеу. Бос уақытымда шахмат ойнаймын, жүзумен айналысамын және әр түрлі рубик текшелерді жинаймын.
Идея қалай келді
Өткен жылы математика пәнінің мұғалімі біздің сыныпта квест форматында сабақ өткізді. Қызықты болды, барлық оқушылар процеске тартылып, тақырыпты оңай меңгерді. Алайда, іс-шараны дайындау мұғалімнің көп уақытын алды, бұл әрбір тақырыпты осындай тәсілмен зерделеуге мүмкіндік бермеді. Сондықтан мен уақытты үнемдейтін және мұғалімдердің жұмысын жеңілдететін, сондай-ақ студенттерге қызықты интерактивті форматта білім алуға мүмкіндік беретін 3D ойын жасауды ұйғардым.
Маған оқулықтар бойынша оқытудың стандартты түрі қызықтырмайды, сондай-ақ 3D ойындар жасауды ұнатамын. Егер оқыту әдістерін түрлендірсек, оқушылардың қызығушылығына қол жеткізуге болады, ал бұл елдегі кадрлық жағдайға оң әсерін тигізеді деп санаймын.
Жоба туралы
Conludus — интерактивті оқытудың квест-жүйесі. Бұл материалды зерделеуге, сондай-ақ оны квесттен өту немесе түрлі тақырыптар бойынша дағдыларды пысықтау арқылы практикалауға болатын 3D ойын, оған «Вектор» ішкі ойын дауыстық ассистенті көмектеседі. Сонымен қатар, оқушылар бір-бірімен жарыса алады.
Бұл жобаға мен авторлық құқық алдым, Назарбаев Зияткерлік мектептері желісі арасындағы ғылыми жобалардың ресми конкурсында бірінші орын алдым, Назарбаев Зияткерлік мектептері желісі арасындағы «IT әлемінде» ғылыми жобалар конкурсында, Science. Technology. Algorithmization. және «Математика және жобалау» халықаралық ғылыми жобалар конкурсында жеңіп алдым.
Өзімнің энтузиазмымның арқасында ойындарда түрлі механика мен логиканы іске асыруға үйрендім. Ойын жасау туралы жобаның басына қарағанда анағұрлым көп білемін. Мен үшін алған білім — басты артықшылық.
Елдегі EdTech-қоғамдастықты дамыту туралы
IT-саланы, әсіресе Astana Hub-ты насихаттайтын түрлі ұйымдардың ықпалымен Қазақстанда жас ғалымдар, стартаперлер мен кәсіпкерлер қауымдастығы қарқынды дамуда. Instagram-да таспаны парақтаған сайын адамдардың өмірін жақсартатын кезекті стартапты көруге болады.
Жоспарлар туралы
Жоспарда Қазақстанның білім беру мекемелеріне өз жобасын енгізу бар. Бұл ақпараттық технологияларды зерделеуге қызығушылықты арттыруға көмектеседі, бұл өз кезегінде білім сапасын және болашақ мамандығы үшін IT таңдайтын оқушылар санын арттырады.
