Қазақ әдебиеті көшпелі халықтың бірегей дәстүрлері мен тәжірибесімен қамтылған. Ол ежелгі эпостарды қазіргі заманғы тақырыптармен байланыстыра отырып, бай тарих пен мәдени әсерлердің алуан түрлілігін көрсетеді. Бүгінде бұл әдебиет қоғамның өзекті мәселелерін зерттей отырып, жаңа көкжиектерді аша отырып, белсенді дамып келеді.
«Ақбілек», Жүсіпбек Айтмауытов
Көрнекті жазушы Жүсіпбек Аймауытовтың әйелдің күрделі тағдыры туралы «Ақбілек» романы әлеуметтік өзгерістер мен қазақ әдебиетін дамыту дәуірінің маңызды әрі көркем құнды туындысы болып саналады.
«Гаухар тас», Дулат Исабеков
1975 жылы Дулат Исабеков әлі жас сарбаз болған кезде Бибігүл Төлегенова орындаған әдемі «Гаухар тас» әнін естіген. Бұл ән туған жерлерін қатты аңсап, жаңа шығарма жазуға шабыттандырған. Онда қос тәрбиенің қиындықтары, қыздың қиын тағдыры және ауылдардағы тыныш өмір туралы жазылған.
«Ғашықтар», Ілияс Есенберлин
Көрнекті қазақ жазушысы Ілияс Есенберлиннің «Ғашықтар» романы шығармаларының арасында ерекше орны бар. Бұл кітап терең қайғы қасіретті басынан кешіруі арқасында адам жанының өсіп дамуының құпиялары көрсетіледі. Бұл шығарманың «Ғашықтар» деген атауы өте орынды. Себебеі адамдар өз қателіктерін көре отырып, сол кемшіліктерді түзетеді.
«Қарғын», Дулат Исабеков
«Қарғын» — Дулат Исабековтың 1980 жылы жарық көрген романы. Шығармада бас кейіпкер Жасын мен Бағила арасындағы ерекше қарым-қатынас, биік парасат, сезім мен сенім арасындағы махаббат сезімі сипатталады. Басты кейіпкер Жасын өмірден алынған кейіпкер.
«Мөлдір махаббат», Сəбит Мұқанов
«Мөлдір махаббат» романы — барша оқырмандардың назарын жиі аударған туынды. Бұл туынды да сол заманның өмір шындығын сиппатаған. Қалың көпшілікке «Мөлдір махаббат» деген атпен таныс «Адасқандар» романы да шыншыл оқиға желісінде жазылған. Шығарманың бас кейіпкерлері бала кезден бірге өскен қос ғашық — Бəтима мен Сұлтанбек туралы.
«Көшпенділер», Ілияс Есенберлин
«Көшпенділер» — Қазақ КСР Мемлекеттік сыйлығын алған белгілі қазақ жазушысы Ілияс Есенберлиннің эпопеясы. Кітапта Қазақстанда XV ғасырдан XIX ғасырға дейін болған тарихи оқиғалар сипатталған. Роман үш бөлімнен тұрады: «Алмас қылыш», «Жанталас», «Қаһар».
«Қызыл жебе», Шерхан Мұртаза
«Қызыл жебе» романы Шерхан Мұртазаның тарихи негізде жазылған еңбектерінің бірі. «Қызыл жебе» — қазақ халқының өмірі туралы кітап. «Қызыл жебе» романының негізгі тақырыбы-ХХ ғасырдың басында қазақ халқының басынан өткен саяси және әлеуметтік өзгерістер.
