Шетелде тұратын қазақстандық блогерлердің арасында әр түрлі елдерде өмір сүріп, өз тәжірибелерімен бөлісетіндер бар. Олардың әрқайсысы өздерінің ерекше көзқарасы мен тәжірибесі арқылы шетелде өмір сүріп жатқан қазақтардың тыныс-тіршілігін танытуда маңызды рөл атқарады.
Дана — Оңтүстік Кореяда тұратын блогер. Instagram парақшасында өзінің жазбалары мен эстетикалық видеолары арқылы Кореяның мәдениеті, дәстүрлері және күнделікті өмірі туралы терең түсінік береді.
@burkhan.adikhanov
Америкада тұратын, South Florida университетінің PhD студенті және ғылыми қызметкері. Парақшасында Болашақ бағдарламасы арқылы шетелде грантқа түсуге бағыт-бағдар беретін құнды ақпараттармен бөліседі. Оның жазбалары мен тәжірибесі шетелде оқуды армандағандарға нақты көмек және мотивация береді.
@vierrarosa
Мадина — Жапонияда тұратын қазақстандық блогер. Instagram парақшасында жұбайымен бірге жапондық өмірдің түрлі қырларын ашық көрсетіп, қызықты фактілермен бөліседі. Ол арқылы Жапонияның мәдениеті мен тұрмысына шынайы көзқараспен қарап, ерекше сәттерді тамашалауға мүмкіндік аласыз.
Мадина — Италиядағы қарапайым өмірін көрсететін блогер өз парақшасында жұбайымен бірге түсірілген әсемдік пен қызыққа толы видеоларымен бөліседі. Олардың күнделікті өмірін көре отырып, Италияның сұлулығын және жергілікті мәдениеттің ерекшеліктерін жақыннан сезіне аласыз.
@danagul.y
Данагүл — АҚШ-тың Ohio штатында тұратын блогер. TikTok және Instagram желілерінде грин-карта алу жолдары мен басқа да маңызды ақпараттармен бөлісіп отырады. Оның парақшасы Америкада тұрақты тұруды армандағандарға пайдалы кеңестер мен нақты мәліметтер ұсынады.
@beberoney
АҚШ-та тұратын блогер, FLEX'22 түлегі және New York университетінің студенті, TikTok желісінде Америка туралы қызықты ақпараттармен бөліседі. Оның парақшасы арқылы сіз Америкадағы өмірдің түрлі қырларымен танысып, білім алудың ерекшеліктері туралы маңызды мәліметтерді біле аласыз.
Американың Лос-Анджелес штатында тұратын блогер өз парақшасында қарапайым өмірін көрсетіп, ерекше сәттермен бөліседі. Оның жазбалары мен видеолары арқылы Лос-Анджелестегі өмірдің шынайы көрінісін, қаланың тартымды тұстарын тамашалай аласыз.
@Abl.aidan
27 жастағы блогер АҚШ-тың Лос-Анджелес штатында Болашақ бағдарламасы бойынша магистратурада оқиды. Ол өз парақшасында Американың үздік университеттеріне құжат тапсыру туралы пайдалы ақпараттармен бөліседі. Оның кеңестері мен тәжірибесі студенттерге шетелде оқу мүмкіндігін тиімді жоспарлауға көмектеседі.
@Guldara_istanbul
Гүлдара Түркияда 8 жылдан астам тұрып келе жатқан блогер. Өз блогында медицина, бизнес, және Түркияға қызығушыларға арналған пайдалы ақпараттармен бөліседі. Оның жазбалары Түркияда өмір сүру мен жұмыс істеу жөніндегі құнды мәліметтерді ұсынады.
@Myrzzatay
Швейцарияда тұратын екі балалы қазақстандық блогер өз блогында мемлекеттің жақсы тұстары мен пайдалы ақпараттарымен бөліседі. Оның жазбалары арқылы Швейцарияның өмір сапасы, мәдениеті және күнделікті тіршілігі туралы терең түсінік алуға болады.
