Қазақстан
«Салтанат» ансамблі, @saltanat_dance_group_official
«Салтанат» мемлекеттік би ансамблі — Қазақ ұлттық би фольклорын, сондай-ақ Қазақстан мен әлемнің басқа халықтарының би мәдениетін түсіндірумен айналысатын ұжым. Ұжым Ресей, Франция, Англия, Қытай, Италия, АҚШ және басқа елдерде өнер көрсетті.
Ансамбль репертуарында Қазақстан халқының, жақын және алыс шетелдердің би өнерінің үздік дәстүрлерін жалғастыратын 150-ден астам нөмір бар.
Дерек көзі: ansamblsaltanat.kz, kstnews.kz
«Наз» мемлекеттік би театры, @naz_bi_teatry
«Наз» би театры — 1999 жылы құрылған астаналық ансамбль. Ұжым Ресейде көптеген халықаралық конкурстардың лауреаты болды. 2004 жылы Қытайда «Алтын мүсін» жүлдесінің иегері атанды. Труппа құрылғаннан бері Нидерландыда World festival Parad Brunsssum және Warffum фестивальдерінде, Түркияда өткен «Алтын Қарагөз» халық биінің халықаралық конкурсында гастрольдермен, сондай-ақ Ресей, Франция, Бельгия, Қытай, БАӘ, Чехия, Болгария, Катар, Израиль және Украинаның сахналық алаңдарда өнер көрсетті.
Дерек көзі: teatrnaz.kz, ru.sputniknews.kz
«Долан» ансамблі, @ansambl_dolan
«Долан» — ұйғыр би ансамблі. Ансамбльдің көркемдік жетекшісі — Имран Бахтияр. Ұжым репертуарында қазақ, тәжік, өзбек, ұйғыр биін қоса алғанда, түрлі халықтардың биі бар.
Қырғызстан
«Ақ-марал» мемлекеттік би ансамблі, @akmaraldance, Facebook
«Ақ-марал» мемлекеттік би ансамблі — Қырғызстандағы кәсіби би ұжымы. Ұжым қырғыз халқының мәдениетін көрсете отырып, халықаралық фестивальдарға қатысады. Ансамбльдің географиясы кең: Түркия, Германия, Қытай, Ресей, Өзбекстан.
Өзбекстан
«Тұмор»
Фотоның дерек көзі: gabt.uz
«Тұмор» ансамблі Өзбекстанның ұлттық классикалық би дәстүрлерін сақтап, насихаттайды. Ансамбльді Хореограф Чарос Джурабаева құрды.
2017 жылы «Тұмор» Әлішер Навои атындағы Мемлекеттік академиялық үлкен театрға шақырылды. Ұжым репертуары Өзбекстанның би өнерінің концерттік бағдарламаларының стилі мен бағыты бойынша алуан түрлі.
Ансамбль жыл сайын Өзбекстан Республикасының Тәуелсіздік күніне, Навруз және т.б. арналған мемлекеттік мәдени-бұқаралық іс-шараларды өткізуге белсенді қатысады.
Дерек көзі: gabt.uz
Тәжікстан
«Зебо» ансамблі
Фотоның дерек көзі: cis.minsk.by
«Зебо» — КСРО Халық әртісі, балетмейстер және хореограф Зебо Амин-заде негізін қалаған атақты тәжік би ансамблі. Ансамбльдің бірінші концерттік бағдарламасы ұлттық, шығыс және КСРО халықтарының 13 биінен тұрды. 20 жылғы үзілістен кейін 2014 жылы ансамбль қайта жанданды. Ұжым өз отанында түрлі іс-шараларға, сондай-ақ халықаралық фестивальдерге қатысады.
Әрі қарай оқу: uz.sputniknews.ru, inozpress.kg
Түрікменстан
«Дехистан» ансамблі
Фотоның дерек көзі: centralasia.news
«Дехистан» — фольклорлық-этнографиялық ансамбль. Ұжым бірнеше рет Түркіменстан Президентінің Turkmenin Altyn asyry шығармашылық байқауының лауреаты атанды. Беларусь, Қытай, Қазақстан, Өзбекстанда, сондай-ақ Швейцарияда, Италияда және басқа да елдерде Түркіменстанның Мәдениет күндері аясында шетелде табысты өнер көрсетті.
Дерек көзі: centralasia.news
