Кәсіпкер, инвестор, қоғам қайраткері Марғұлан Сейсембай туралы не білеміз?
1966 жылы 02 қарашада Қазақстанның Жезқазған облысында дүниеге келген. Ата-анасы қызмет бабына байланысты Жезқазған облысының бір колхозынан екінші колхозына көшіп отырған.
Мектепті бітірген соң екі жыл бойы Марғұлан комсомолдық жастар бригадасында шопан және Жезқазған облысының «Амангелді» совхозында аға омарташы болып жұмыс істеген.
С. М. Киров атындағы Қазақ мемлекеттік университетте үздік оқып, Ленин, Киров, Әл-Фараби степендиаты болып, қарапайым студенттер 20 рубль шәкіртақы алып жүргенде ол 120 рубль алып жүреді. «Құқықтанушы» мамандығы, «Заңгер» біліктілігі бойынша үздік бітіреді.
Оқып жүргенде ағылшын тілін үйренып, үшінші курстан кейін ядролық палигонды жабуға бағытталған «Невада-Семей» қозғалысына қатысып, жаз бойы сонда аудармашы болып жүреді. Сол кезде ол ағылшынды қазақшаға, қазақшаны ағылшынға аудара алатын жалғыз қазақ болды.
Бір жылда оқитын кітаптары 100-ге жуық, шамамен 80-85 кітапты оқиды. Оның 12-сі қазақ, 12-сі ағылшын тіліндегі кітап. Кітап оқудағы мақсаты — одан жаңа нәрсені алып, ереже құру.
Дереккөз: kk.encyclopedia.kz
