Алмат Германияда тұрады. Ол бізге алпауыт компаниядағы жұмысы мен Еуропадағы өмірі туралы айтып бермек.
Алмат Кенен, Мюнхен, Google-да software engineer, Linkedin
Қоныс аудару туралы
Мен Алматыданмын. Қазақ-Британ техникалық университетінде «Ақпараттық жүйелер» мамандығы бойынша білім алған. Соңғы оқу жылында мен шетелдік компанияларға жұмысқа және тағылымдамадан өтуге белсенді түрде өтініш бердім. Олардың арасында Мюнхенде немесе Варшавада жұмыс ұсынатын Google болды. Мен бірінші нұсқаны таңдадым да 2019 жылдың қазан айында көштім.
Қазір мен Германияда тұрамын және Google-да Site Reliability Engineer ретінде, қысқартылғанда SRE немесе SWE — Software Engineer.
Көшуімнің себебі — ірі технологиялық компанияда білім мен жұмыс тәжірибесін алу мүмкіндігі.
Бейімделу мен уақытша қиындықтар туралы
Германияға көшкеннен кейін иммигранттар үшін құжаттармен айналысу және пәтер табу маңызды. Компания бірнеше аптадай баспанамен көмектесті, бірақ кейін өзім іздедім. Неміс тілін білмейінше, келушілерге пәтер табу мен иммиграциялық кеңсеге тіркелу қиынырақ болады. Мен Мюнхенге неміс тілін білмей көшіп келгендіктен телефонмен, супермаркеттерде және пәтер іздеу кезінде адамдармен сөйлесу қиын болды. Бірақ маған осында тұрып жатқан достарым көмектесті.
Тағы бір ерекшелігі, дүкендер мен супермаркеттер 20:00-де жабылып, жексенбі күні жұмыс істемейді. Бұған үйрену үшін уақыт қажет.
Мені жергілікті тұрғындардың қолма-қол ақшамен төлейтіндігі және барлық мекемелердің Visa және MasterCard карталарын қабылдамайтыны таң қалдырды. Бюрократия да көптеген процестерді баяулатады. Мысалы, жұмыс визасын алу мен ұзарту екі-үш айға созылады және мекемелерге қағаз хаттар арқылы хабарласасыз.
Бірақ маған адамдармен араласқандағы нақтылық пен формальдылық ұнады. Танымал пікірге қарамастан, немістер құрметті, сыпайылықты және сабырлықты бағалайды.
Қиын жағдайларда кеңес пен көмек сұраудан ұялмау маңызды. Мүмкін сіздің айналаңыздағы адамдар да осындай қиындықтарға тап болған шығар. Сондай-ақ Мюнхендегі қазақстандықтардың чаты бар, онда отандастар бір-біріне көмектеседі.
Даму мен мансап туралы
Қазақстанда мен бэк-энд-әзірлеуші ретінде тағылымдамадан өттім және ғылыми көмекші болып жұмыс істедім. Университет тәмамдауға келгенде 100-ден астам шетелдік компанияларға құжат тапсырдым. Сұхбатқа дайындалдым. Бұл кезеңнен өтуіме олимпиадалық бағдарламалау бойынша алған білімім көмектесті. Атап айтқанда, алгоритмдер мен деректер құрылымдары саласында.
Ірі компанияда сұхбаттан сәтті өту үшін алгоритмдік және архитектуралық есептерді шешу және талдау, ойларды анық жеткізу мен идеяларды кодқа айналдыру маңызды. Қазір бұл тақырып бойынша көптеген кітаптар мен курстар бар, бірақ олардың көбі ағылшын тілінде. Сондықтан шет тілдерін үйрену маңызды.
Білім базасын алғаннан кейін, оларды бекіту үшін тренинг сұхбаттарынан өтуді ұсынамын. Бұл сұхбатта өзінде уақытыңызды тиімді пайдалануға көмектеседі.
Түйіндемеңізді жақсартуға кеңес беремін және LinkedIn, AngelList Talent, GlassDoor мен HackerRank сияқты жұмыс іздеушілер платформаларында белсенді болуды ұсынамын
Түйіндемеңізді жақсартуға кеңес беремін және LinkedIn, AngelList Talent, GlassDoor мен HackerRank сияқты жұмыс іздеушілер платформаларында белсенді болуды ұсынамын.
Мен Google-дың ішкі инфрақұрылымы үшін кіруді басқару жүйесін әзірлеп жатырмын. Компания қызметкерлері әртүрлі ресурстар мен қызметтерге қол жеткізу деңгейлерін конфигурациялау үшін өнімдерімізді пайдаланады.
Google тапсырмаларды орындау үшін барлық жағдайды жасайды. Компания жобалар шеңберінде де, сыртта да оқуға және дамуға мүмкіндік береді. Көшу және иммиграция мәселелерін шешу кезінде қолдау көрсетеді. Сондай-ақ, кеңседен тыс жұмыс пен өмір арасындағы балансқа назар аударады, қызметкерлердің жағдайын мен күйін бағалайды.
Қоныс аудару әсері
Бұл қадам көзқарастарды қайта бағалауға және басымдық беруге көмектесті. Жауапкершілігім арта түсті. Жаңа тілдерді үйрене отырып, туған жеріне, қазақ тіліне басқаша қарай бастадым.