Дәулет — Швейцарияда тұратын отандасымыз. Қазіргі жұмысына орналасу барысы мен ондағы өмір туралы бөлісті.
Қоныс аудару туралы
Мен Қазақстан футболының отаны Семей қаласында дүниеге келдім. Сондықтан болар, бұл спортты бала кезімнен жақсы көремін. Мойындауым керек, мен футболды өте нашар ойнадым. Бірақ мен бала кезімнен осы саланың ортасында болуды армандадым.
Жасөспірімдік шақта сіз бәрі бұрынғыдай оңай емес екенін түсіне бастайсыз. Қызғылт түсті көзілдірікті неғұрлым тез шешсеңіз, соғұрлым жақсы. Өйткені, бір күні оянып, жастығыңның астынан бантикке оранған еңбек шартын табуың екіталай. Осы кезеңде мен үшін бағытты қателеспеу маңызды болды. 2016 жылы Швейцария университетіне оқуға түскеннен кейін УЕФА, ФИФА, ФИДЕ және Халықаралық Олимпиада комитеті сияқты әлемнің жетекші спорт ұйымдары орналасқан елге көшуге ынталандым.
Швейцарияда оқу - ата-анамның маған деген үлкен карт-бланшы. Мен оларға осы мүмкіндікті маған сыйлағандары үшін алғысым шексіз.
Бейімделу және уақытша қиындықтар туралы
Университетте жағдай тамаша болды, бірақ бәрібір алғашқы апталар қарым-қатынаста қиын болды. Шынымды айтсам, алғашқы күннен бастап мен өзімнің жайлылық аймағымды құрдым, одан кеткім келмеді — бұл менің қателігім болды.
Бірінші семестрдің ортасында осы аймақтан шыққан бойда менің көкжиегім кеңейе түсті. Мен ағылшын тілінде сөйлесуден ұялуды қойып, испан және итальян тілдерін қатар жаттықтыра бастадым. Төрт жылдан кейін бұл қарапайым қарым-қатынас дағдылары маған жұмысқа өтініш беруде көмектесті.
Швейцариялықтардың өз елінің табиғи ресурстарына деген көзқарасы шын мәнінде таң қалдырады. Мысалы, бойында он шақты қала орналасқан әйгілі Женева көлінің жыл бойы мөлдір суы бар.
Соңғы бес жылда мен бүкіл елді дерлік аралай алдым, мен бірде-бір рет қоқыс полигондарын немесе осыған ұқсас нәрсені көрген емеспін. Айыппұлдың қатаң жүйесі мен жергілікті тұрғындардың өзін-өзі тәрбиелеуі бүкіл елдегі флора мен фаунаның жағдайына оң әсер етеді.
Тағы бір мысал, үйдегі аквариумнан су үлгісін әкелмейінше, үй жануарлары дүкенінен балықты сатып ала алмайсыз — судың жеткілікті тазалығын дәлелдеу керек. Сондай-ақ, заң бойынша, теңіз доңызын тек жұппен сатып алуға болады, өйткені олар жалғыз ауыр күйзеліске ұшырайды.
Дүние жүзіндегі әрбір елде өз ережелері мен заңдары бар, оларды елемеуге болмайды. Бес жыл шетелде болған тәжірибемнен түсінгенім, ең қарапайым және тиімді лайфхак, ол — сұрай және тыңдай білу деп айта аламын.
Ең қарапайым және ең тиімді лайфхак — бұл сұрау және тыңдай білу
Егер сіз бірдеңе білмесеңіз, бұл қалыпты нәрсе. Білімді адамға дұрыс сұрақ қою арқылы сіз бір нақты іс бойынша бірнеше лайфхактарды ала аласыз.
Мысалы, мен көршілерімнен азық-түлікті қайлан сатып алуға болатын сұрамағанда, ет өнімдерін 25%-ға дейін үнемдеу үшін көрші Францияға азық-түлікке баруға болатынын білмейтін едім.
Даму және мансап туралы
Алғашқы еңбек тәжірибемді 12 жасымда Асылхан ініммен бірге сериалға түсіп, алдым. Рөлдер эпизодтық болды, бірақ бұл сәттер өмір бойы есте қалды.
Бала кезімізден адал еңбекке деген құштарлықты бойымызға сіңірген. Сондықтан, кейінгі жылдары Нұр-Сұлтан мен Мәскеудегі бес жұлдызды қонақүйлерде, ЭКСПО-2017 көрмесіндегі БҰҰ павильонында, сондай-ақ Шығыс Еуропадағы ең ірі футбол клубтарының бірі — «Спартак-Мәскеу» ФК-да тағылымдамадан өтіп, тәжірибе жинақтадым.
Ең алдымен мақсатыңызды жүзеге асыра білу маңызды. Сіз не істегіңіз келетінін және жаныңыз не қалайтынын түсінгеннен кейін, келесі әрекеттерді жоспарлау бірден оңайырақ болады.
Олар айтқандай: арманмен ұйықтап, мақсатпен оян. Ал қандай дағдыларды дамыту керектігі сіздің мақсатыңызға тікелей байланысты.
Еуропалық футбол қауымдастықтары одағының — УЕФА-ның штаб-пәтерінде жұмыс істегеніме екінші жыл болды. Мен үшін Еуропа футболының жүрегінде жұмыс істейтін жалғыз қазақстандық болу үлкен мәртебе.
Мен үшін еуропалық футболдың жүрегінде жұмыс істеп жатқан жалғыз қазақстандық болу — мәртебе
Іріктеу бірнеше кезеңнен өтті, мен оған дайындықты бірнеше жыл бұрын бастадым. Әр позиция үшін бәсекелестік деңгейін түсінген мен, кез келген уақытта сұхбатқа дайын болу үшін әрқашан жақсы формада ұстадым.
Бізге, қазақстандықтарға еуропалық жұмыс визасын алу қиын. Сондықтан, мүмкін болса, сіз жұмыс істегіңіз келетін компания немесе ұйым орналасқан елдегі университетке түсуге кеңес беремін.
Қоныс аударудың әсері
Тәртіпті болдым, өмірге деген нақты көзқарасым қалыптасты. «Қазақстанның 100 жаңа тұлғасы —2021» жобасының 30 финалистінің бірі ретінде таңдалып, маған дауыс берген адамдардың және қазылар алқасының сенімін сезінемін. Жуырда туған жерім Семейде әлеуметтік жобаны іске асырмақпын.
