Тельман Нағашбаев, 28 жаста, туған жері — Орал
Мадина Кузяхметова, 29 жаста, туған жері — Алматы
Жоба туралы
Chairmassage — бұл компаниямыздың атауы. Біз Алматы қаласында клиенттің кеңсесіне барып, мойын-омыртқа аймағына массаж қызметін ұсынамыз. Массаж арнайы креслода 15 минутқа созылады. 15 минут — мойын-омыртқа аймағына жасалатын классикалық массаждың ұзақтығы. Ал қызметкерлерде әрқашан үзіліске 15 минут табылады.
Мұндай жобаны жасау туралы ой кездейсоқ пайда болды. Кеңседе қызмет ететін адамдарға осындай қызмет түрі қажет екенін түсіндік. Егер біреу келіп, массаж жасаса, олар бақытты болушы еді. Бұл ойға нақты тоқталып, осы жылдың мамыр айында ұқсас жобаларды қарастырдық, атауын, танымбелгісін ойластырып, тамыз айында жұмысқа дайын болдық. Бүгінгі күнде біз кеңсеге массаж қызметін жеткізуді ұсынамыз. Сондай-ақ, массажды қаланың ең керемет жерлерінің бірінде, яғни Smartpoint-та алуға болады.
Біздің жобаның бірегейлігі — Алматы және Астана қалаларында дәл осындай қызмер түрінің жоқтығында. Мекенжайыңыз бойынша келе алатын массаж жасайтын адамдар бар, бірақ біздің формат — бизнес-формат. Ол жұмыс кестесі ауыр кеңсе қызметкерлеріне, отырып жұмыс істейтін, бірақ демалуды қалайтын адамдарға бағытталған. Компания басшыларына қызметкерлердің мейірбандылығын арттыру бағдарламасын ұсынамыз. Өйткені бақытты қызметкер — бұл әрқашан керемет.
Қызметті қалай пайдалану туралы
Біздің қызметті алу үшін массаж қызметіне тапсырыс беру жеткілікті, біз белгіленген уақытта келеміз. Массаж қызметі үшін шағын орын қажет. Қызмет ақысын қолма-қол, картаға аудару арқылы немесе «Раxмет» мобильді қосымшасымен төлеуге болады.
Осындай бір 15 минуттық массаждың құны 1500 теңге. Егер кеңседегі қызметкерлер саны бесеуден асса, біз жеңілдік жасаймыз.
Бұл қызмет қала мен адамдарға қандай пайда әкелетіні туралы
Біздің қызметіміздің арқасында адамдар күйзелістен, шаршағыштықтан арылып, жаңа күш қуатқа ие бола алады. Жұмыс өміріміздің көп бөлігін алады, ал адамда әрдайым өзіне бос бір минут табыла бермейді. Сондықтан жұмыс орнынан кетпей, 15 минутты өзіңіздің игілігіңізге жұмсауға кеңес береміз. Сондай-ақ, мұндай массаж бұлшықет кернеуін жеңілдетеді, осылайша қан ағымын жақсартып, оттегінің келуіне көмектеседі. Бұл, өз кезегінде, миға пайдалы әсер етеді, бас ауруларынан, ұйқысыздықтан арылтады.
Кеңсеге бару арқылы клиенттеріміздің ақшасын және уақытын үнемдейміз. Және, сәйкесінше, кеңседе салауатты атмосфера құрып, жалпы жұмыс қабілеттілікті арттырамыз.
Жоспарлар туралы
Әрқашан жаңа нәрсе қосуға тырысамыз. Жақында бір ерекшелік енгіздік — клиентке құлақаспапты кигізіп, массаж жасау. Осылайша клиентке демалуға еш нәрсе бөгет етпейді. Бұл ұсақ-түйек, алайда клиенттердің көңілінен шығып жатыр, демек, бізге де жақсы. Кеңсе қызметкерлеріне салауатты өмір салтын ұстануға көмектесетін тағы бірнеше қызмет түрін қосуды жоспарлап жатырмыз. Ал алдағы уақытта Астанада Chairmassage ашқымыз келеді.