Шолпан Испулаеваның Түркияда тұрып жатқанына бірнеше жыл болды. Ол «Түркиядағы қазақстандықтар» тобын қалай құрғанын және оның қызметі туралы айтып берді.
Шолпан Испулаева, қаласы — Ыстамбұл, «Казахстанцы в Турции» қауымдастығының негізін салушы, @westwind_box
Бәрі қалай басталды
Мен Батыс Қазақстан облысының Ақсай қаласында туып-өстім. Осыдан бес жыл бұрын бір ғана чемоданмен және мен гид-аудармашының дипломымен әрі қарай өзімді дамыту үшін Астанадан қоныс аудардым. Сөйтіп Ыстамбұл қаласында WESTWIND Travel агенттігін аштым.
Мен өте белсенді адаммын, сондықтан мүмкіндігінше жерлестеріме қоныс аудару, демалыс және медициналық қызмет көрсету мәселелерінде көмектестім. Жеке авторлық турлар ұйымдастырдым. Түркияда көптеген қызықты іс-шаралар, хоббиге және демалысқа арналған орындар, бизнес пен студенттер үшін көптеген мүмкіндіктер бар. Мен өмірдің осындай қызықтарын біреулермен бөліскім келді. Мысалы, жерлестеріңмен бірге концертке немесе көрмеге баруға, Түркияны бірге саяхаттауға, баспана немесе жұмыс туралы ұсыныстар алуға дегендей. Жерлестер қауымдастығын құру идеясы осылай туды.
Мақсаты туралы
Басқа елге көшіп келген кезде бастапқыда қаншалықты қиын болатынын өз тәжірибемнен білемін, әсіресе түрік тілін жақсы білмесеңіз. Сондықтан топ құрудың ең пайдалысы — шетелдегі өмір туралы білгеніңмен бөлісу және жақында көшіп келгендерге қолдау көрсету мүмкіндігі. Мұны топтың әкімшісі ретінде мен ғана емес, басқа мүшелер де жасай алады. Біз қоныс аудару, көлікті пайдалану және шот ашу, нотариус немесе аудармашы табу, мектептер мен университет стипендиялары бойынша кеңестер береміз. Бұл тақырыптар қоныс аударатындардың барлығын қызықтырады.
Топ 2018 жылдың қаңтарынан бастап жұмыс істеп келеді. Бүгінде оның 6 000-нан астам мүшесі бар. Мен бізде осындай достық пейілді және мейірімді қауымдастықтың болғанын мақтан тұтамын. Кейін Түркияның жекелеген қалалары мен қызметтер үшін одан басқа шағын топтар бөлініп шықты.
Топ 2018 жылдың қаңтарынан бастап жұмыс істеп келеді
Топта екі әкімші бар. Олар қатысушылардың қарым-қатынасын этика тұрғысынан реттейді, алаяқтықтың орын алмауын қадағалайды. Диас Найман осы жаққа қоныс аударатын отандастарымызға кеңес береді.
Қауымдастықтың қызметі туралы
Біздің қауымдастықта адамдар футболдан спорттық турнирлер өткізеді, теннис ойнайды, бешбармақ пен дәстүрлі шай ұсынылатын мерекелерге жиналады, үстел ойындарын ойнап, бір-бірімен танысу үшін кофеханаларда кездеседі.
Мегаполистегі өмір қауырт. Қарым-қатынасқа уақыт табу қиын болуы мүмкін. Бірақ жерлестерімізбен бірге Каракөй немесе Кадыкөй айлағында кездесіп тұрамыз. Ханзада аралдары мен Қара теңіз жағажайларына саяхат ұйымдастырады. Осы жылдың көктемінде мен алматылық суретші Гузель Закирдің көрмесін ұйымдастыруға көмектестім.
Қауымдастыққа қалай кіруге болады
Біз жаңа мүшелерге әрдайым ашықпыз. Ең бастысы – чат ережелерін сақтау. Біз саясатты талқыламаймыз, бір-бірімізді қорламаймыз, келісілмеген тауарлар мен қызметтерді сатуды қолдамаймыз. Бірақ топта керемет іс-шараларға баратын серіктестерді, сондай-ақ аудармашыларды, көмекшілерді және фотографтарды таба аласыз. Біз Түркиядағы қонақтарымыз үшін қызықты мерекелік бағдарлама дайындап, оны корпоративтік немесе жеке қажеттіліктермен біріктіруге қуанышты боламыз.
«Түркиядағы қазақстандықтар» қауымдастығы аз уақытқа болса да келгендерге ашық. Мысалы, сіз демалысқа бара жатсаңыз, бірақ кіммен баратыныңызды білмесеңіз, осы жерден серіктестер таба аласыз.
Жоспарлары жайлы
Біз отандастарымызбен, түрік шеберлерімен тақырыптық кездесулерді көбірек өткіземіз. Мұндай іс-шаралар Қазақстаннан келген уақытша келушілер үшін қолжетімді болады. Барлық сұрақтар бойынша @venuspower телеграмм арқылы хабарласуға болады.
