Владимир Морозов, @v_morozov
Владимир Морозов — фитнес-жаттықтырушы, модель. Kazakhstan Fashion Week-тің сән көрсетілімдеріне қатысқан, Қазақстан мен Ресейдің модельдік агенттіктерінде жұмыс істеген. 2019 жылы Үндістанда өткен Mister Model Worldwide байқауында жеңімпаз атанды.
Берік Қасымжанов, @berik_kazymzhanov
Берік Қасымжанов — Қазақстаннан шыққан модель. 2018 жылы Лондондағы First model management британдық агенттігімен келісім-шартқа отырды. Vogue журналы үшін суретке түскен, London Fashion Week көрсетіліміне қатысқан.
Әділбек Нұрақаев, @adilbek_nurakayev
Әділбек Нұрақаев — Нұр-Сұлтаннан шыққан модель және актер. Қазіргі кезде Қытайда оқып жатыр. «Қазақстан Мистері 2019» атағының иегері. Сән апталықтарында танымал дизайнерлердің жұмыстарын көрсетеді.
Илай Дягилев, @vozhzd
Илай Дягилев — қазақстандық дизайнер және модель. Әртістердің клиптеріне образдар жасап шығарады. Сән көрсетілімдеріне қатысады.
Камран Илесов, @kemran.l
Камран Илесов — Бішкектегі Up Models агенттігінің моделі. Face of Asia 2019 байқауында елінің атын шығарды. Сән көрсетілімдеріне, фотосессияларға қатысады.
Абдулазиз Рустамов, @laziz.rustamoov
Абдулазиз Рустамов — Өзбекстаннан шыққан модель. LBMA Central Asia 2017 байқауының жеңімпазы. Қазіргі кезде Филлипин елінде тұрады. Журналдар мен брендтердің фотосессияларына қатысады.
Шахбоз Махмудов, @shakhbozofficial
Ташкенттен шыққан модель және актер. Оңтүстік Кореядағы Face of Asia байқауында Best Male Model атағына ие болды. Жарнамалық бейнероликтерге, клиптерге түседі.
Жахонгир Абдумаликов, @johnmalikov
Өзбекстаннан шыққан модель және актер. Face of Asia-2019 финалының қатысушысы. Ірі брендтердің жарнамаларына, клиптер мен сериалдарға түседі.
