Мектепті 2011 жылы Елбасы Нұрсұлтан Назарбаевтың өзі ашқан болатын. Бұл Астанадағы жалғыз британдық мектеп. Haileybury Astana 2008 жылы Haileybury Almaty-ның, сонымен қатар Ұлыбританияда өзін тәуелсіз беделді оқу орны ретінде көрсеткен Англиядағы Haileybury-дің серіктес мектебі болып табылады. Англиядағы мектептің негізі 1862 жылы құрылған болатын.
Мектептің ерекшелігі
Мектеп 25 метрлік жүзуге арналған бассейнмен, спорттық жән би залдарымен, футболға арналған алаңмен, екі теннистік кортпен жасақталған. Мектеп күзет қызметі және электрондық бейнебақылау жүйелерінің жұмысы есебінен тәулік бойы қауіпсіздікпен қамтамасыз етіледі.
Оқу бағасы білім беру бағдарламасын, оқу материалын, тамақтануын, сыныптан тыс сабақтарды, сонымен қатар шектеулі сапарларды өтейді
Шетелге барулар оқу құнына кірмейді. Мектеп 2-3 жас аралығындағы сәбилер балабақшасынан, 3-5 жас аралығындағы балабақшадан, 1-11 сыныптар аралығындағы мектептен тұрады. Мұғалімдері – Ұлыбританияда білім алып, британдық мектептерде жұмыс істеген педагогтар. Олардың көпшілігінде шетелдік тәжірибе бар.
Оқу бағдарламасы
Англия және Уэльс мектептеріндегі білім беруге негізделген бағдарлама Haileybury Astana-да қолданылады. Оқыту ағылшын тілінде жүргізіледі. Ағылшын тілі екінші тіл болып табылатын оқушылар мұғалімдермен қажеттілігі бойынша қосымша сабақ ала алады. Мектептегі барлық оқушылар қазақ тілін зерделейді.
Haileybury балабақшасы Монтессори жүйесінің элементтерінен және Штайнердің педагогикалық теориясынан тұратын арнайы оқу курсын ұсынады. Академиялық дамытумен қатар білім беру курстары әлеуметтік және физикалық тәрбиені қамтып, ойлау жасампаздығын дамытады.
Зерделенетін пәндер мен емтихандар
Ағылшын тілін айтарлықтай жоғарғы деңгейде меңгерген оқушылар орыс немесе француз тілдерін зерделей алады.
«Жеке, әлеуметтік және физикалық денсаулық» пәні де негізгі бағдарламаға жатады
Оқыту бағдарламалары мына пәндерден тұрады: Ағылшын тілі, Математика, Ғылым (Биология, Химия, Физика), География, Тарих, Ақпараттық-коммуникациялық технологиялар, Дене шынықтыру, Театр өнері, Музыка, Дизайн және технология. Барлық оқушылар заманауи халықаралық тіл ретінде француз, орыс не испан тілін зерделейді. Алайда, шетелдік оқушыларда Қазақ тілі пәнінің сағаты жергілікті оқушыларға қарағанда аз.
10 сыныпқа көшкен кезде барлық оқушылар Ағылшын тілі, Математика және Ғылым (Биология және Химия) сияқты міндетті пәндерді зерделеуді жалғастырады, ал қалған пәндерді өздерінің қалаулары мен қызығушылықтарына орай таңдай алады.
Оқушыларды Халықаралық бакалавриатқа дайындау сабақтарын дүние жүзінің барлық беделді университеттері мойындады
Көптеген халықаралық университеттерде Халықаралық бакалавриат дипломы университетке түсуге арналған үздік диплом болып табылады.
