Алдар Көсе
Мультфильм қазақ ертегілерінің фантастикалық кейіпкері Алдар Көсе туралы. Бірнеше сериялық мультфильм ақылды айлакердің тап болған оқиғалары желісінде түсірілген.
Қошқар мен Теке
Қошқар мен Теке туындысы — жұмақ мекен іздеп қиындыққа тап болған қошқар мен теке жайлы. Қошқар мен текенің иесі жоқ қарап кетіп, кешігеді. Өз иелерін іздеп шыққан қошқар мен теке атаны құтқарып, қораларына аман-есен оралады.
Мультфильмді 2009 жылы Ш. Айманов атындағы «Қазақфильм» мен «Сақ Жебе» студиясы түсірді.
Оқсыз оқиғасы
Онда Әл-Фарабидің балалық шағы, білім мен жаңашылдыққа деген құлшынысы сипатталады. Ғұлама ғалым Бұрынғы Отырар қаласына қарасты Оқсыз қалашығында дүниеге келген. Мультфильмнің атауы соған орай қойылған.
«Бибігүл» мақтаншақ қыз
Кішкентай көрермендердің сүйіп көретін мультфильмдерінің бірі. Оқиға желісі Бибігүл деген ерке қыз туралы. Бибігүл балаларды өтірік айтпауға, ата-аналарына көмектесуге баулиды.
Сәби
Сәби — танымдық мультсериал. 3D форматында түсірлген. Ол 6 жасқа дейін ең кішкентай көрермендерге көруге арналған. Мультсериал арқылы сәбилер күнделікті өмірдегі қарым-қатынас пен пішіндер, түстер сияқты дүниелермен танысады.
Әли мен Айя
Әли мен Айя мультфильмі ұлттық құндылықтарымыз — салт-дәстүр, ән, би жайлы. Әр бөлімде олар өмірдің түрлі сұрақтарына жауап іздейді.
«Ертемір» мультхикаясы
Шытырман оқиғаларға толы мультфильм. 3D форматтағы анимациялық жоба. Бұл төл туынды балаларды отансүйгіштік, достық және адалдық сынды ізгі қасиеттерге баулиды.
Толағай
Ә.Тәжібаевтың поэмасының желісі бойынша түсірілген. Ауылда дүниеге келіп, күн емес, сағат сайын өсіп, аз уақыттың ішінде Ер жігітке айналған батыр туралы.
