Қазақстанның баруға тұрарлық қызықты және ерекше мұражайлары туралы бүгінгі материалымызда. Тарихтан — заманауилыққа дейін.
Lumiere-Hall, @lum_kz
Қаласы: Алматы, Қазақстан
Lumiere-Hall — Қазақстандағы тұңғыш проекциялық мұражай. Жаңа мәдени нысан ең заманауи технологиямен жабдықталған. Мұнда ұлы суретшілердің шығармашылығына үңіліп, эстетикалық ләззат алуға, олардың өмірі туралы қызықты деректер жайында білуге болады. Мұражай аумағында өнер әлеміндегі адамдардың шығармашылық өмір жолы туралы лекциялар тыңдауға болатын мультимедиялық көрмесі бар үлкен проекциялық зал орналасқан.
Қазақстан Республикасының Ұлттық музейі, @nationalmuseumkz
Қаласы: Астана, Қазақстан
Қазақстан Республикасының Ұлттық музейі 2014 жылдың жазында ашылды. Бұл — 74 000 шаршы метр аумақты алып жатқан Орталық Азиядағы ең үлкен мұражай кешендерінің бірі. Мұражайда түрлі форматтағы экскурсиялар өткізіледі: тақырыптық, философиялық, интерактивті сабақтар мен ойын экскурсиялары түріндегі арнайы бағдарламалар.
Балық шаруашылығының тарихы мұражайы
Қаласы: Арал
Қазақстанда 2013 жылы ашылған Балық шаруашылығының тарихы мұражайы Қызылорда облысының Арал қаласында орналасқан. Мұнда Арал теңізінің балық аулау кәсібінің тарихынан сыр шертетін 2000-нан астам жәдігер бар. Ғимарат негізгі залдан келушілер ескі балық аулау кемесінің капитандық мінберіне көтеріле алатындай етіп салынған.
Ықылас атындағы халық музыкалық аспаптар мұражайы, @ykhlas_museum
Қаласы: Алматы, Қазақстан
Ықылас атындағы халық музыкалық аспаптар мұражайы 1981 жылы Алматыда ашылған.
Мұражайда қазақ халқының ұлттық музыкалық аспаптары, сондай-ақ әлемнің 50-ден астам елдерінің мәдени жауһарлары қойылған тоғыз зал бар. Мұнда түркі тілдес халықтардың музыкалық аспаптар залы, Азия және Африка халықтарының музыкалық аспаптар залы, Еуропа халықтарының музыкалық аспаптар залы және тағы басқалар орналасқан.