Бүкіләлемдік бокс сериясында өнер көрсететін «Астана арландары» ертең биылғы маусымдағы алғашқы кездесуін өткізеді. Қазақстандық клубтың бұл жолғы қарсыласы – үндістандық былғары қолғап шеберлері. Бокс кеші Қарағанды қаласында өтеді және оны «Хабар» арнасынан тікелей эфирде көруге болады. Дәл қазір қос қлубтың мықтылары салмақ өлшеу рәсіменен өтіп, жарыс алдындағы соңғы дайындықтарын пысықтап жатыр. Айта кетейік, «Астана арландарына» осыдан бірер күн бұрын жаңа басшы тағайындалды. Енді кәсіпқой бокс клубын одан әрі дамыту мәселесімен олимпиада чемпионы Бахтияр Артаев айналысады. Ал оған дейін бұл міндетті Саят Әбілдин атқарып келген болатын.
Дерек көзі: 24.kz
