6-10 қыркүйек аралығында Алматыда VIII халықаралық BAIQONYR кинофестивалі өтеді, оның басты миссиясы — жас талантты кинематографистерді қолдау.
Әр жылдары Қазақстаннан және әлемнің түкпір-түкпірінен: Тбилисиден Якутияға, Ташкенттен Лиссабонға дейін 85 кинематографист BAIQONYR-дың лауреаттары атанған. Осы жылы былтырғы Қазақстан киносыншылары қауымдастығының ұлттық сыйлығының жеңімпаздарын марапаттау рәсімінде BAIQONYR-дың президенті Әнуар Кенжебаев «Фестиваль қозғалысына қосқан үлесі үшін» арнайы сыйлығының иегері болды. Бұл — фестиваль беделінің өсуінің жарқын көрсеткіші.
Дереккөз: inform.kz
