Біз қала қонақтары үшін ғана емес, сонымен қатар алматылықтар үшін де баруға қызықты болатын жаңа, креативті және ерекше жерлердің топтамасын ұсынамыз.
OTTB, @ottb.36
OTTB — «Барибаев 36-дағы үй» мәдени кеңістігінің аумағында орналасқан шығармашылық алаң. Бұл жердің атмосферасы тыныштыққа, жайлылыққа және ерекше жылуға толы. Мұнда дәмді ас ішіп, жас дарынды әртістердің орындауындағы жанды музыканы тыңдай аласыз.
Beepl-Ui, @beepl_space
Beepl-Ui — концептуалды дүкен және кофехана бір жерде орналасқан стиль өнері және кездесу үйі. Мұнда сіз заманауи ұлттық нақыштағы керемет образдарды таңдап, бірегей аксессуарлар таба аласыз және дәмді сусындар іше аласыз. Дүкен фирмалық киімдер мен аксессуарлардың, майшамдар мен косметиканың үлкен таңдауын ұсынады.
«Горельник», @gorelnik_visit_center
Алматылықтардың ең танымал және сүйікті жаттығу орындарының бірі. Бұлақ аумағында тау термальды су құйылған екі бөшке, сондай-ақ спорт алаңы бар. Визит орталығы мен әйгілі Apa Katya бар, мұнда әдемі көріністі тамашалап отырып, дәмді таңғы ас ішуге болады. Мәзірде сорпа, ыстық тағамдар, десерт, сэндвич және сусындар бар.
Wildhome Almaty, @wildhome_almaty
Wildhome Almaty — романтикаға толы табиғат аясында демалуға болатын жайлы атмосфералы үй. Іші қажет нәрсенің бәрімен жабдықталған. Төсек, тамақтануға болатын үстел, ыдыс-аяқ, барбекю, жылытқыш, модем, танымал стримингтік қызметтерге жазылған теледидар бар.
Антистресс-кеңістік
Антистресс-кеңістік — бұл іште жиналған барлық негативті қалдыруға болатын жер. Мұнда ыдыстарды ұрып, жиһазды сындырып, айқайлай аласыз. Арнайы бөлмелер жиналып қалған эмоциялар мен күйзелістен арылғысы келетін адамдар үшін жасалған. Сіз оны немене жою керектігін таңдай аласыз: бейсбол битасы, балға немесе зілбалға. Алматыдағы антистресс-кеңістіктер — @kryshikomnata_almaty және @antistress_space.
MAFIA VIP — құлайтын кресломен жабдықталған кәсіби мафия ойыны, @mafia_vip_kz
MAFIA VIP — арнайы құлайтын кресло және үстелмен жабдықталған Қазақстандағы мафия ойнауға арналған бірінші студия. Ойын барысында қатысушыларға арнайы маскалар беріледі. Кәсіби мафиядағы ойынның мәні — әуесқой ойынындағыдай, сюжеті стандартты. Қызыл және қара ойыншылар бар — бейбіт тұрғындар және мафия.
Gorilla Energy Park, @gorilla_energypark
Gorilla Energy Park — экстремалды спорт әуесқойларына арналған ойын-сауық. Gorilla Zipline және Rope Jumping аттракциондары бар. Gorilla Zipline-да болат троспен жоғары жылдамдықпен түсу арқылы адреналин сезіне аласыз. Rope Jumping аттракционында биіктіктен ұшуға болады.
FAST COASTER, @koktobe.park
FAST COASTER — Қазақстандағы рельспен төменге құлдилайтын жалғыз шана жолы. Ол сағатына 45 шақырымға дейін жылдамдықпен жүре алады. Қонақтар адреналин сезініп, қаланың әдемі көрінісін тамашалайды және таза тау ауасымен тыныстайды. Кешке бұл жерден мың бояулы түнгі Алматының таңғажайып панорамасы ашылады.
Stand by Club, @standby.club
Stand by Club — Алматыдағы жаңа стендап клуб. Бұл жерде комиктер өнер көрсетеді, ашық микрофондар және импровизация шоулары өтеді.
Hazbin, @hazbin_alm
Hazbin — атмосфера, коктейльдер, достар, түрлі тағамдар. Арт-кеңістіктің интерьері көне қирандылар ретінде стильдендірілген. Мұнда түрлі іс-шара өткізіліп тұрады: рейвтер, перфоманстар, көрмелер, концерттер. Күндіз Hazbin-де дәмділеп ас ішуге болады: мәзірде тағамдар, салаттар, ыстық тағамдар және десерттер бар.
«Мануфактура», @manufactura.almaty
«Мануфактура» — әртүрлі бар орналасқан жаңа кеңістік. Ғимарат қабырғаларының дизайнын жасау үшін үздік алматылық граффитишілер арасында байқау өткізілген болатын. Мұнда авторлық коктейльдер ішуге, үстел ойындарын ойнауға, достарыңызбен кездесіп, жақсы демалуға болады.
Show Today, @showtoday.almaty
Show Today — интерактивті ойындар ойнауға және көңіл көтеруге болатын жаңа ерекше студия. Олар әртүрлі жастағыларға арналған конкурстар мен квиз ойындарын өткізіп тұрады. Әрбір келушіге бағдарлама жеке таңдалады.
