Моделинг саласында мансап құрып жатқан жас және талантты қыздармен таныстық.
Ақбота Есен, 18 жаста, Шымкент қаласы, студент, @_ akbotaa _
Өзім туралы
Мен екінші курс студентімін, «Екі шет тілі» мамандығында оқимын. 15 жасымнан бастап моделингпен айналысамын.
Моделингке қалай келдім
Кішкентай кезімнен бастап менің бойым ұзын. Маған құрбым модельдік агенттікке баруға кеңес берді. Солайша мен ата-анамды көндіріп, сынақ сабағына бардым. Өзімді сенімсіз сезініп, қысылдым. Бірақ бізге сабақ берген нұсқаушыға қарап, шабыттандым. Мені директор байқап, мақтау айтты. Осыдан бәрі басталды.
Қызмет ерекшеліктері туралы
Саланың күрделілігі:
— жоғары бәсекелестік
— көрсетілімдерде өлшемі жағынан сәйкес келмейтін аяқ киім берілуі мүмкін, бірақ дефильден өту керек — тұрақсыздық.
Артықшылықтары:
— атақты брендтермен ынтымақтастық жасау мүмкіндігі — танымал адамдармен танысу және қарым-қатынас жасау
— шетелде жұмыс істеу мүмкіндігі.
Менің моделингтегі жетістіктерім: 2021 жылдан бастап KFW Shymkent көрмесіне қатысамын, Face of Shymkent қатысушысымын. Болашақта Оңтүстік Кореяда жұмыс істегім келеді.
Ұсыныстар
Егер модель болғыңыз келсе, онда өзіңізді қалыпта ұстап, өзіңізді және бетіңізді күтуге кеңес беремін. Модельдік агенттікке хабарласып, жақсы мектепте оқып шығыңыз.
Камила Аман, 20 жаста, Алматы қаласы, модель, @aman.camila
Өзім туралы
Мен Алматыда «Медиа журналистика» мамандығы бойынша оқимын. Екі қалада — Астана мен Алматыға тұрамын.
Блог жүргіземін — бұл менің шығармашылығым. Блогтың арқасында Instagram моделингіне келдім.
Моделингке қалай келдім
Барлығы 2021 жылы TikTok платформасынан басталды. Менің әр видео-бейнем ұсыныстарға түсіп, мені косметика мен киім дүкендері байқады. Жас бизнесмендер менің олардың жобаларының жүзі болуымды қалады. Мен сәл ғана, сақтықпен жобалар алып, әр түсірілімге жан-тәніммен берілдім.
Қызмет ерекшеліктері туралы
Әлеуметтік желілердің үлкен күші бар. Бұл күш адамдардан тұрады. Мен әрқашан жазылушылардан көмек сұрай аламын, олардың маған көмектесетінін білемін. Адамдар — басты артықшылық, сонымен қатар олар да басты сыншылар.
Мен негізінен жарнамалық интеграцияларға, коммерциялық түсірілімдерге түсемін. Ешқашан моделинг мектебінде оқыған емеспін. Позинг пен сатуда қолымнан келгеннің бәрі бақылаудың, ішкі сұлулық сезімі мен харизманың арқасында. Болашақта мен актерлік қабілетімді дамытып, тарихи фильмге түскім келеді. Бұл менің арманым.
Ұсыныстар
Модель болғысы келетіндерге өздерін жиі түсіріп, өздері туралы әлемге хабар таратуға кеңес беремін. Харизманы және сөйлеуді дамытыңыз. Шындығында, бәрі сыртқы келбетке байланысты емес. Арнайы нормалар немесе шеңберлер жоқ. Өзіңізге рөл ойлап табыңыз және әрекет етіңіз. Әрекетсіздікке ешкім келмейді.
Асем Жетбисбаева,19 жаста, Қарағанды қаласы, модель, @zhetbisbaaeva
Өзім туралы
Мен Тәттімбет атындағы Қарағанды өнер колледжінде «Мәдени-бұқаралық іс-шараларды ұйымдастырушы» мамандығы бойынша оқимын.
Мен актерлік шеберлік пен вокалға үйрендім. Камат Қасенов атындағы театр ұжымдарының халықаралық фестиваліне «Трибунал» трагикомедиясымен қатысып, басты рөлдердің бірін сомдадым. Мектеп іс-шараларына белсене қатыстым.
Моделингке қалай келдім
Сегізінші сыныптан бастап модельдік салаға қызығушылық таныттым. Маған қыздардың өздерін көрсетіп, танытып, сыртқы келбеті мен сұлулығын көрсете алатыны ұнайды.
Биылғы жылдың мамыр айында мен Artline модельдік агенттігінің «Қарағанды аруы» облыстық сұлулық байқауының кастингінен өттім, онда негізгі дайындықтан бөлек дефилені, шешендік өнерді, хореографияны, позициялауды, этикетті үйрендім.
Нәтижесінде мен «Қарағанды аруы 2023» байқауының финалисті болдым. Байқаудың серіктестері, якуттық гауһар зергері, мені Miss Epl Diamond деп таңдады.
Қызмет ерекшеліктері туралы
Әр жұмыстың өзіндік қиындықтары мен ерекшеліктері бар. Біздің елімізде моделлинг қарқынды дамып келеді, соның нәтижесінде үлкен бәсекелестік бар. Сондай-ақ бұл жерде нормаланбаған жұмыс кестесі бар.
Бірақ кемшіліктермен бірге артықшылықтар да көп. Модельдер табысты және жария адамдар, дизайнерлер мен модельерлер ортасында болу мүмкіндігіне ие. Біздің заманымызда модель мамандығы жоғары жалақыға ие болып отыр.
Ұсыныстар
Қажет болған жағдайда жақсы модельді мектепте оқып, мамандықтың негіздері мен ерекшеліктерін білуге болады. Сіздердің барлық қасиеттеріңіз бен табиғи сұлулықтарыңыз көрсетілген сәтті фотосуреттеріңіз бар лайықты портфолио жасаңыз.
Өзіңізді ұсыныңыз, әлеуметтік желілерді, әсіресе Instagram парақшаңызды жүргізіңіз. Бұл сіздің визит карточкаңыз болуы мүмкін. Шынайы және сенімді болыңыз, сонда міндетті түрде табысқа жетесіз.
