Кәсіби мансап шегіне жеткенде, әр студент маңызды кезеңге — практикадан өту үшін компания таңдауына тап болады. Біздің кейіпкерлеріміз ірі компанияларды іздеу және сол жақта жұмыс істеу тәжірибесімен бөлісті.
Амина Рашид, 19 жаста, Астана қаласы, @ne.polyglot
Өзім туралы
НЗМ бітіргеннен кейін мен бір жылдық үзіліс жасадым. Қазіргі уақытта StudyQA компаниясында жұмыс істеймін. IT және маркетинг дағдыларын дамыту үстіндемін.
11-сыныпта мен Куба Елшілігінде тәжірибеден өттім. Сол кезде мен оқыған испан тілі маған дипломатиялық корпуспен жұмыс істеуге мүмкіндік берді. Елшілікте іс-шараларды ұйымдастыруға қатыстым, Куба Елшісінің сөздерін аудардым және келушілермен қарым-қатынас жасадым. Бұл тәжірибе менің Халықаралық қатынастар мен саясатқа қатысты бағытты таңдауға деген сенімімді нығайтты.
Сол жылы американдық автокөлік жалдау компаниясында data талдаушысы ретінде қашықтан тағылымдамадан өттім. Клиенттер туралы деректерді талдаумен, олардың қалауындағы үрдістерді анықтаумен және есептерді дайындаумен айналыстым. Бұл тағылымдама менің аналитика және ақпараттық технологиялар мүмкіндіктері туралы түсінігімді кеңейтті.
Тәжірибе үшін компанияны қалай табуға болады
Тәжірибеге арналған компанияны таңдағанда, мен бірнеше негізгі факторларға назар аударамын. Біріншіден, компанияның нарықтағы беделі, оның жетістігі мен тұрақтылығы. Қызмет саласы да маңызды. Мен өзімнің қызығушылықтарым мен біліктілігіме сүйенемін. Тағы бір маңызды аспект — компанияның мәдениеті. Оның құндылықтары мен тәсілдері ыңғайлы жұмыс ортасын құра отырып, менікімен сәйкес келуі маңызды. Кәсіби даму маңызды. Мен өсу мен оқу мүмкіндіктерін ұсынатын компанияларды жақсы көремін.
Студенттер өздерінің мансаптық мақсаттары мен болашақ жұмысынан не күтетінін жеткілікті түрде нақты көрсетпеген кезде жиі қателеседі. Әрбір компанияның бірегей екенін ескеру маңызды. Сіз өзіңіздің жеке мақсаттарыңызбен сәйкес келетін жерді таңдауыңыз керек. Компанияны таңдауда, ақылға қонымды және саналы шешім — мансаптың сәтті басталуына ықпал етеді.
Мен практикалық дағдылар мен кәсіби тәжірибенің болуы адамның жоғары білімі болмаса да, мансаптық дамуда шешуші рөл атқаратынына сенімдімін. Кәсіби мақсаттарыңызды нақты түсіну маңызды.
Аружан Бекбосынова, 22 жаста, Цукубақаласы, Business Development Associate, @aruzhandes
Өзім туралы
Мен Жапониядағы Цукуба университетінде оқимын, сонымен қатар жапондық IT компаниясында тағылымдамадан өтіп жүрмін. Бакалавриаттың үшінші курсынан бастап тәжірибе бағдарламаларына өтініш беріп бастадым. Университет жанындағы Британ консулдығының Creative Spark бағдарламасы бойынша жұмыс істеп, сондай-ақ іс-шараларды ұйымдастыруға қатыстым.
Төртінші курста мен ЮНЕСКО-да жастар бағдарламалары бойынша ассистент ретінде және Efes Kazakhstan және Mars Kazakhstan компанияларында, маркетинг бөлімінде тағылымдамадан сәтті өттім.
Тәжірибе үшін компанияны қалай табуға болады
Тағылымдамалар студенттерге мансап таңдауын анықтауға, байланыс желісін кеңейтуге және болашақ мансап үшін құнды тәжірибе, дағдыларды жинауға көмектеседі.
Практика үшін компанияны таңдағанда, негізгі фактор — оқыту мен кәсіби дамуға мүмкіндік беру. Кейбір компаниялар ішкі тренингтерге, білім беру платформаларына және қызметкерлерді оқыту құралдарына қол жеткізуге мүмкіндік береді.
Студенттердің компанияны таңдаудағы негізгі қателіктерінің бірі — олар жұмыс істейтін компания мен бөлімнің қызметі туралы жеткіліксіз хабардар болуы. LinkedIn-де мамандармен кеңесу арқылы, таныстарыңмен сөйлесу арқылы алдын-ала зерттеу жүргізу, компанияның процестерін, бөлімнің қызметі туралы біліп алу маңызды.
Екінші жиі кездесетін қателік — кешенді тәсілдің болмауы. Тек позиция мен көшбасшы ғана емес, сонымен қатар компания қызметінің сіздің мансаптық мақсаттарыңызға сәйкестігі де маңызды. Сіз өзіңіздің әлеуетіңізге жетуге және жаңа дағдыларды алуға болатын ұйымды мұқият таңдауыңыз керек.
