facebook

Кейіпкер ұсыну

WE үшін біздің және отбасымыздың жанында кімдер болатыны маңызды. БІЗ айналамызда сенім арта алатын айнымас адамдар болуы үшін жұмыстанамыз. Адамдарды ұсына отырып, біздің құндылықтар мен бағыттарымызға назар аударыңыз.

    WE адамдары:

  • Біздің Адамымыз адамдардың өмірін жақсартатын нәрселерді жасауға тырысады

  • Біздің Адамымыз айналамен қарым-қатынас жасағанда адал әрі әділ, парасатты әрі сенімді

  • Сіз оған сенесіз және оның адалдығына сенімді боласыз

  • Біздің Адамымыз толыққанды өмір сүреді: сүйікті отбасы, лайықты орта, қызықты хобби

  • Біздің Адамымыз әрқашан алға жүріп, шыңдала түседі

  • Біздің Адамымыз айналаға бей-жай қарай алмайды және бізбен бірге қайырымды істер жасауға дайын

Ары қарай closesearch
Кейіпкер ұсыну

Адамды ұсынатын бір немесе бірнеше айдарды таңдаңыз


Закрыть поиск
Закрыть поиск
drawnuplogolink
Сіздің сұранысыңыз қабылданды

Бас мәзірге өту

Жіберілімге Жазылу

closesearch
Array
(
    [SRC] => /upload/resize_cache/iblock/fc5/400_450_240cd750bba9870f18aada2478b24840a/fh03xomxzihtfkzbnx1dz11dchppykz3.jpeg
    [WIDTH] => 400
    [HEIGHT] => 450
)
z-zholy-nan-taymasa-ty-daushy-da-tabylady-darrem-z-n-mansaby-zh-ne-zha-a-relizder-turaly
logo
«Өз жолыңнан таймасаң, тыңдаушың да табылады», — Darrem өзінің мансабы және жаңа релиздері туралы
Главный (каз)

16.09.2023

«Өз жолыңнан таймасаң, тыңдаушың да табылады», — Darrem өзінің мансабы және жаңа релиздері туралы

Darrem атымен танымал Дармұхамед Ерімбетов мансап жолының қалай басталғанын және қайда жоғалып кеткенін айтып берді, сондай-ақ тыңдармандарына қандай жаңалық дайындап жатқанымен бөлісті.


Дармұхамед Ерімбетов, 26 жаста, қаласы — Алматы, музыкант, @darremind

IMG_9749.JPEG

Бәрі қалай басталды

Мен 1997 жылы қаңтарда Шымкент қаласында дүниеге келдім. Ал жетінші сыныптан бері Алматыда тұрып келемін. KIMEP-те маркетолог мамандығында оқыдым, бірақ оқуымды аяқтамадым. Музыкантпын, ән жазамын, орындаймын.

Менің сахналық атым Darrem. Бастапқыда мен Darik деген атты таңдаған едім, себебі мені жақындарым осылай атайтын. Бірақ мұндай бүркеншік ат тым қарапайым болып көрінді де, әбден басымды қатырып, ребрендинг жасағым келді. Бір күні әпкем Darren деген атты көріп қалып, көріп, соңғы әріпті «М» әрпіне ауыстыруды ұсынды.

Алғашқы әнімді 14 жасымда жаздым

Алғашқы «әнімді» 14 жасымда жаздым. Ол кезде бауырларыммен бірге Ыстықкөлде демалып жатқанмын. Шабыттанып, балалық махаббат туралы мәтін жаздым да, оны жақындарыма көрсеттім, ал олар мені қолдай кетті. Өткенге көз жүгіртсем, бұл мәтіндерде ешқандай идея, ой болмағанын түсінемін. Кейінірек, тәжірибе мен арман-мақсатымның арқасында мен жақсырақ жаза бастадым.

Мен «Новый год» әнінен кейін танымал бола бастадым. Трек «Ирина Қайратовнаның» жаңа жылдық шығарылымында орындалып, желіде кеңінен тарады. Әнді 2018 жылдың жазында жазған едім. Шындығында, бұл мандарин мен апельсин туралы жаңа жылдық ән емес, жыл сайын алдыңызға қандай да бір мақсаттар қойып, соған жетуіңіз туралы. Сол кезде менің бір үлкен арманым бар еді, ол жартылай орындалды.

Шығармашылық пен шабыт туралы

Менде бір стиль жоқ. Жалпы, мен поп жазамын, бірақ хип-хоп пен фанктың дыбысталуы да бар. Өзім тыңдар едім деген туындылар жазамын. Маған тұрақты дыбысталуды ұстанған ұнайды.

Мен әндерді қашанда әртүрлі жазамын. Бұрындары компьютердің алдында отырып, биттерді іздеп, ең танымалын сатып алатынмын. Қазір битті өзім шығарып, оған ән мәтінін жазамын. Кейде гитарада дыңылдатып, әуендер ойнаймын.

Жалпы, шабыт дегенге сенбеймін, бірақ кейде еш қиналмай жаза салатын ерекше күндер болады. Бұл қандай да бір ағын, толқын дер едім.

Менің музыкам уақыт өте келе дамыды

Менің музыкам уақыт өте келе дамыды. Мен дамыдым, басқа тақырыптарда ән жаздым. Бірақ адамдар мұны менің ақымақтығым мен немқұрайлылығымнан көрмеді. «А» нүктесінен «Б» нүктесіне дейінгі аралықта, яғни ән жазу мен оның релизі арасында коллапс орын алатын. Мен тректер жазатынмын, бірақ оларды шығармайтын едім. 2020 жылы бәрі құлдырап, мен музыка жазуды мүлдем қойдым. Содан бері осы күйден ақырындап шығып, бірте-бірте ашылып келемін.

Әндерімнің ішінен тыңдарманның назарын аударатындары ұнайды: «Пьяный молодой», «Новый год». Бірақ танымал бола алмағандары да бар. Мысалы, «Мили миллионы», «Причинять тебе боль», «Там где».

Концерттер кезінде адамдар әндеріңді сенімен бірге айтқан кездер керемет сезім сыйлайды. «Пьяный молодой» әнін орындап жатқан кезде көпшілік секіріп, шаң көтеріліп, ештеңе көрінбей қалған сәт болды. Міне, маған сондай есте қаларлық сәттер қатты ұнайды.

Ағымдағы іс-шаралар мен жоспарлары туралы

Қазір ерекше сезімдемін. Себебі өзімнің ең жақсы нұсқам болуға тырысып жүрмін.

Ақыл-кеңес

Ешқашан өзіңе күмәнданба және тек алға ұмтыл. Өйткені өзіңе сенбесең, саған ешкім де сенбейді.

Музыкант болғандықтан, жұмыстың жүрмейтін кездері де болады. Бұл өзіңді жеңіп, үнемі тәжірибе жинақтау керек дегенді білдіреді. Өзіңнен басқа ешкімге жағуға тырыспа. Өз жолыңнан таймасаң, тыңдаушың да табылады.

Ешқашан өзіңе күмәнданба және тек алға ұмтыл

Адамдардың басында жақсы ойлар көбірек болса екен деймін. Негативтің шырмауына түсіп қалмау керек.

Узнайте первыми:

Подписаться на рассылку WE project!

Мы пишем о том, что помогает сориентироваться в новом мире и выбрать то, что нужно именно вам.