Мұндай мүмкіндік жасайтын тың технологияны отандық IT мамандары ойлап тапты. Ол «NB-IoT» деп аталады. Пилоттық жоба енді ғана жұртшылыққа таныстырылды. «Ақылды үй» жүйесіндегі газ, су, электр энергияның тұтынған көлемін қарапайым ұялы телефон арқылы көруге болады. Бастысы интернетке шығу мүмкіншілігіңіз болуы қажет.
Таир Балбаев, жоба құрастырушы компанияның бас директоры:
— Қазіргі таңда біз 6 қондырғы ойлап таптық. Олар үйде орналасқан есептеуіш құрылғылардың жанына қойылады. 6 жылға дейін бір батареямен жұмыс істей алады. Олар есептеуіш құралдағы барлық көрсеткішті бірыңғай базаға жинақтайды. Оны ұялы телефонға арнайы қосымша жүктеп көруге болады.
Дерек көзі: www.khabar.kz
