TikTok-та жұмыс істеу — бұл тек бейне мен трендтер ғана емес, сонымен қатар мансаптық өсу үшін нақты мүмкіндіктер. Компания қызметкерлері әлемдегі ең ірі интернет-компаниялардың бірінде мансап құру туралы өз әңгімелерімен және кеңестерімен бөлісті.
Айпери Джаанбаева, Алматы қаласы, Operations Manager,
@adzhaanbaeva
Өзі туралы
Мен KIMEP университетін 2022 жылы «Бизнес әкімшілендіру» бағдарламасы бойынша «Маркетинг» мамандығымен бітірдім.
Оқумен қатар американдық маркетинг агенттігінде жұмыс істедім. Бүкіл әлем бойынша инфлюенсерлермен ынтымақтасып, маркетингтік науқандарды іске асырды. Бұл қызмет менің сандық маркетингке және әлеуметтік желілердегі контентке деген қызығушылығымды оятты.
TikTok қызметіндегі мансап туралы
Өткен жылы TikTok өкілдері LinkedIn арқылы байланысқа шықты. Ол кезде мен жақында ғана түлек болдым. Менің артықшылықтарым АҚШ пен Еуропадағы оқудың халықаралық тәжірибесі болды: мен FLEX және Erasmus + бағдарламаларына, сондай-ақ маркетинг агенттігінде практикалық жұмыс тәжірибесіне қатыстым. Офферді алу процесі бірнеше айға созылды.
Қазір мен TikTok LIVE-дағы Operations Manager қызметінде жұмыс істеймін. Шығыс Еуропа, Орталық Азия және Оңтүстік Кавказ өңірлерінде LIVE экожүйесін дамытумен айналысамын. Сондай-ақ, контент жасаушыларға платформада дамуға көмектесемін.
Жұмыс ерекшеліктері туралы
TikTok-та жұмыс істеудің бір ерекшелігі — өте жылдам қарқын. Мұнда күн сайын жаңалық үйренесің. Бізде интернационалды команда бар — маған ішкі атмосфера ұнайды.
Кемшілігі де бар: платформа ешқашан ұйықтамайды. Сондықтан шұғыл назар аударуды талап ететін күтпеген жағдайлар туындауы мүмкін.
Жоспарлар туралы
Мен біздің өңірлерде контент сапасын арттыра отырып, мансаптық сатыда дамуды және өсуді жалғастырамын.
Менің мақсатым — сапалы мазмұнды насихаттауға көмектесу, оны пайдаланушылар үшін қызықты және салауатты ету.
Айжан Данабекова, 35 жас, Дублин қаласы, сапа жөніндегі талдаушы, @aizhana_danabekova
Өзі туралы
2017 жылы мен Дублинге University College Dublin-де мәдени әлеуметтану саласындағы магистр дәрежесін алу үшін келдім. Сол жылы әлеуметтік медиа бойынша тағылымдамадан өтуші және Ripplezoo коммерциялық емес ұйымда контент жасаушы болып жұмыс істей бастады. Мен жаһандық проблемалар мен адам құқықтары туралы мақалалар жаздым, адамдардан сұхбат алдым және қайырымдылық іс-шараларын ұйымдастыруға көмектестім. Бұл тәжірибе маған алға жылжыту үшін әлеуметтік медианы пайдалану саласындағы білімді тереңдетуге және «Виртуалды ортада ұжымдық құбылыс ретінде әлеуметтік желілерді құру» тақырыбында магистрлік диссертация жазуға көмектесті.
TikTok қызметіндегі мансап туралы
2019 жылдың қаңтарында мен Majorel компаниясында контент модераторы болып жұмыс істей бастадым. Онда күн сайын интернет-контентті қарадым. Менің міндетім пайдаланушы профильдерін, бейнелерді, фотосуреттерді және мәтінді талдау және бағалау арқылы онлайн контенттің сапасы мен қауіпсіздігін жақсарту болды.
Мен TikTok-та өз күшімді сынап көргім келді. Бос орындарға TikTok Careers сайты арқылы ұсынылды. 2021 жылдың тамызында төрт талпыныстан кейін сұхбаттың барлық кезеңдерінен өтіп, жұмыс туралы ұсыныс алдым.
TikTok-та мен Ads Service Specialist ретінде жұмыс істей бастадым, ал тоғыз айдан кейін Quality Analyst лауазымына жоғарыладым. Бұл рөлде TikTok платформасының қауіпсіздігі мен сенімділігін сақтау үшін бейне контенттің сапасы мен тиімділігін бағалаумен айналысамын.
Жұмыс ерекшеліктері туралы
TikTok — бұл өзін-өзі көрсету, шығармашылық және қарым-қатынас үшін миллиондаған адамдар пайдаланатын платформа. Біздің міндетіміз — пайдаланушыларды шығармашылыққа шабыттандыру және қуаныш әкелу.
TikTok-та жұмыс динамикалық және инновациялық корпоративтік мәдениетімен ерекшеленеді. Компанияда қызметкерлердің креативтілігі мен бастамасы бағаланады. Негізгі артықшылықтардың бірі — әлемнің түкпір-түкпірінен келген әріптестермен тәжірибе және идеялар алмасуға мүмкіндік беретін халықаралық командада жұмыс істеу мүмкіндігі.
Біз бірге құрып, өсіп келеміз, компанияның дамуына елеулі үлес қосып, қызмет ететін қоғамдастықтарды қолдаймыз. Біз платформаның қауіпсіздігіне жауапты болғандықтан, кейде эмоциялық жүктемені тудыратын сезімтал контентті қарауға тура келеді. Бұл ретте компания әрдайым жан-жақты қолдау бағдарламалары арқылы өз қызметкерлерінің әл-ауқатын қолдайды.
Неге TikTok таңдадым
Мен TikTok-ты таңдадым, себебі мені оның инновациялық табиғаты мен әлемдік нарықтағы қарқынды өсімі қызықтырды. Бірегей контент жасайтын және әлеуметтік медиа саласындағы жаһандық трендтерге әсер ететін команданың бір бөлігі болу мүмкіндігі маған өте қызықты және перспективалы болып көрінді.
Бұдан басқа, TikTok кәсіби және тұлғалық өсу үшін кең мүмкіндіктер ұсынады, сондай-ақ әрбір қызметкердің дағдылары, тәжірибесі мен бірегей перспективалары бағаланатын инклюзивті ортаны қолдайды.
Жоспарлар туралы
Кәсіби дағдыларды дамытып, жауапкершілік аясын кеңейтуді жоспарлап отырмын. Менің мақсатым — онлайн-контентті талдау және оның сапасын басқару саласында сарапшы болу. Мен компанияның дамуына елеулі үлес қосқым келеді.
Халықаралық жобаларға қатысу мүмкіндіктерін қарастырамын. Болашақта басшылық позицияны иелену үшін көшбасшылық қасиеттерді дамытуға тырысамын.
Жанна Терещенко, 31 жас, Нью-Йорк қаласы, Threat Researcher at TikTok,
@zterechshenko
Өзі туралы
Назарбаев Университетін бітіргеннен кейін «Саясаттану және халықаралық қатынастар» мамандығы бойынша мен Penn State University докторантурасына түстім. Мұнда мен екі мамандық бойынша оқыдым: «Халықаралық қатынастар» және «Әлеуметтік деректерді талдау». Содан кейін үш жыл бойы Нью-Йорк университетінде Centre for Social Media and Politics докторантурасында жұмыс істедім.
TikTok қызметіндегі мансап туралы
Постдокторантурада әлеуметтік желілерді зерттеп, Twitter және Meta мәліметтерімен байланыста болғандықтан, TikTok-та зерттеуші болып жұмыс істеу мен үшін мансаптың айқын жалғасы болды.
Мен компанияға 2022 жылы TikTok Science Lab-тегі Threat Researcher позициясына келдім. Біз зерттеумен айналысып, әріптестерімізге пайдаланушылардың қауіпсіздігі мен платформаның тұтастығына қатысты сұрақтар бойынша кеңес береміз.
Жұмыс ерекшеліктері туралы
TikTok-дағы жұмыс ерекшеліктерінің бірі — коллаборациялық орта. Мысалы, маған ең ұнайтын компанияның бірнеше принциптері: Grow Together және Champion diversity and Inclusion. Осы жерде жұмыс істеген кезімде мен әр түрлі саладағы ең ақылды адамдармен танысуға және жұмыс істеуге қол жеткіздім.
Мен әрдайым өзімнің үлесімнің құндылығын сезініп, әлеуметтік желілердегі ғылыми зерттеулер нәтижелерінің пайдасын көргім келді. TikTok маған осы мүмкіндікті берді.
Жоспарлар туралы
Өз саламда жұмысты жалғастырып, академиялық ғылым әлемін индустриямен байланыстыруды жоспарлап отырмын.
