Махаббат — бұл өмірдің ең нәзік және қуанышты сезімі. Ол жүрек тереңінде жатқан құпияларды ашады. Кез келген жүрек тереңдігіне үңілетін махаббат хикаяларына арналған сериалдар топтамасы.
«Макстон-холл», 2024
Мемлекет: Германия
Руби Белл — қарапайым қыз, өзінің білімге деген құштарлығының арқасында ол элиталық колледжге стипендиямен қабылданады. Жаңа ортаға үйренісе бастаған ол кездейсоқтықтан тәкаппар сыныптасы Джеймс Бофорттың жасырын сырын біліп қалады. Джеймс бұл сырды құпияда сақтау үшін Рубиді әртүрлі жолмен көндірмек болады. Алайда күтпеген жерден олардың арасында ерекше сезімдер пайда болады.
«Хватай Сон Чжэ и беги», 2024
Мемлекет: Оңтүстік Корея
Танымал актер Рю Сон-дженің жанкүйері жұлдыздың қайғылы түрде өлтірілгенін естіп, күтпеген жерден 15 жыл артқа оралады. Өткенге оралған ол мектеп оқушысы Со-джемен кездесіп, осы қайғылы оқиғаның алдын алу үшін бар күшін салуға шешім қабылдайды. Шытырман оқиғалардың арасында жүрген бас кейіпкерлер бір-біріне деген сезімдері ашыла бастайды.
«Эмили в Париже», 2020
Мемлекет: АҚШ
Американдық Эмили күтпеген жерден Парижге жұмыс сапарымен бару туралы ұсыныс алады. Ол жаңа ортаға бейімделіп, жергілікті мәдениетті меңгеріп, жаңа достар тауып, өзі күтпеген махаббатқа жолығады.
XO, Kitty, 2023
Мемлекет: АҚШ
17 жастағы Китти Сонг Хавидің өмірі Сеулдегі Kiss атты беделді корей мектебіне қабылданғаннан бастап мүлдем өзгереді. Өйткені онда өзінің сүйікті жігіті Дэ тұратын еді. Оңтүстік Кореяның астанасы Сеулде тұратын жігіті Дэмен кездесуге асыққан Китти бұл жолы өзінің жолы болатынына сенімді еді. Алайда, көптен күткен кездесудің нәтижесі күтпеген жағдайға айналып, Китти қарым-қатынастың шынымен де өте күрделі екенін түсінеді, ал оның болашағы бұрынғыдан да белгісіз күйге түседі.
«Король земли», 2023
Мемлекет: Оңтүстік Корея
Чон Со Ран бала кезінен «Кинг» қонақүйіне қатысты көптеген жылы естеліктерге толы сүйкімді бойжеткен. Арманына айналған жұмысқа орналасып, ол қызметтестерін өзінің жарқын күлкісімен баурайды. Алайда оның өмірі күтпеген жерден өзгеріп, оны King group компаниясының болашақ мұрагері Гу Вонмен жолықтырады. Екі әлемнің өкілі болған бұл екі жасты тағдыр бір арнаға тоғыстырмақ.
«То лето, когда я похорошела» 2022
Мемлекет: АҚШ
16 жасқа толғалы тұрған Белли Конклин тағы бір естен кетпес жазды күтуде. Бұл жазғы демалыс оның көптен бері ұнатқан адамы Конрад Фишермен бірге өтпекші. Екі отбасының дәстүріне сәйкес олар жазды бірге өткізеді, ал Белли 10 жасынан бері Конрадқа ғашық болғандықтан, бұл жазда қарым-қатынастарында қандай да бір өзгеріс болатынына үмітті. Алайда, Белли мен оның анасы Лорел келгенде, Конрадтың мінез-құлқындағы өзгерістерді байқайды. Кейінірек Конрадтың басқа қызы бар екенін біледі. Беллидің сезіміне жауап бермегенімен, Конрадтың інісі Джеремайя бұл мүмкіндікті жіберіп алғысы келмейді.
«Деловое предложение», 2022
Мемлекет: Оңтүстік Корея
Щин Ха-ри ұзақ уақыттан бері өз досына ғашық болып жүр, бірақ оның сүйіктісі бар екенін білгенде, көңілі құлазиды. Осы сәтте, ол бай құрбысының өтініші бойынша, оның орнына кездесуге баруды шешеді. Алайда, Ха-ри кездесуге келген жігіттің өз компаниясының жас әрі сымбатты бас директоры екенін көргенде, не істерін білмей қалады. Бір ғана кездесуден басталған бұл оқиға, олардың өмірінде орын алған түрлі қызықтар мен күтпеген жағдайлар арқылы шынайы махаббатқа ұласады.
«Сладкие магнолии», 2020
Мемлекет: АҚШ
Оңтүстік Каролинаның Серенети қаласында бала кезден дос болған үш құрбы өмір сүреді. Олар өздерінің қуаныштары мен қиындықтарын бірге бөлісіп, бір-біріне қолдау көрсетіп, әр күнді бірге өткізіп келеді. Бүгінде олар есейіп, әдемі әйелдерге айналған. Тағдыр оларға шынайы әйелдер достығын сыйлады, осындай керемет достық аясында өздерінің махаббаттарымен кездесіп, одан әрі қызықты кезеңдерді бастарынан өткізеді.
«Записки юности», 2020
Мемлекет: Оңтүстік Корея
Жас визажист Ан Чон Ха модельдік әлемге жол табуға ұмтылатын Са Хе Джунмен танысады. Са Хе Джун мен оның досы Хэ Хё, актерлік салада белгілі бір жетістіктерге қол жеткізген, өнер индустриясында жоғары мақсаттарға жетуді армандайды. Ан Чон Ха да өзінің амбицияларын жүзеге асыру үшін жоғары мақсаттар қояды және шоу-бизнеске қадам басу үшін бар күшін салады. Әр түрлі болғанымен, оларды біріктіретін ортақ арман — табысқа жету және өз потенциалын толық іске асыру. Жастардың беріктігі мен жігері олардың кез келген қиындықты жеңуіне көмектесіп, арасында ерекше сезім тудырады.
«Я никогда не...», 2020
Мемлекет: АҚШ
Америкалық мектеп оқушысы өткен қиындықтардан кейін жаңа өмір кезеңіне қадам басуға дайын. Бірақ өмірінде отбасының, достарының қолдауы мен өз сезімдерін реттеу оңайға соқпайды. Өмірдің барлық сынақтарына қарамастан, ол өз армандарына жетуге ұмтылады, бұл жолда өзінің ішкі әлемін, қарым-қатынастарын және жеке күш-қуатын жаңадан табуға тырысады.
