Қазақ тағамдары әлемнің түкпір-түкпіріндегі гурмандарды бағындырып, әлемдік деңгейге шығып жатыр. Біз сіздер үшін қазақ ұлттық тағамдарын дайындайтын үздік мейрамханалар тізімін ұсынамыз.
Shafran Dubai мейрамханасы, @shafran.dubai
«Shafran Dubai» мейрамханасы — қазақ халқының қонақжайлылығы мен бай мәдениеті ұштасқан Дубайдағы Қазақстанның бір бөлшегі. Мұндағы кең әрі сән-салтанаты келіскен шығыстық интерьер кез келген отбасылық кештер мен мерекелер үшін мінсіз орын.
Tary Coffee House, @tary_us
Чикагодағы Tary — ірі мегаполистің қақ ортасындағы қазақ мәдениетінің бір бұрышы. Мұнда ұлттық тағамдар, тары қосылған шай мен кофе, тіпті қымыздан жасалған балмұздақ сияқты ерекше тәттілер ұсынылады. Сонымен қатар, Tary-ның бір филиалы Ташкентте орналасқан.
Almaty Dubai мейрамханасы, @almaty_restaurant_dubai
Мейрамхана мәзірінде бешбармақ пен қуырдақ сияқты дәстүрлі қазақ тағамдары мен шығыс асханасының танымал тәттілері ұсынылады. Мұнда тек дәмді тағамдардан ләззат алып қана қоймай, жылы шырай мен рухани тереңдікке толы қазақ мәдениетін сезіне аласыз.
Nomad мейрамханасы
Шанхайдағы Nomad мейрамханасы — орта Азияның көшпелі мәдениетіне негізделген ерекше орын. Интерьері Алматыдағы мейрамханаларды еске салып, үйдегідей жайлы атмосфера сыйлайды. Қонақтар тақия, шапан секілді ұлттық киімдерді киіп, қазақтың дәстүрлерін тереңірек танып-біле алады. Дәмді тағамдар мен үздік қызмет көрсетуді іздеген жандар үшін таптырмас таңдау.
Chez Mademoiselle Paris-Astana
Chez Mademoiselle — Париж жүрегінен орын тапқан қазақ және орта Азия тағамдарымен таныстыруға мүмкіндік беретін жер. Интерьері шығыстық нақыш пен еуропалық талғампаздықты үйлестіріп, қазақ мәдениетін әрбір дәм мен деталь арқылы паш етеді.
Almaty мейрамханасы
Тбилисиде орналасқан Almaty мейрамханасы қазақ диаспорасы мен Қазақстан мәдениетімен танысқысы келетін грузиндер үшін ерекше орынға айналды. Бұл жер үйде дайындалғандай дәстүрлі дәмнің арқасында жергілікті тұрғындар мен туристер арасында танымалдыққа ие.
Farida мейрамханасы
Farida — Нью-Йорктегі қазақ және орта Азия тағамдарының аутентикалық дәмін ұсынатын халал мейрамхана. Мұнда дәстүрлі бешбармақ, қазы және басқа да ұлттық тағамдар дайындалып, әрбір келушіге Қазақстан мен Өзбекстанның дәмін таныстырады.
Alma Hanym Kazak Meyramhanasy, @almahanym_restorans_
Alma Hanym Kazak Meyramhanasy — Ыстанбұл жүрегінде орналасқан ерекше мекен. Бұл жерде қонақтар қазақтың бай гастрономиялық дәстүрлерін айшықтайтын ұлттық тағамдардан дәм тата алады. Бұл жерде қонақтар қазақтың дәстүрлі ас мәзірімен танысып, мәдениеттің байлығын сезіне алады.
Alma-Ata Kazakhstan мейрамханасы, @almaata.phuket
Пхукеттегі Alma-Ata Kazakhstan мейрамханасы қонақтарға қазақтың ұлттық тағамдарынан дәм татуға мүмкіндік береді. Отбасымен келген қонақтарға ыңғайлы болу үшін балаларға арналған кішігірім ойын алаңы бар.
