Қазақстанның мәдениеті әрі бай, әрі әдемі. Елімізде көшпелі мәдениетті мақтан тұтып, ұлттық нақыштағы заманауи брендтер жасап жүрген дизайнерлер көп. Олардың кейбіреулері туралы бүгінгі материалымыздан оқи аласыздар.
Брендтің негізін қалаушы — Роксана Әділбекова. Бренд Орталық Азияның тарихы мен мәдениеті жайлы сыр шертеді. Халықаралық нарықтағы халықтар туралы әңгімелейді. Топтамада заманауи көшпенділерге арналған стильді және батыл көзқарастағы киімдер бар.
Қазақстандық тағы бір киім бренді өз стилін ерекшелеп көрсеткісі келетіндерге арналған. Мұнда заманауи дизайнерлік, сондай-ақ ыңғайлы көйлектер мен жарқын түсті шапандар сияқты этникалық стильдегі киімдерді сатып алуға болады.
Қазақстандық дизайнерден кең әрі сәнді сөмкелер. Олар табиғи материалдардан жасалған және шығыс стилінде безендірілген.
Қазақтың ұлттық зергерлік бұйымдары сәнге қайта оралды! Олар заманауи киімдермен тамаша үйлеседі. Бренд табиғи тастармен әшекейленіп, күміс пен қоладан жасалған зергерлік бұйымдарды шығарады.
Ұлттық ою-өрнекпен безендірілген әйелдерге арналған күнделікті және кешкі киімдердің бренді. Халықаралық сән байқауларына жиі қатысып тұрады, сол себепті шетелде айтарлықтай танымал.
Ая Бапани қазақтың салт-дәстүрі мен көшпелі халықтың тарихынан шабыттанып жасаған киімдерді ұсынады.
Күнделікті тұрмысқа қажетті ұлттық киімдерді сатып алуға болатын бренд. Мысалы, қазақтың ою-өрнегі бар пиджактар немесе әйелдерге арналған абайкалар.
Табиғи жүннен әрі қолдан жасалған кілемдер дүкені. Мұнда түстер мен дизайнның көптеген түрі бар. Кілемдер кез келген адамның үй интерьеріне сай келеді.
Этникалық өнімдер жасайтын тағы бір бренд. Қолдан жасалған әдемі көрпелер сатып алуға болады. Отбасы мен шетелден келген меймандарға тамаша сыйлық.
Бренд бас кезінде стильденген ою-өрнектері бар аксессуарларды жасаған. Ал қазір үй тоқыма бұйымдарын да осы жерден таба аласыздар. Қазіргі жастар ұлттық нақыштағы заттарды сатып алып, үй интерьерін толықтыра алады.