Шымкент — ыстық климаты мен қарқынды қалалық өмірі бар қала. Кейде осы қарбаластан шығып, таза ауамен тыныстап, жайлы ортада демалғың келеді. Қаладан алыс емес жерде отбасыңмен немесе достарыңмен демалыс күндерін өткізуге болатын тамаша демалыс орындар бар. Осы шолуда біз Шымкентке жақын ең танымал демалыс базаларын жинадық.
«Көлкент», @kolkent.koli_shymkent
«Көлкент» — отбасылық демалысқа арналған таптырмас орын, мұнда әркім өзіне ұнайтын іс таба алады. Балықшылар үшін тамаша балық аулау мүмкіндігі бар, ал белсенді демалысты ұнататындар футбол алаңында немесе жағажай волейболында ойнай алады. Су ойындарын ұнататындар үшін катамаранмен серуендеу мен гидроциклге міну мүмкіндігі бар.
VIVOOD TAU, @vivood_tau
Тау бөктерінде орналасқан бұл туристік кешен оңашаланып, толық демалғысы келетіндерге арналған. Қонақтар таза ауа мен тамаша көріністерден ләззат ала алады. Тұрғындарға жайлы үйшіктер мен танымал шар пішінді шатырлар ұсынылған.
Eco Village Kaskasu, @ecovillage_kaskasu
Eco Village Kaskasu демалыс базасы — табиғат аясында, жайлы жағдайда демалғысы келетіндер үшін тамаша орын. Мұнда жайлы үйшіктер, барбекю аймақтары, бассейн мен балалар алаңы бар. Базаның ерекшелігі — аумақта еркін жүрген бұғылар, олармен суретке түсіп, тәттілер сыйлай аласыз.
Tau Samaly Mountain Resort, @tausamalymountainresort
Tau Samaly Mountain Resort — белсенді демалысты және жайлылықты бағалайтындар үшін арналған көркем тау курорты. Мұнда шаңғы мен сноуборд тебуге арналған тамаша жағдайлар жасалған — арнайы дайындалған трассалар жаңа бастағандар мен тәжірибелі спортшыларға да сай келеді. Жаз мезгілінде су сырғанақтарында шомылуға болады.
Sofi Resort, @sofi_resort
Бұл курортта заманауи әрі стильді дизайны бар жайлы үйшіктер ұсынылған, мұнда тыныштық пен жайлылықты сезіне аласыз. Аумағында ашық аспан астындағы жылыту бассейні мен толық босаңсуға арналған сақ моншасы бар. Белсенді демалысты ұнататындар үшін квадроциклге міну, бадминтон, үстел теннисі және балық аулау мүмкіндіктері бар.
Rauan Ranch, @rauan_ranch
Бұл демалыс базасы қонақтарға жайлы үйшіктер, тапчандар, сақ моншасы мен аквапаркті ұсынады. Мұнда балық пен уылдырық өсіреді, сондықтан жаңа балықтан дайындалған тағамдар ерекше дәмді болады. Белсенді демалыс әуесқойларын балық аулау мен атпен серуендеу күтіп тұр, ал демалыстан кейін дәстүрлі рецептпен дайындалған саумал мен қымыраннан дәм тата аласыз.
