Алматылық және астаналық талантты визажистермен кездесіп, олардың бос уақытын қайда, қалай өткізетінін сұрастырып білдік.
Айжан Салпықова, 34 жаста, қаласы — Астана, визажист, @aizhanmua
Өзім туралы
Мен beauty индустриясында жеті жылдан астам тәжірибесі бар визажист және ментормын. Бірақ бұл — көптеген мамандықтарымның бірі ғана. Визажист болғанға дейін мен жолсерік болып жұмыс істедім, соның арқасында бүкіл әлемді шарладым. Бұл өзім үшін сұлулықтың жаңа түрлерін: сырт келбет, стиль, сәнді ашқан кезім еді. Сол кездің өзінде мен әртүрлі адамдарға қарап, олардың қалай боянғанын байқап жүретінмін.
Мен визажист болғандықтан, айналамның көпшілігі сұлу қыздар, олардың арасында көптеген танымал тұлғалар бар. Жұмыстан бөлек, түрлі саладағы достарыммен кездесіп тұрамын.
Тыңдаймын, оқимын, көремін
Бұрын мен Энрике Иглесиастың жанкүйері едім, әлі күнге дейін оның жанды концертіне баруды армандаймын. Бүгінде мен белгілі бір музыкаға байланған емеспін. Мен трендтегі нәрсені немесе YouTube пен TikTok-тан балаларға арналған әндерді тыңдаймын. Ата-аналар мені түсінеді.
Жасөспірім кезімде классиканы оқыдым. Ал қазір мен макияж туралы көбірек пайдалы мақалалар мен материалдар оқимын. Сондай-ақ атақты адамдар туралы деректі фильмдерді жақсы көремін.
Мектепте оқып жүргенімде Роллан Сейсенбаевтың «Тоска по отцу, или день когда рухнул мир» кітабы маған қатты әсер етті. Жазушының өз ойын, сезімін, басынан кешкендерін қағаз бетінен қалай жеткізгенін оқып, жылағаным есімде. Бұл кітапты оқуға ұсынамын.
Жақында мен заманауи автор Ринат Валлиулиннің романдарын оқи бастадым. Мен оларды ұйықтар алдында оқығанды ұнатамын, бұл босаңсуға және көңіл бөлуге көмектеседі. Оның романдарынан көптеген қызықты тіркестер табамын.
Неден шабыт аламын
Балаларым мені шабыттандырады. Сондай-ақ әдемі қаптамадағы жаңа сәнді косметиканы сатып алу да шабыт береді. Ондайда бірден жұмысқа кірісіп кеткім келеді.
Астанада уақытты тамаша өткізуге болатын тамаша орындар бар, сонымен бірге ол үшін ақы төлеудің қажеті жоқ. Мысалы, Жағалау, Ботаникалық бақ.
Бос уақытымды қайда өткіземін
Отбасыммен біз әдетте саябақтарға, пиццерия, сауда орталықтарына барамыз. Күйеуім екеуміз киноға, мейрамханаға барамыз. Мен достарыммен жаңа жерлерді зерттегенді ұнатамын.
Мен үйде демалғанды ұнатамын.
Түрлі шараларға қатысып, шақырылған жерлерге барып тұрамын.
Қайдан не алуға болады
Өзімнің nail-шеберім @salpykova_aliya_studio және қас жөндеу шебері @zhuldyz_permanent қызметтерін ұсынар едім.
Жанель Мадиярова, 23 жаста, қаласы — Алматы, визажист, @by_janelle_
Өзім туралы
Мен жеті жылдан астам тәжірибем бар визажистпін. Бұл салаға 15 жасымнан бастап қызмет етіп келемінм. Бәрі аяқасты болды, өйткені мен визажист болуды армандаған емеспін. Бірақ 9-сыныптан кейін демалыста Instagram желісін ақтарып отырып, оқыту туралы постты көріп қалдым. Осылайша өзім үшін оқимын деп шештім, міне, содан бері осы салада жұмыс істеп келемін.
Мен сурет салғанды ұнатамын. Бұл — әкемнен дарыған қабілет. Ол суретші болған. Менің ойымша, визаж — өнердің бір түрі. Мен үшін бет — кенеп, ал косметика — бояу.
Уақытымның барлығын дерлік жұмыста өткізетіндіктен, мен күнде әртүрлі адамдармен кездесіп, танысамын. Жұмыстан бөлек,отбасыммен және жақын достарыммен уақыт өткізуді ұнатамын.
Тыңдаймын, оқимын, көремін
Мен меломанмын. Рок пен технодан басқасын тыңдаймын. Кинода маған бәрінен де боевик, детектив және фантастика ұнайды.
Кітап оқымаймын, бірақ өзін-өзі дамыту туралы аудиокітаптар тыңдаймын. Сондай-ақ подкасттарды да жақсы көремін.
Жерлестерімінің шығармашылығын бақылап отырамын.
Неден шабыт аламын
Өзімді өзім шабыттандырамын. Мотивациям — менің болашағым. Күн сайын кешегіден жақсырақ болуға тырысамын.
Алматы таулары шабыттандырады. Олар күш-қуат жинауға көмектеседі және көзіңді демалдырады. Энергия жинап, демалу үшін Алма-Арасанға барамын.
Бос уақытымды қайда өткіземін
Маған дәмді тағамдары мен сапалы қызметі бар жерлер ұнайды. Алматыда мұндай орындарды табу оңай емес.
Мені де әлемдік брендтер шеберлік сабақтарына жиі шақырады. Осындай іс-шараларда мен әріптестер мен сұлулық саласында жаңа білім алғысы келетін қызығушылықтары ұқсас адамдарды кездестіремін.
Қайдан не сатып алуға болады
Мен сән қумаймын. Кез келген дүкендегі сәнді әрі ыңғайлы киім аламын. Бірақ гардеробымды жаңарту керек болса, мен бутигі көп Mega Central, Essentai сияқты сауда орталығына барып тұрамын. Соңғы кездері қазақстандық брендтерді ұнатып жүрмін.
Сұлулық саласында менде үнемі баратын нақты шеберлерім жоқ. Мен әртүрлі процедуралар үшін әртүрлі салондарға барғанды ұнатамын.
Айгерим Абданова, 36 жаста, қаласы — Астана, визажист, @makeupbyaigerim
Өзім туралы
Мен тоғызыншы жыл қатарынан елордадағы үздік визажистпін. Менің клиенттерім — орта тап өкілдері, олигархтар мен шенеуніктердің әйелдері мен қыздары.
Өз жұмысымды жақсы көремін. Сонымен қатар вокалға барамын, хореографиямен айналысамын.
Мен бос уақытымды құрбыларыммен өткіземін. Олардың басым бөлігі — кәсіпкерлер. Мен үшін дұрыс адамдармен дос болу маңызды.
Тыңдаймын, оқимын, көремін
Мен музыка мектебін фортепиано сыныбымен бітіргендіктен, классиканы тыңдаймын. Қазақ эстрадасынан да, әлем жұлдыздарынан да әншілерді ұнатамын.
Мен көбіне іскерлік әдебиет пен психологияны оқимын. Менің ең жақсы көретінім Джо Джерардтың «Продай себя дорого». Ол бір деммен оқылады және өзіңді жақсы жағынан көрсетуге көмектеседі.
Неден шабыт аламын
Мені АҚШ пен Бразилиядан келген әлемдік шеберлер шабыттандырады. Өз саламдағы көптеген VIP оқу курстарына қатыстым.
Елорданы қанша жақсы көрсем де, алма қаласы мені көбірек шабыттандырады. Мен 10 жыл Алматыда оқыдым, тұрдым. Сол жақта жоғары білім алдым.
Бос уақытымды өткізетін жер
Мен көп жұмыс істеймін, сондықтан бос уақытымды балаларыммен, кейде құрбыларыммен өткіземін. Астананың жайлы мейрамханаларын жақсы көремін: Selfi, Roastbeef, Mokki, Ozen, Eva және т.б.
Әріптестерімізбен шетелдік визажистердің шеберлік сабақтарында кездесіп тұрамыз. Араласамыз, достық қарым-қатынас орнатамыз.
Қайдан не алуға болады
Киімде мен жайлылықты да, лоскты да жақсы көремін. Мен люкс сегментті масс-маркетпен араластырып жүре беремін. Киімдерді шетелден, байерлер арқылы сатып аламын немесе қалада тапсырыс беремін.
