2024 жылы Шенген визасын алу арқылы Еуропаға қалай баруға болады? Қандай талаптарды ескеру керек және қандай құжаттарды тапсыру қажет? Егер сіз жұмыссыз болсаңыз, қандай мерзімге виза алуға болады және Шенген визасын бір жыл немесе одан да көп уақытқа қалай рәсімдеуге болады?
Азамат Нурмагамбетов, Астана қаласы, саяхатшы, @nomadcenter негізін қалаушы
Бұл мақала Шенген визасын алуды жоспарлағандар үшін пайдалы болады. Төменде сіз виза алу туралы толық кеңестерді таба аласыз, қандай талаптарды ескеру және қандай құжаттарды ұсыну керектігін білетін боласыз. Сондай-ақ, егер сіз жұмыссыз болсаңыз, не істеу қажет екенін, визаны қанша мерзімге алуға болатынын және Шенген визасын бір жыл немесе одан да көп уақытқа қалай рәсімдеу керектігін айтатын боламын.
Мен алғашқы Шенген визасын пандемияға дейін, 2018 жылы жасаттым. Содан бері мен Еуропаға он шақты виза алдым, қазіргі уақытта менде бір жылдық виза бар.
Егер сіз Еуропаға барғыңыз келсе, сізге Шенген визасы қажет болады. Ол арқылы Шенген келісіміне кіретін барлық елдерге саяхаттауға болады: олар Австрия, Бельгия, Венгрия, Германия, Греция, Дания, Исландия, Испания, Италия, Латвия, Литва, Лихтенштейн, Люксембург, Мальта, Нидерланды, Норвегия, Польша, Португалия, Словакия, Словения, Финляндия, Франция, Хорватия, Чехия, Швейцария, Швеция және Эстония. Сондай-ақ, осы жылдың наурыз айынан бастап Румыния мен Болгария Шенген аймағына кіретін болады. Мұндай визамен Албанияға, Кипрге баруға рұқсат етіледі.
Шенген визасын қалай алуға болады
1. Құжаттарды тапсыруға жазылу
Еуропалық консулдықтар мен елшіліктер құжаттарды тікелей немесе алдын ала жазылу бойынша уәкілетті визалық орталықтар арқылы қабылдайды. Сіз елшіліктер мен визалық орталықтардың ресми сайттарында жазыла аласыз. Іздеу жүйесінде «Испанияның Қазақстандағы елшілігі немесе визалық орталығы» деп теріңіз. Әдетте еуропалық консулдықтардың, елшіліктердің және уәкілетті визалық орталықтардың ресми сайттары бірінші болып шығады. Жазылу онлайн түрде жасалады, ол үшін әдетте төлқұжат деректері, пошта мекенжайы және телефон нөмірі қажет. Визалық орталықтар мен консулдықтардың кейбір сайттарында жеке кабинет құру қажет, ол арқылы сіз жазбаңызды басқара аласыз, оны ауыстыра аласыз немесе мүлдем бас тарта аласыз.
2. Құжаттарды жинау
Сізге келесі құжаттар қажет:
— визалық сауалнама — оны елшіліктер мен консулдықтардың сайттарынан тегін жүктеуге болады. Ағылшын тілінде толтырылады, барлық деректер төлқұжат деректерімен және алдағы сапар жоспарларымен сәйкес келуі қажет
— сапар аяқталғаннан кейін кемінде алты ай қолданысқа жарамды және кемінде екі таза парағы бар төлқұжат
— қолданыстағы төлқұжаттың бірінші бетінің көшірмесі
— соңғы үш жылдағы барлық Шенген визаларының көшірмелері. АҚШ немесе Ұлыбритания сияқты басқа елдердің визаларының көшірмелері қажет емес
— ақ фонда түсірілген 3,5 × 4,5 см болатын түсті екі фотосурет. Олар түсірілгеннен кейінгі уақыттан алты ай аспауы керек
— сапар кезінде Шенген елдерінің барлығында қолданылатын 30 000 еуродан тұратын медициналық сақтандыру. Егер сіз шаңғы тебу сияқты экстремалды спортпен шұғылдануды жоспарласаңыз, белсенді демалысқа арналған сақтандыруды сатып алуға кеңес береміз
— баруға және қайтуға 2 жақты әуе билеттері. Көптеген еуропалық елдер үшін билеттерді брондау қолайлы, бірақ Венгрия мен Греция сияқты кейбір елдер саяхатшылардан екі жаққа да сатып алынған билеттерді талап етеді
— жұмыс орнынан орыс тіліндегі анықтама. Кейбір елдер, мысалы, Италия, жұмыс орнынан ағылшын тілінде анықтама талап етеді. Егер сіздің жұмыс берушіңіз немесе компанияңыз ағылшын тілінде анықтама бермесе, оны орыс тілінде алыңыз және ағылшын тіліне нотариалды куәландырылған аударма жасаңыз. Жұмыс орнындағы анықтамада жұмыс берушінің байланыс деректері, телефоны, поштасы, мекен-жайы, жалақы мөлшері көрсетілуі керек. Сондай-ақ, анықтамада Еуропаға сапар шегу кезінде сізге демалыс берілетіні немесе анықтамадан бөлек демалыс туралы бұйрық беру қажет екендігі жазылуы керек.
Егер сіз жеке кәсіпкер немесе ЖШС иесі болсаңыз, сізге келесі құжаттар қажет:
· ЖК талоны, заңды тұлғаны тіркеу туралы анықтама
· салық берешегінің жоқтығы туралы анықтама
· кейбір елшіліктер соңғы есепті кезеңдегі салық құжаттарын патент немесе декларация түрінде талап етуі мүмкін.
— ағымдағы шотта қаражаттың болуы туралы банктен анықтама. Орташа алғанда, сапардың бір күніне 100-120 еуро болуы керек. Сондай-ақ, соңғы үш-төрт айдағы осы шот бойынша көшірме
— қонақ үйді немесе пәтерді броньдау. Әдетте туристер тұрғын үйге booking.com немесе Airbnb.com сайттары арқылы тапсырыс береді. Кейбір елдер, мысалы, Греция, сапардың барлық кезінде тұрғылықты жерін төлеуді талап ететінін есте ұстаған жөн. Сондай-ақ, егер сіз отбасыңызбен немесе достарыңызбен саяхатқа шықсаңыз, тұрғын үйді брондау кезінде барлық тұрғындардың аттарын көрсетуі керек екенін ескеріңіз
— егер сіз Еуропаға қонақ визасымен ұшатын болсаңыз, онда сіз Еуропада тұратын достарыңыз немесе туыстарыңыз болсын, шақырушы адамның шақыртуы мен төлқұжатының көшірмесін ұсынуыңыз керек. Кейбір елшіліктер, мысалы, Чехия, шақырудың түпнұсқаларын талап етуі мүмкін, ал Германия немесе Италия үшін сканерленген және басып шығарылған нұсқасы жеткілікті. Шақыру бланкілерін консулдықтар мен елшіліктердің сайттарынан да жүктеуге болады
— барлық балалардың туу туралы куәліктерінің, неке немесе ажырасу туралы куәліктерінің көшірмелері, сондай-ақ көшірмесін растау үшін осы құжаттардың түпнұсқаларын өзіңізбен бірге алыңыз. Сіз көшірмелерді тапсырасыз, ал түпнұсқалар сізде қалады
— қосымша сізде жылжымайтын және жылжымалы мүліктің бар екендігін растайтын құжаттарды ұсынуға болады
· зейнетақы аударымдарын растайтын анықтама міндетті құжат емес, бірақ оны еуропалық консулдықтар сұратуы мүмкін, олар көбінесе Италия мен Франция.
Егер сіз жұмыссыз болсаңыз, онда сіздің заңды жұбайыңыз сапарға демеуші бола алады. Бұл жағдайда жұбайыңыздың жұмыс орнынан анықтама, банктен анықтама және үзінді көшірме ұсынуыңыз керек. Сондай-ақ, демеушілік хат. Ол сапарға байланысты барлық шығындарды өз мойнына алатынын растайды.
Барлық құжаттарды жинап болғаннан кейін оларды келесі ретпен орналастыру керек:
1. Төлқұжат
2. Толтырылған сауалнама
3. Паспорттың көшірмесі және алдыңғы Шенген визаларының көшірмелері
4. Сақтандыру
5. Әуе билеттерін брондау
6. Қонақүйлерді брондау немесе шақыру
7. Жұмыс орнынан анықтама немесе ЖК/ЖШС бойынша құжаттар
8. Банктен анықтама және үзінді көшірме
9. Барлық балалардың туу туралы куәлігі түпнұсқа және көшірме
10. Неке туралы куәлік түпнұсқа және көшірме.
Құжаттарды тапсыру және биометрия
Өтініш берген күні сіз жазбаны растауда көрсетілген мекен-жайға кешікпей келуіңіз керек. Виза орталығында сізге арнайы орынға барып, құжаттарды ұсынатын талон беріледі. Содан соң, сізден екі қолдың саусақ іздерін тапсыру және суретке түсіру сұралады. Бұл биометрия төрт жыл тоғыз ай бойы сақталады, яғни келесі өтінімге сіздің жеке қатысуыңыз міндетті болмайды, құжаттарды сенімді тұлға бере алады.
Әрі қарай, сіз ересек адам үшін 80 еуро және он екі жасқа дейінгі бала үшін 40 еуро мөлшерінде консулдық алым төлеуіңіз керек. Алты жасқа дейінгі балалар одан босатылады. Консулдық алым теңгемен төленеді, кейбір жағдайларда, мысалы, Венгрияның Бас консулдығында консулдық алым тек валютада қабылданады.
Сіздің өтінішіңіз орта есеппен 15 жұмыс күні немесе одан да көп уақыт ішінде қаралады. Шешім қабылданғаннан кейін сізге паспорттың дайындығы туралы хат немесе телефонға SMS келеді. Сондай-ақ, паспорттың дайындығын консулдықтар мен визалық орталықтардың сайттарында тексеруге болады.
Поштаңызды қадағалаңыз, олар сізге қосымша сұраулармен жаза алады. Сондай-ақ, сізге елшіліктен қоңырау шалып, алдағы сапарыңыз туралы сұрақтар қойылуы мүмкін. Сіздің жауаптарыңыз құжаттармен сәйкес келуі керек.
Бір жылға немесе одан да көп визаны қалай алуға болады.
Шенген визасын бір жыл немесе одан да көп мерзімге алу үшін кейбір жағдайларда алдымен екі жыл ішінде қысқа мерзімге бірнеше виза алу қажет. Бұл «сынақ мерзімі» деп аталады. Болашақта, егер сіз барлық кіру және шығу ережелерін сақтасаңыз, елдердің заңдарын бұзбасаңыз, сізде бір жылдан бес жылға дейін виза алу мүмкіндігі бар.
