Біз 16 жастан асқандарға арналған 12 қонақ үйдің тізімін жасадық. Романтикаға толы демалысты қалайтындар немесе шулы сауық кештер мен жаңа таныстық орнатқысы келетіндер үшін істедік.
Adam&Eve Hotel
Орналасқан жері: Белек
Бұл қонақ үй All Inclusive форматында демалу үшін емес, ерекше есте қаларлықтай сәттер мен тамаша сауық кештерін іздеп келетін жастарға арналған. Мұнда жас шектеуі бар, 16 жастан асқандар ғана кіре алады.
Қонақ үй аумағында Dj қатысумен концерттер, көбік кештер, қызықты кешкі шоу бағдарламалары және тағы басқа іс-шаралар өткізіледі. Қонақтар досшыл әрі ішінара орыс тілді қызметкерлерді, қызмет көрсету сапасының жоғарылылығы мен қолжетімді бағасын жақсы бағалайды
Voyage Bodrum Hotel
Орналасқан жері: Бодрум
Ашық бассейні және мұхиттың панорамалық көрінісі бар курорттық қонақ үй балаларсыз демалуға арналған.
Келушілерді қонақ үйдің орналасуы да қуантады — Бодрум қаласының орталығынан небәрі 900 метр ғана.
Қалаға жақын орналасқанмен, алайда мұндағы ахуал тыныш әрі жанға жайлы. Voyage Bodrum жас жұптар немесе бал айына келген отбасыларға арналған.
Sentido Lykia Resort&Spa
Орналасқан жері: Олюдениз
Қонақ үй 16 жастан асқан қонақтарды қабылдайды. Аумағындағы көптеген бассейндер мен мейрамхана, барлар келушілерді қуантпауы мүмкін емес. Тазалық пен жасыл желектің көптігі әрі жылы жүзді қызметкерлер — Sentido Lykia-ның басты артықшылығы. Қонақ үйге жақын жерде Бабадаг тауы бар, одан 2300 метр биіктіктен парапланмен теңіздің үстінен ұшып, көгілдір шығанақтың көрінісін тамашалауға болады.
Sherwood Blue Belek, Adults only
Орналасқан жері: Белек
Қонақ үйдің басты артықшылығы — бассейндері. Күндіз мұнда тыныш әрі жайлы. Ал қызықтың бәрі кешкі тоғыздан кейін басталады: дискотека, клубтық музыка және соған сәйкес 18 жастан асқандарға арналған шоу бағдарламалар болады.
Selene Beach&Spa, Adults only
Орналасқан жері: Авсаллар
Қонақ үйдің артықшылықтарына — бағасы, сәулеті, орналасқан жері мен қызмет көрсету сапалығығы жатады. Жағажайы шағын, бірақ бұл туристерді үркітпейді.
Мұнда орысша сөйлейтін адам сирек кездеседі. Мұнда келсеңіз, барлардағы күнделікті таңға дейін болатын шулы кештерге дайын болыңыз.
Sunprime C-Lounge, Adult only
Орналасқан жері: Алания
Шағын қонақ үй 16 жастан асқан қонақтарға арналған. Келушілер қызмет сапасы мен дәмді тағамдарын ерекше атап өтеді. Күндіз күнге қыздырынып немесе қаланы аралап қайтсаңыз болады, ал түнде шоу-бағдарламалар көріп, караоке, барларда жаңа адамдармен таныса аласыз.
Соңғы жылдары қонақ үй екі рет Аланияның ең үздігі деп танылды.
Ramira City Hotel
Орналасқан жері: Алания
Қала орталығында орналасуы, қолынан бал тамған бас аспаздары және бағаларының қымбат еместігі — бұның бәрі Ramira City Hotel қонақтарының ерекше атап өтетіні.
Әсіресе қонақтарды кісі құрамының 16 жастан жоғары болуы да қуантады. Қонақ үйдің жанында әйгілі «Клеопатра» жағажайы орналасқан.
Flora Garden Beach Club
Орналасқан жері: Анталия
Құрылысы махаббатпен салынған керемет қонақ үй. Аумағы жан-жақты ойластырылған, серуендеуге арналған көптеген соқпақ жолдар бар. Мұнда қонақтардың көңіл-көтеруіне аса мән беріледі. Барлардағы жанды дауысты музыкалар мен ашық ауадағы өнер көрсетулер, кешкі дискотека 16 жастан асқан қонақтарды қуантпауы мүмкін емес.
Alba Royal, Adults only
Орналасқан жері: Сиде
Бұл қонақ үй Сиде қаласының маңында Чолаклы курорттық ауылында орналасқан. Артық шудан демалғысы келетіндерге арналған жер. Орыс тілді адамдар аз, демалушылардың көп бөлігі британдықтар, немістер және Еуропаның басқа елдерінен келген адамдар.
Alba Royal бал айына немесе романтикалық демалысқа қолайлы. Анимация, жанды музыка және кешкі шоу бағдарламалары бар, бірақ бәрі тым ерте аяқталады, ал таң атқанша болғанын қалайтындар қалаға баруға мәжбүр болады.
Forever Club
Орналасқан жері: Бодрум
Жақсы бөлмелері мен кең балкондары бар көлемі жағынан шағын қарапайым қонақ үй. Аумағының жасыл желекті болуы, айналасындағы әдемі табиғат Еуропадан туристерді тартады.
Forever Club жас жұптарға арналған демалыс орны ретінде ұсынылады. Мұнда анимация мен дискотека бар, бірақ шулы емес. Барынша тыныш демалуға арналған. 16 жасқа толмаған балаларды кіргізбейді.
La Boutique Hotel&Suites
Орналасқан жері: Анталия
Қонақ үйде жас жұптар мен іс-сапарлардағы адамдар тоқтайды. Қарапайым аумақ, жас шектеулерінің болуы және бөлмелерінің аздығы тыныштық пен жайлы демалысты қамтамасыз етеді.
Тек қонақтарға ғана арналған тамаша жағажай, жайлы әрі романтикалық атмосфера бұл жерге ерекше сүйкімділік береді. Ал егер шулы жерлерді ұнатсаңыз, онда көңіл-көтеретін аймақты өз бетіңізше іздеуге тура келеді.
Manesol Boutique Galata
Орналасқан жері: Стамбул
Қонақ үй ыңғайлы жерде орналасқан. Топкапы сарайы, Базилик Цистернасы сияқты әйгілі көрнекі жерлерге жаяу барып көруге болады. Қызметкерлері кез келген сұрағыңыз бойынша көмектесуге дайын тұратыны ерекше қуантады.
