«Сенде жүрек жоқ», Sensiz, сондай-ақ чарттарды бағындырған Қазақстан әртістерінің басқа да жаңа тректері

Қазақстандық музыканттардың ең жарқын релиздерін жинадық. Бұл әндерді әлі естімеген болсаңыз, тыңдауға ұсынамыз.

dudeontheguitar — jalau

jalau — Ozen лейблі резидентінің жаңа әні. Бейнебаян мен аранжировкасы тыңдарманға ерекше көңіл күй сыйлайды.

Ninety One — eMoji

Айдың басында Ninety One тобы жаңа сингл және бейнебаян шығарып, фанаттарын қуантты. Көрермендер олардың биылғы алғашқы жұмыстарын жақсы бағалады.

Akha — Insomnia

Бұл әнді әлеуметтік желілерде естіген де боларсыз. Insomnia трегі барлық чарттың үздігіне айналып, TikTok платформасында тренд болды.

Colorit — «Ты одна»

Каверлермен танылып жүрген музыканттың махаббат жайлы авторлық әні.

Liili — mrak

Кешкілік серуендеуге арналған ән! Презентациясы бір-екі күн бұрын ғана болған Лейланың жаңа туындысы.

Қайрат Нұртас ft Ернар Айдар — «Сенде жүрек жоқ»

Қазақ әншілерінің сүйікті дуэті. Жүректен шыққан ән.

Ali Okapaov feat. Madi Rymbaev — Sensiz

Ағайынды Әли мен Мәди бірлесіп ән шығарды. Бұл әнді олардың анасы Роза Рымбаева да осыдан он жылдан астам уақыт бұрын орындаған болатын.

Qontrast x Кисло-Сладкий х 104 — 220

Үш танымал қазақстандық әртістің бірлескен әні желіні дүр сілкіндірді.

Hiro — BANCHU PANCHAMI

Hiro атымен танымал Рэпер Бекболат Қайдаров 2022 жылдың соңында жаңа трек шығарды.

Әмре — «Особая»

Халықтың сүйікті әншісі Әміреден лирикалық махаббат әні.