Қоныс аудару туралы
Мен ірі американдық корпорациялардың бірінде қаржыгер болып жұмыс істеймін. Мен Венгрияның Будапешт қаласында тұрамын.
Көшіп келгенге дейін Нұр-Сұлтан қаласындағы шетелдік компанияның филиалында үш жыл жұмыс істедім. Бір кездері Будапештте орналасқан компанияның еуропалық кеңсесіне ауысу мүмкіндігі болды. Бұл халықаралық тәжірибе жинақтау, басқа мәдениетте өмір сүру, балалармен саяхаттау мүмкіндігін білдірді. Сондықтан біз байқап көргіміз келді. Мен Венгрияға 2018 жылдың желтоқсан айында келдім, отбасым кейінірек көшіп келді.
Бейімделу және уақытша қиындықтар туралы
Маған Венгрияда қызмет көрсету саласы өкілдерінің Қазақстандағыдай тез жұмыс істемейтініне үйренуге тура келді. Барлығы баяу және байыппен қозғалады. Дәрігердің қабылдауына екі ай уақыт кетеді, ал пәтерге интернет орнатуға өтініш үш апта қаралады.
Шай мұнда сатылмайтындықтан, алғаш рет Қазақстаннан әкеліп жүрдік. Кейін орыс дүкенін таптық.
Бұл жерде қоғамдық көліктің қалай жұмыс істейтіні мені әлі күнге дейін таң қалдырады. Автобустар бір минутқа дейінгі дәлдікпен келеді. Адамдар қоқыстарды сұрыптап жатады. Барлық жерде органикалық қалдықтарға, пластикке және қағазға арналған бөлек контейнерлер бар.
Венгрияда жолдарда мұндай ессіз қозғалыс жоқ. Жаяу жүргіншінің жолын ешкім кеспейді, сигнал бермейді. Басқаларға деген көзқарас әдетте төзімдірек.
Мұнда салық жоғары, бірақ коммуналдық қызметтердің қалай жұмыс істейтінін көргенде, мұндай деңгей үшін төлеуге дайын екеніңізді түсінесіз. Қазақстанмен салыстырғанда баға шамамен 30-40 пайызға жоғары.
Көшіп бара жатқанда, мен сіздің қалаңыздан орыстілді Facebook тобын табуды ұсынамын. Туындаған сұрақтарыңызға барлық жауаптарды сол жерден таба аласыз.
Даму және мансап туралы
Мен Будапештке корпорацияның ішінде, өкілі ретінде келсем де, басқалар сияқты бірдей шарттарда сұхбаттасудан өттім. Бұл компанияның жұмысының ерекшеліктерін бұрыннан білетіндігім рөл атқарды, бұрынғы тәжірибем көмектесті.
Егер сіз дербес көшуді жоспарласаңыз, Венгрияда әртүрлі компаниялардың көптеген қаржылық хабтары бар екенін ескеру керек, сондықтан мұнда қаржыгерлер сұранысқа ие. Егер сізде венгр немесе басқа еуропалық біліміңіз болса, жұмысқа орналасу оңайырақ болады. Ал еуропалық тілдерді білу қосымша плюс болады.
Сондай-ақ, мен мұнда желілік және эмоционалдық интеллект керемет жұмыс істейтінін байқадым.
Венгрияда балалы отбасылар үшін салық жеңілдіктері бар
Бір қызығы, Венгрияда балалы отбасылар үшін салық жеңілдіктері бар. Біз сияқты шетелдіктер үшін бұл жеңілдіктер де қолданылады. Сондай-ақ, негізгі демалысқа әр балаға және жасына байланысты қосымша күндер қосылады. Мысалы, менде жылына 30 жұмыс күні демалысым бар.
Венгрияда олар жұмыс пен жеке өмір арасындағы теңгерімге сезімтал. Мысалы, мереке күндері барлық дүкендер, соның ішінде сауда орталықтары мен супермаркеттер жабылады. Тіпті біздің балаларымыз да отбасымен уақыт өткізудің маңызды екенін айтады. Мұндай ортада жеке өмірлік тепе-теңдікті сақтау оңайырақ.
Қазір мен қаржылық бақылаушы болып жұмыс істеймін. 2020 жылдың наурыз айынан бастап біз қашықтан жұмыс істеуге көштік, мен өз блогымды Instagram-да бастауды шештім. Мен өз парақшамда қаржылық сауаттылық, инвестиция туралы жазамын, демонстрациялық портфолио жүргіземін, онда оның нақты табыстылығын көрсетемін, жеке қаржы бойынша марафондар өткіземін.
Қоныс аударду әсері
Мен көшкеннен кейін басқалардың пікіріне тәуелділігім азайғанын байқадым. Біріншіден, мен үшін Еуропадан жұмыс істеуге шақыру алудың өзі жетістік. Бұл менің өзін-өзі бағалауыма қатты әсер етті. Екіншіден, үйде отырып, мен әлеуметтік желілерде сарапшы блогын жүргізуге батылым бармас едім. Ал мұнда бұл сіздің өзін-өзі көрсетуіңіз ретінде қарастырылады. Мысалы, егер сұхбатта сізден хоббиіңіз туралы сұралса және жеке блогым бар деп айтсаңыз, бұл сіздің көшбасшылық қасиеттеріңіз бар екенін білдіреді, сіз ақпаратты құрылымдық түрде жеткізе аласыз, басқаларды оқыта аласыз. Бұл сіз жұмысқа шығармашылықпен және басқаша қарайтыныңызды білдіреді.
