Қазақстанның Қызыл жарты ай қоғамының жаттықтырушыларынан алғашқы көмек бойынша кеңес.
Егер көз алдыңызда адамға ыстық өтсе қандай шара қолданасыз? Жаныңыздағы адамдарда ыстық өту талмасы бола қалса не істейсіз? Мұндай жағдайда дұрыс әрекеттер алгоритмін білу адамның ауруын жеңілдетіп, оның өмірін сақтап қалуы мүмкін.
Ыстық өтудің белгілері:
— жоғары дене температурасы
— терінің қызаруы, ол құрғақ немесе егде жастағы адамдарда көп кездесетін дымқыл түрде болуы мүмкін
— тітіркенгіштік
— үдемелі есін жоғалту
— аритмияға өтетін жиілеген әлсіз тамыр соғысы
— жиілеген сыртқы дем
— жүрек айну мен лоқсу.
Сіздің әрекектіңіз:
1. Адамды салқындау жерге жатқызыңыз.
2. Оған суық су немесе газдалмаған алкогольсіз сусын ішкізген жөн.
3. Зардап шегушінің жағдайын мұқият бақылаңыз. Оның жағдайының нашарлап кетпеуін қадағалаңыз.
4. Тар киімінің түймелерін ағытып немесе шешіп тастаңыз.
5. Теріге салқын дымқыл компреспен сүртіп, шап аймағына қойыңыз, ірі қан тамырларын суыту үшін қолтық асты шұқыры мен мойнына қойыңыз.
6. Зардап шегушіге желпіп, оны желдеткішпен қамтамасыз етіңіз.
7. Зардап шегушінің денесін кез келген қолда бар құралдармен, дымқыл сүлгі және жаймамен салқындатуға тырысыңыз.
8. Спиртпен сүртпеңіз, бұл терінің ұсақ тесіктерінің жабылуына және жылудың денеден шығуына кедергі келтіреді.
9. Зардап шегушіні салқын суы бар ваннаға отырғызуға болмайды, бұл оның тыныс жолдарының жұмысын қиындатады.
10. Ыстық өткен кезде адамның демі тоқтап немесе миокард инфаркті болуы мүмкін, сондықтан жүрек-өкпе реанимациясын жүргізуге дайын болыңыз.
