Сағидолла Бекентаев, 33 жаста, туған қаласы — Арқалық, аға ɵрт сɵндiрушi
Бұл мамандыққа қалай келдiм
Мен 2008 жылы əскерден келдiм жəне алдымда IIМ-не немесе ТЖМ-не бару таңдауы тұрды. Мен ɵрт сɵндiру бɵлiмiн таңдадым, барлық тексерiстерден, комиссиялардан ɵттiм. Осында жұмыс iстеп жатқаныма он жыл болды.
Жұмысқа дейін мен бұл қызмет жайында ештеңе бiлмедiм. Мамандықты, оның жауапкершiлiгiн ақырындап ұғына бастадым.
Бастапқыда тағылымдамадан, оқудан ɵттiм. Менi ɵрттерге жолатпайтын, жас маман ретiнде сыртта тұрып кɵмектесетiнмiн – ɵрт сɵндiру кɵлiгiн сумен қамту, бағытты ұстап тұру, ɵрт сɵндiрудi талдау қызметтерiн атқардым.
Кейiн жас қызметкерлерге адамдарды эвакуациялау жəне ɵрт сɵндiру кезiнде, дем алуға жарамайтын ортада маскамен жұмыс iстеу мүмкiндiгiне ие болу үшiн, кiру рұқсаты берiледi. Бiз бейiмделген кезде, ɵрттерге ɵзiмiз кiрiп, адамдарды құтқара бастаймыз.
Қазiрде мен аға ɵрт сɵндiрушi қызметiн атқарамын. Жас қызметкерлердi ɵзiм оқытамын.
Ɵрт сɵндiрушi мамандығы жайында
Ɵрт сɵндiрушiнiң мiндетi – алдымен адамдарды жəне олардың мүлiктерiн құтқару. Сол себептi бiз ɵртке шыққан кезде, əрдайым адамдарды құтқаруды үлгеру керек деп ойлаймыз.
Ɵрт сɵндiрушiнiң мiндетi – алдымен адамдарды жəне олардың мүлiктерiн құтқару
Бөлімдегі бір аусымға 12 адам шығып отырады, олардың 8 шақыруға шыға алады. Бiздiң күн тəртiбiмiз таңертеңнен кешке дейiн жазылып қойылған. Бiз жоспар бойынша күні бойы ауданды зерттеймiз, ɵрт сɵндiру гидранттарын тексеремiз. Сонымен қатар бɵлiмде шақыруларды белгiлеп, бiзге жеткiзетiн диспетчерлер жұмыс iстейдi. Егер ɵрт болса, олар бiзге жолдама бередi жəне бiз бiр минуттың iшiнде бɵлiмнен шығып, бес-алты минуттың iшiнде ɵрт болып жатқан жерге жетуiмiз қажет.
Бiрiншi рангтың ɵрттерiне бiр бɵлiм шығуы мүмкiн. Егер ɵрт екiншi рангты болса – кɵмекке кɵршi бɵлiм шығады. Үшiншi рангты ɵртке бүкiл гарнизон шығуы мүмкiн.
Басты қиындықтар адами фактормен байланысты. Адамдар ауланы кɵлiктерiмен қаптап қоюы мүмкiн жəне түнде аулаға кiру қиынға соғады. Тұрғындар ауланың алдына шлагбаум қойып қояды. Бiрақ бiздiң жүргiзушiлерiмiз нағыз мамандар жəне олар осындай жағдайлардың ɵзiнде жұмыс iстей алады.
Мамандық қалай ықпал еттi
Бiздiң мамандығымыз адамдарды ɵзгертедi.
Ɵрт сɵндiрушi мамандығында қорқынышыңды жеңу маңызды. Бастапқыда биiктiк, жалын көптің үрейін туғызады. Оларды жеңу барлығының қолынан келе бермейдi.
Оған қоса адам саған сенiп, соңынан ерiп баруы үшiн, бiр жағынан психолог бола бiлу керек. Сонда ғана адамдарды құтқарып алуға болады.
Он жылдан кейiн мен моральдық тұрғыдан барлығына дайынмын
Он жылдан кейiн мен моральдық тұрғыдан барлығына дайынмын. Жұмыста артыңнан жiгiттер келе жатқанын жəне сендер əрдайым бiр-бiрiңе сене алатындарыңды бiлесiң. Бiздi бiр-бiрiмiздi тастамауға үйретедi.
Мамандықтағы қағидалар
Жұмыста моральдық-ерiктiк қасиеттер маңызды орын алады. Əртүрлi жағдайлар болады, бiрақ ɵз күшiңдi адекватты түрде бағалау керек. Ажиотажға берiлмей, барлығын ақылға салып iстеу керек.
Тағы бiр маңызды нəрсе – жас қызметкерлер мен құтқаратын адамдардың алдындағы жауапкершiлiк. Бұл ең маңыздысы.
Мамандық не сыйлады
Бiреуге кɵмектескен кезде, адамдарды құтқарған кезде, жұмысыңның маңыздылығын түсiнесiң.
Мен əлi күнге дейiн үйренiп жатырмын. Офицер қызметiне жетудi жəне осы салада əрi қарай қызмет атқаруды қалаймын.
