Азамат Мұсагалиев, @azabraza1984
Азамат Мұсагалиев — әзіл-сықақшы, тележүргізуші және музыкант. Этникалық қазақ болып табылады. «Сборная Камызякского края» КТК командасында ойнаған. ТНТ арнасында бірнеше жобаларға қатысып, «Однажды в России» шоуында актер, «Где логика?» шоуында жүргізуші, «Интерны» сериалында актер ретінде танылған. Жақында YouTube желісінде «Я себя знаю» атты жеке шоуын жүргізе бастады.
Нұрлан Сабуров, @nurlan__saburov
Скриптонит, @real_scrip
Ресейдегі ең танымал қазақстандық рэп орындаушысы. 2014 жылы Gazgolder резиденті атанды, кейін Musica36 жеке тәуелсіз лейблының негізін салды. Скриптониттің көптеген туындылары Ресейдің барлық клубтарында, көшелерінде және жастардың телефондарында ойнап жатады.
Назима, @13nazima
«Песни» шоуынан кейін Ресейде және ТМД елдерінде танымалдылыққа ие болған Шымкенттен шыққан әнші. Жобада төртінші орын алған орындаушы Black Star лейблымен келісім-шартқа отырды. Орыстілді тыңдармандары мен жанкүйерлері жетерлік.
Yuframe, @yuframe
Yuframe — танымал қазақстандық вайнерлер командасы. Көпшілікті өздерінің позитивті бейнелерімен және әзілдерімен баурап алды. Instagram желісінде команданың үш миллиондық аудиториясы бар. Бүгінде жоба өзінің жұмысын тоқтатты, ал мүшелері жекелей дамып, жаңа жобалар бойынша жұмыс істеуде.
Нагима, @nagimuwaa
Instagram желісінде көңілді бейнелер түсіретін қазақстандық блогер. Ресейге көшіп, «Селаполетела» белорусиялық travel-шоуының жүргізушісі ретінде танылған. Ресейдегі бірнеше ток-шоуларға қонақ ретінде қатысқан.
The Limba, @thelimba
Қазақстаннан шыққан әнші және әндердің авторы. Ресейде «Обманула» әнінен кейін кеңінен танылды. Бүгінде Andro-мен бірлесіп шығарған «X.O» әні – ТМД-дағы ең танымал әндердің бірі.
Вячеслав Досмұхаметов
Вячеслав Досмұхаметов — продюсер және сценарийші. Ұлты – қазақ. «Интерны», «Универ», «Танцы», Comedy Woman, Stand Up, «Comedy Баттл», «Открытый микрофон», «Однажды в России», «Где логика?» сияқты көптеген жобалардың авторы. Бүгінде ТНТ арнасының креативті продюсері болып табылады.
Димаш Құдайбергенов, @kudaibergenov.dimash
Димаш Құдайбергенов — әнші және композитор. Музыка әлеміндегі жетістіктерімен Қазақстанда ғана емес, бүкіл әлем бойынша, соның ішінде Ресейде кеңінен танылған. Репертуарында қазақ, орыс, қытай және итальян тілдеріндегі әндер бар. Игорь Крутоймен жиі жұмыс жасайды және үлкен ресейлік сахналарда өнер көрсетеді.
Арман Давлетьяров, @arman_dav
Арман — ресейлік медиаменеджер, Муз-ТВ телеарнасының бас директоры, «Премия Муз-ТВ» танымал музыка саласындағы жыл сайынғы ұлттық телевизиялық премиясының директоры. 14 жасында Қазақстаннан Ресейге көшіп кетті.
