Біз Creative Asia Telegram арнамызда жаңа хабар форматын жалғастырамыз. Бұл жолы Орталық Азиядағы киберспортты дамытумен айналысатын мықты мамандарды шақырдық. Бүгінгі материалымызда эфирдегі ең қызықты сәттермен бөлісеміз.
Бауыржан Садиев, СЕО и основатель киберспортивного стартапа Pinger.pro, @pinger.kz
Өзі туралы
Pinger.pro киберспорт стартапы 2017 жылы турнир платформасы ретінде басталды. Ал бүгінгі таңда ол — видео ойындар бойынша контент жасайтын инфлюенсерлермен жұмыс жасайтын продюсерлік орталық және іс-шаралар туралы хабарландырулар жасайтын студия. Біз тек Қазақстанмен ғана шектеліп қалмай, бүкіл Орталық Азияда жұмыс істейміз.
Қазақстандағы киберспорттың ерекшеліктері
Киберспорт Қазақстанда 1990 жылдардың аяқ кезінен бері бар. Сол кездің өзінде Алматыдағы компьютерлік клубтарда түрлі дисциплина бойынша турнирлер өтетін.
Бүгінгі таңда біздің елде шутерлер жанры, атап айтқанда CS:GO танымал. Ұялы ойындардың басымдығы байқалады: PUBG Mobile, Free Fire, Mobile Legends. Бұл таңғаларлық емес, өйткені бүгінде барлығында смартфон бар.
Біздің киберспортшылар CS:GO, PUBG бойынша көптеген халықаралық жетістіктерге ие. Ірі ұйымдарда ойнайтын Dota 2 ойыншылары бар.
Қазақстанда екі-үш миллионға жуық адам видео ойындарға қызығушылық танытып, стримдер көреді. Бұл жалпы халықтың үлкен пайызы деуге болады.
Киберспорт турнирлері туралы
Қызметіміздің бас кезінде үлкен проблема турнирлердің ретсіздігі болды. Оларды жылына бір рет өткізуге ғана болатын, соның салдарынан белсенділік төмендеді. Басты жетістіктердің бірі —тұрақты турнирлер сериясын ұйымдастыру. Себебі тұрақты іс-шаралар — командаларды жаттықтыруға және тимейттерді іздеуге арналған алаң. Бүгінде турнирлерді тұрақты түрде өткізіп тұратын басқа да ұйымдастырушылар бар.
Қазақстанда 2017 жылдан бастап киберспорт ресми спорт түрі ретінде танылды. Қоғамда бұл қызметке деген дұрыс көзқарас қалыптасқан. Көптеген бренд турнирлерді қолдауға дайын. Бұл компьютерлік техника мен энергетикалық сусындарды өндірушілер, байланыс компаниялары.
Қазақстанда 2017 жылдан бастап киберспорт ресми спорт түрі ретінде танылды
Қазақстанда киберспорт контентмейкерлерінің кеңістігі дамыды. Көптеген кәсіби ойыншылар Twitch-те үнемі ойнайды. YouTube және TikTok-та контент жасайтын ұялы ойыншылардың жаңа легі қалыптасты. Инфлюенсерлер — жарнама берушілердің негізгі драйвері.
Соңғы төрт жылда Қазақстандағы түрлі ұйымдар турнирлерде миллион доллардан астам ақшалай ұтыс ойнатқан.
Киберспорт саласындағы жұмыс туралы
Киберспортта дайын кадрлар жоқ. Сфера жаңа, көбінесе жаңадан бастаушы болуға тура келеді, жаңадан жұмыс үлгілерін ойлап табуың керек. Бастапқыда дилемма болды: киберспортшыларды жалдап, оларға менеджментті үйрету немесе менеджерлерге видео ойын индустриясында қалай жұмыс істеу керектігін түсіндіру. Тәжірибе екінші нұсқаның ыңғайлы екенін көрсетті. Сондықтан осы салада жұмыс істегіңіз келсе, сенімді түрде түйіндемеңізді жіберіңіз.
Бірыңғай экожүйе құру туралы
Біз киберспорт ұйымдарының бірігуін жақтаймыз. Бұл бағытта қазірдің өзінде жұмыстар жасалды. Алматыда Орталық Азияның барлық елдерінің өкілдерінің қатысуымен WESG форматында үлкен турнир өтті. Бізге де осыған ұқсас нәрсе жасау керек, бірақ тұрақты негізде.
