Шараның мақсаты – жеке коллекционерлер мен саусағынан бал тамған талантты жандардың дүниелерін көпшілікке таныстыру.
Наурыз айында басталған көрме аясында жұртшылық өңірдің ең үздік қолданбалы өнер туындыларын тамашалауға мүмкіндік алды. Бармағынан бал тамған шеберлер ұлттық нақышта, ерекше талғаммен жасалған бұйымдарын музей қорына тапсыруға ниетті.
«Сондай-ақ жоба аясында шеберлердің қолынан шыққан құнды дүниелерін нарықта саудалап, сол арқылы келешекте өз кәсібін ашуына мүмкіндік береміз», — дейді ұйымдастырушылар.
Райхан Сисембаева, облыстық тарихи-өлкетану музейінің кіші ғылыми қызметкері:
— Жоба барысында қолөнер шеберлері өздері әкелген туындыларының бір дүниесін өз қалауларымен музей қорына тапсыратын болып келісілді. Сол тапсырған дүниелерінен қорытынды көрме болып, алғыс хаттармен марапатталады. Өздеріңіз көріп тұрғандай, қолөнершілер дүниелерінің алуандығы бір-бірінен өтеді.
Дерек көзі: khabar.kz
