Барлық татарлар қу
Бұл таптаурын тарихи дерекпен байланысты болуы керек. 1897 жылғы санақ бойынша татарлар Ресей империясындағы ең сауатты халық болып шықты. Татар халқы өзінің туған тілінде, жиі араб немесе түрік тілдерінде оқи алатын. Татарлардан ең сауатты тыңшылар шығатын. Егер адам татар тілін білсе, ол қазақ, түрік, өзбек, яғни осы тілдік топтың барлық тілдерінде сөйлей алатын.
Татарлар үнемшіл халық
Татарлар негізінен көпестер болды. Кез-келген саудагер тиімді жолдар іздейді, яғни қай жерде арзанға алып, қай жерде қымбатттырақ сатуға болатынын есептейді. Әлі күнге дейін татарлар өздерінің үнемшілдігімен ерекшеленеді.
«Шақырылмаған қонақ татардан да жаман»
Бұл сөз моңғолдардың басқыншылығы кезінде, Ресей елі татар-моңғол халқының қысымында болған кезде пайда болды. Әрине, басқыншыларды ұнатпады, сол себепті үйге келген кез-келген татарды шақырылмаған және күтпеген қонақ деп санайтын. Уақытпен бірге жағдай да өзгерді, бірақ бұл сөз халық қолданысында қалды.
Татарлар еңбекқор халық
Татар халқының пікірінше бұл таптаурын шындықты айқындайды. Татарлар, шынымен де жұмыс аясында өте еңбекқор және ынталы болып келеді.
Татар халқының әйелдері тамақты жақсы әзірлейді және өте ұқыпты болып табылады
Ежелден Иран және Азияның түкпір-түкпірінен келген жас жігіттер әйелдікке татар қыздарын алатын. Себебі татар халқының әйелдері арқашан өздерінің ұқыптылығымен және сауаттылығымен ерекшеленетін. Алтын Орда кезеңіне дейін татар халқы медреселерде білім алатын, ер балалар мен қыздар төрт сыныпты оқып бітіретін. Одан кейін ер балалар әрі қарай білім алатын, ал қыздар отбасылық өмірге дайындалатын. Иіру, тігу, тамақ әзірлеуді үйренетін. Өздерінің жасауларын бес жастан бастап дайындайтын.
Татарстан елінің халқы татар тілінен өзге тілде сөйлемейді
Бұл таптаурын нақты дерекпен байланысты – татартар өздерінің туған тілін құрметтейді және өз тілінде жақсы сөйлейді. Татарстан елінің жастары туған тілде сөйлеуді парыз деп санайды. Сонымен қатар Татарстан елі халқының басым бөлігі орыс тілін еркін меңгерген және басқа шет тілдерін де біледі.
«Татар ашар да качар» — татар тамақ ішеді де, қашып кетеді
Татарлар әрқашан алғыстарын білдіреді және бұл таптаурынның негізі жоқ.
«Казанская сирота»
Бұл таптаурын емес, бірақ бұл қолданысқа жиі түсетін сөз. Оның негізі Иван Грозный Қазан қаласын басып алған кезеңнен бастау алады. Патша жергілікті ақсүйектерді өзіне баурап алғысы келіп, халық шығындарының орнын толтыру үшін сыйлықтар тарататын. Кейбір татарлар соғыстан қатты шығынға ұшырағандай күй танытты. Содан осындай сөз шықты.
Материалды дайындауға атсалысқаны үшін Равиль Валеевке, Низамутдинова Земфира Махмедқызына және «Таң» татар-башқұрт мәдени орталығының барлық қатысушыларына алғысымызды білдіреміз.
