1. Нағыз қазақ тойын ұйымдастырып, барлық алыс-жақын туыстарды, достар мен ұжымдастарды шақыру үшін несие алу қажет.
2. Ет кез келген қазақ тойының ең басты әрі ажырамас атрибуты болып саналады. Ол әрдайым бірінші үстелге ұсынылады, екіншіге — күріш пен қызыл балық.
3. Егер шақыру қағазында шараның басталу уақыты 17:00 деп көрсетілген болса, қонақтар 19:00 жиналады, олар тіпті де кешіккен жоқ.
4. Сайыстар өткізіп, анекдотттар айтып, көп әзілдейтін салтанатты костюм киген көңілді жүргізуші — асаба.
5. Кез келген тойда орындалатын «Жар-жар» той әніне бәрі қосылады. Көбінесе, қонақтар тек екі сөзді ғана біледі — Жар, жар.
6. Тойбастар сыйлығын ортаға әкелу — қарапайым тойларда еш пайдаланылмайтын заттар: тарақтар, бет орамалдар, галстуктер, минидомбыра түріндегі кәдесыйлар.
7. Мұны ертерек істеп қоюға болса да, беташар ашатын адам үнемі беташар кезінде домбыраның құлағын бұрап, үнін келтіре береді.
8. Әжелер мен аталардың тілек айтуы 30 минутқа созылады. Сосын бата береді және 14 шумақтан тұратын әнді акапелламен орындайды.
9. Той әндерінің ТОП 3 бар: «Аспанға қараймын», «Мария Магдалена» және «Қызыл өрік». Бұл әндер адамдарды еріксіз елітіп әкетеді, тіпті суперзаманауи адамдардың өзі бұл әндерге билей жөнеледі.
10. Әжелер үнемі әуенді жай қоюды сұрайды, алайда ТОП 3 әндерінің қатты дауысы бәріне ұнайды.
11. Қонақтардың 85%-ы көңілді, 15%-ы тұнжырап отырады. Қонақтардың дұрыс жерге отырғызбағаннан, біреулерге тілек айту кезегін уақытында бермегені үшін көңілдері түседі.
12. Қазақ тойларында талантты балалар ән айтады немесе би билейді. Ал мұқият үлкендер жанына ақша салатын ыдыс қояды.
13. Қазақ тойларында қызықты рәсімдер көп. Мысалы, «қалта» рәсімінде әйелдер бір үстелге жиналады да бағалы заттарды бөліседі, ал ерлер залдан шығып кетеді.
14. Егер үстелдерден тағамды жинай бастаса немесе даяшылардың пакет ұсынып жатқанын көрсеңіз, демек, той аздан соң аяқталады.
15. Қазақтар тойдан кейін бөлек бір үстелде қалып, тойдың қалай өткенін айтып таңға дейін шәй ішеді.
16. Асаба той бағдарламасында аздаған үзіліс жарияласа, ақсақалдар жағы мейрамхананың жазғы бөлігінде немесе дәлізінде жиналып, карта ойындарын ойнайды.
Материалды жазуға көмектескені үшін Санат Шапашов, Ғалым Калиакбаров пен Жамбыл Кульдеевке алғыс білдіреміз.
