Мирас Жүгінісов — жас өнерпаз, әнші, ағайынды Жүгінісовтердің ортаншысы. Нәзік, лирикалық шығармаларымен ерекшеленіп жүрген отандық жас әнші туралы не білеміз?
Ағайынды Жүгінісовтердің ортаншы мүшесі — Мирас Жүгінісов. Ол 2000 жылы 20 қаңтарда Орал қаласында дүниеге келген.
Әншінің продюссері Margulan Aden.
2021 жылдың 13 қарашасында «Шыда» әніне бейнебаян шықты. Және сол уақыттан бастап көпшіліктің сүйікті әншісіне айналды. 2022 жылдың 15 ақпанында Мирастың дуэт болып шырқаған «Роман» әні жарыққа шықты.
Ерекше дауысты жас дарын спортқа құмар және футбол ойнағанды жақсы көреді.
Жас болса да мыңдаған сұлудың жүрегін жаулап үлгерген, ол бала кезінен әнші болуды, алып сахнада ән айтып, көрерменді қуантуды армандаған. Өз парақшасында ол: «Мен өзімді сахнада өнер көрсетіп, әндерімді мыңдаған адам тыңдап жатқандай елестеттім. Мен өз сезімімді музыка арқылы жеткізгім келді. Қазір мен сүйікті ісіммен айналысамын және үнемі дамып келемін» деп жазады.
