Мади және Несібелі Айтжановтар жұмыста қалай танысқандары және 4 қыз тәрбиелеп жатқандары жайлы

Біз жайлы

Несібелі. Біз жұмыста таныстық. Мади біздің компанияның клиенті болды. Алғашқы кездесуімізде-ақ ол маған ұнады, бірақ оны үйленген деп ойладым. Бірақ Мади бізге жиі келетін болды — күн сайын — мұны жайдан жай істеп жүрген жоқ екенін түсіндім.

Есімде қаңтар айы, Астанада қатты суық болды. Мади маған күнде раушан гүлдер сыйлап, үйге дейін жеткізетін. Кішкентай кезімде мен күйеуімнің қандай болатынын елестететінмін. Мади сол сиппаттамаға сырт келбеті мен ішкі жан дүниесімен де толық сәйкес келді.

Мади. Мен Солтүстік Қазақстанда туғанмын. Ал Несібелі Оңтүстік жақтан. Бірақ біздің өмірге деген көзқарасымыз бен дәстүрлеріміз бірдей болып шықты. Ол менің анама ұқсайды, наурыз айында оларды таныстырдым.

Несібелі. Біз аз уақыт кездестік. Алдымен Мади телефон арқылы үйлену жайлы айтатын. Ал 8 наурызда сақина сыйлап, тұрмысқа шығуға ұсыныс жасады.

Астана жайлы

Несібелі. Мен Оңтүстік Қазақстанда, одан кейін Ташкентте, Екатеринбургте тұрдым. Университетте оқығанымда, ағаммен бірге Астанаға көшіп келдім.

Біз бұл қаланы жақсы көреміз. Маған оның архитектурасы ұнайды. Мен келгенде, Астана енді салынып жатқан. Ал қазір мұнда көптеген заманауи ғимараттар бар.

Мұнда тұратын адамдар ұнайды. Рессейдегі өмірден кейін олар қарапайым, мейірімді, ақкөніл, замануи болып көрінеді.

Отбасы жайлы

Несібелі. Бізде үлкен отбасы — менде де, Мадидің туыстарында да. Әр мереке сайын барлығымыз бірге жиналамыз. Мысалы, Жаңа Жылды барлық отбасымен бірге қарсы аламыз — бұл біздің дәстүріміз. Түған күндерге, Наурызда, басқа мерекелерде де біргеміз.

Мади. Төрт баламыз бар — төртеуі де қыздар.

Несибели. Үлкені — Азиза — 12 жаста, ол оқығанды жақсы көреді. Оны «кішкентай Эйнштейн» деп атаймыз. Оған математика, информатика ұнайды.

Екінші қызымыз — Ания — үлкенге қарама-қарсы. Ол он жаста, және сәнгер. Әдеміленуді, бимен айналысуды жақсы көреді.

Үшінші қызымыз — Балжан — екінші сыныпта оқиды, гимнастикамен айналысады. Әрдайым қозғалыста, жаңа бірденелер ойлап табады, бір орында отырмайды.

Еркежан үш жаста — ең кенжесі. Оны барлығымыз еркелетеміз.

Мади. Жұмыс күндері біз әрдайым бос емеспіз: әйелім екеуіміз өз жобаларымызбен айналысамыз, балалар мектепте оқиды. Сондықтан барлығымыз бірге тек таңғы ас пен кешкі аста жиналамыз.

Несібелі. Демалыс күндері әрдайым демалыс ұйымдастырамыз: киноға барамыз, саябаққа пикникке шығамыз, мерекелерге барамыз. Мади қыздарға шопинг ұйымдастырып, олармен коньки тепкенді ұнатады.

Мади. Балаларға классикалық құндылықтарды үйретеміз. Олардың үлкендерге құрметпен қарағанын, қарапайым, жомарт, еңбекқор болғандарын қалаймыз.

Қазіргі жан дүниенің жағдайы

Несібелі. Біз өзімізді бақытты адамдармыз деп есептейміз. Біздің дені сау, үлкен отбасымыз бар. Сүйікті ісімізбен айналысатын мүмкіндік бар. Өзімізде барға разымыз.