Мади Сыпатаев Францияға қалай көшкені және сол жақта кәсіп құруы жайлы

Өзім жайлы

Мен әдемілікті бағалаймын. Маған әдемі нәрселерді көру, есту маңызды. Маған бала кезімнен әдемі мұражайлар немесе тарихи орындарды көрген ұнайды. Қазақстанда ондай дүние аз болғандықтан жиі кинофильмдерді көретінмін. Әсіресе Риммен байланысты фильмдер ұнайды. Бұл ең сүйікті және әдемі қалалардың бірі.

Францияда жан-жағымнан әдемілік қоршап жатқан жерде тұрамын: сәулет, теңіз, жағалау. Бұл мені шабыттандырады. Сондай-ақ музыка тыңдағанды ұнатамын.

Маған шығармашылық жұмыстармен айналысқан ұнайды. Ол маған ләззат әкеледі. Мен айналамдағыларға жақсы көңіл-күй мен энергия бере аламын.

Мен салмақты адаммын. Эмоцияларымды басқаларға шығармаймын.

Маған қойған мақсаттарыма жету маңызды. Кейбіреулеріне оңай, кейбіреулеріне бірнеше мүмкіндіктерден кейін жетемін. Бастысы — берілмеу.

Көп адам мені арманшыл дейді. Шығармашылықтың адамы ретінде мен армандауды, одан кейін армандарымды жүзеге асыратын жоспар құрамын. Жоспарың болған кезде арман мақсатқа айналады.

Өмірлік қағидалар жайлы

Мен өзімнің сезімдеріме, интуицияларыма сенемін. Сондықтан әрқашан рационалды және логикалық іс-әрекеттер жасамаймын.

Ұнайтын нәрсенмен айналысу керек дегенге сенемін. Өмірден барынша ләззат алуға тырысамын. Өзімнің мүмкіндіктеріме қарай адамдарға көмектесемін. Тек қана маған емес, басқаларға да жақсы болғанын қалаймын.

Мен үшін алдау деген жоқ. Балаларымды да осыған үйретемін.

Мен дипломатиялық адаммын. Сондықтан келусішіліктерге баруды жақсы көрмеймін. Барлығын мінсіз және соңына дейін жасау керек деп ойлаймын. Бірақ өмірде барлығы біз қалағандай емес.

Мен қиындықтардан қорықпаймын. Кейде өз-өзіме үлкен мақсаттар қоямын. Шешімі жоқ нәрсе болмайды деп ойлаймын. Сабыр сақтап, барлығын рет-ретімен қойып алу маңызды. Мұндайда маған аналитикалық ойлау қабілетім көмектеседі.

Спортпен тұрақты айналасуым тәртіпті болуыма, ойларымды жинақтауға көмектеседі.

Өмірдегі адамдар жайлы

Өмірдегі ең басты адамдар — отбасы: жолдасым, балалар. Францияға көшкеннен кейін біздің отбасылық қарым-қатынасымыз өзгерді. Қазақстанда тұрғанымызда отбасыммен бір жарым сағат уақыт өткізетінмін. Қазір Францияның өмір сүру ритмін қабылдап, отбасылқ демалыстарды бірге өткізуге, таңғы ас ішуге, демалуға үйрендім.

Сондай-ақ жақын орта — бұл ата-анам, қарындасым, мектептегі достарым, серіктестерім. Менде барлығымен байланыста болу қажеттілігі жоқ, үнемі қарым-қатынасқа мұқтаж емеспін. Жеке қалып, бірнеше күн жалғыздықта өткізе аламын.

Қарым-қатынастағы ең басты критерий — маған ол адаммен қолайлы болу керек. Сондай-ақ интеллект дәрежесі, ортақ қызығушылықтар маңызды. Мысалы, тарих, мәдениет, геосаясат жайлы сөйлесе алатын адамдарды бағалаймын.

Қызметі жайлы

Францияда Marino Madi киім брендін шығардым. Бұл теңізді жақсы көретін адамдарға арналған бренд.

Бұған дейін менде киім саласында кәсіп жүргізу тәжірибесі болған жоқ. Бірақ бұл — мен қалайтын іс екенін түсіндім. Мектеп кезінен өз талғамым болатын. Сондықтан мен бұл салаға келгенімде ешкім таңқалмады.

Ең басында қиындықтар болды. Алғашқы коллекцияны дайындауда тәжірибемнің жоқтығы сезілді. Еуропалық фабрикаларға сенім арттым, олар барлығын жоғары деңгейде жасап береді деп ойладым. Алайда, олар барлығы үшін сапалы тікпейді екен. Барлығы тапсырыс берушіге және оның сұранысына байланысты екен. Егер сен тауарды дұрыс емес түсіндірсең, нәтиже де сәйкесінші болады.

Ақырындап тәжірибе жинақтадым. Менен тәжірибелі кәсіпкерлерден кеңес алдым. Бес жыл ішінде бес-алты коллекция шығардық. Басты бағыт — теңіз стилі, спорт-шик.

Біз француз және итальян нарығы үшін киімді Италияда және Португалияда тігеміз. Сондай-ақ киімді Рессейге, Қазақстанға жеткіземіз.

Еуропадағы клиенттеріміз — орташа және жоғарғы табысты адамдар, олар халықтың 70-80%-ын құрайды. Олар брендті қумайды, өздеріне ыңғайлы киімді сатып алады. Қазақстан мен Оессейдегі біздің сегмент — жоғары табысты адамдар. Бұл нарықпен қиындықтар бар. біздің адамдар үшін лейбл маңызды. Сондықтан сапалы, бірақ итальяндық танымал емес бренд оларға қызықсыз болуы мүмкін.

Біз Токиода өтетін Олимпиадаға қатысатын қазақстандық команда үшін форманы жасау конкурсына қатыстық. Қазақстандық спортшылар үшін салтанатты киім мен спорттық костюмдерді тігеміз. Мен әрдайым біздің спортшыларымызды стильді киінгенін қалайтынмын. Сондықтан олар үшін еуропалық, бірақ қазақ элементі бар стильді ойлап таптым.

Өзімді әзірше дизайнерлер қатарына жатқызбаймын. Бірақ бұған келгім келеді — қазіргі заманғы дизайнда жастарға арналған киім жасау, көріністерге қатысу, басқа дизайнерлермен танысу, қауымдастыққа кіру жоспарымда бар. Маған Ralph Lauren брендінің тарихы, тәжірибесі мен стилі ұнайды. Сондай-ақ, итальяндық бренд Eleventy де ұнайды.

Бұл менің өмірімнің ісі деп айта аламын. Әрқашан әдемі нәрсемен айналысқым келді. Сондай-ақ, менің балаларым айналыса алатын отбасылық бизнес ашқым келеді. Үлкен балаларымды жұмыс процестеріне қатыстырамын. Бұл іс біздің өмір салтымызға сәйкес келеді. Және маған ұнайды.