9 қаңтардан бастап елімізде «ҚР Әкімшілік құқықбұзушылықтар туралы Кодексіне өзгерістер мен толықтырулар енгізу туралы» заң күшіне енді. Астана қаласы ІІД-нің баспасөз қызметі аталмыш заңға енгізілген негізгі өзгерістерді халық назарына ұсынады. Ведомствоның хабарлауынша, ҚР ҚРӘҚБтК-нің 40 әкімшілік құқықбұзушылықтың құрамы бойынша айыппұлдардың мөлшері төмендетілді.
Мәселен, мүгедектердің көлігіне арналған тұрақтарға көлікті қойғаны үшін салынатын айыппұл мөлшері 50 АЕК-тен 10 АЕК-ке дейін төмендеп, 24 050 теңгені құрады. Былтыр жүргізушілер заңның осы тармағын бұзғаны үшін 113 450теңге төлейтін. Жаяу жүргіншілер мен жол қозғалысының басқа да қатысушылары жол ережелерін бұзғаны үшін енді бұрынғыдай 5 АЕК (11 345 теңге) көлемінде емес, 2 АЕК (4 810 теңге) көлемінде айыппұл төлейді.
Әкімшілік жаза салынғаннан кейін бір жылдың ішінде жаяу жүргіншілер мен жол қозғалысының басқа да қатысушылары заңды қайта бұзғаны үшін қолданылатын жаза да өзгерді. Бұрын ол үшін 20 АЕК мөлшерінде айыппұл төлеуді қарастырса, қазіргі уақытта оның мөлшері 15 АЕК құрайды. Жаңа заңға сәйкес, міндетті сақтандыру келісімшартын жасасуға міндетті тұлға міндетті сақтандыру келісімшартын жасасудан жалтарғаны үшін бұдан былай 10 АЕК мөлшерінде айыппұл төлейтін болады. Ал бұрын міндетті сақтандыру келісімшартын жасасудан жалтарғаны үшін тұлғаларға салынатын айыппұлдың мөлшері 20 АЕК құрайтын.
Сағатына 10 километрден 20 километрге дейін жылдамдықты арттырғаны үшін (ӘҚБтК 592-бабы 1-бөлігі) айыппұл 10 АЕК-дан 5 АЕК дейін, сағатына 20 километрден 40 километрге дейін жылдамдықты арттырғаны үшін (ӘҚБтК 592-бабы 1-бөлігі) айыппұл 15 АЕК-дан 10 АЕК-ке дейін, 40 километрден жоғары жылдамдықты арттырғаны үшін (ӘҚБтК 592-бабы 3-бөлігі) айыппұл 30 АЕК-дан 20 АЕК-ке дейін төмендетіліп отыр. Осы баптың 2,3-бөлігінде қарастырылған іс-әрекет әкімшілік жаза салынғаннан кейін бір жылдың ішінде қайта жасалған жағдайда (ӘҚБтК 592-бабы 4-бөлігі) салынатын әкімшілік айыппұл мөлшері 40-тан 30 АЕК дейін төмендетілді. ҚР ӘҚБтК 592-бабы 1-бөлігі бойынша қайталанушылық қарастырылмаған.
Дерек көзі: 24.kz
