«Айка», 2018
Режиссері: Сергей Дворцевой
Фильм жайында: Суық Мәскеуде заңсыз жұмыс істейтін жас қырғыз қызы жаңа туған баласын перзентханада тастап кетуге мәжбүр болады. Бұндай айырылысуға көне алмайтынын түсіну үшін, қандай жағдайларды бастан кешіретіні баяндалады
Марапаттары: Канн халықаралық кинофестиваліндегі «Ең үздік әйел рөлі»: Самал Еслямова
Гонгонгтағы Азиялық киноакадемияның нұсқасы бойынша «Ең үздік әйел рөлі»: Самал Еслямова
«Лифт», 2018
Режиссері: Нұртас Адамбай
Фильм жайында: Үш күнге лифтте жабылып қалған екі бейтаныс ер адамдар жайындағы психологиялық драма.
Марапаттары: Жанрлық кино бойынша Лос-Анджелесте өткен Genre celebration 2018 жыл сайынғы халықаралық фестиваліндегі «Үздік драмалық фильм», «Үздік режиссура» және «Үздік операторлық жұмыс»: Азамат Дулатов.
«Әміре», 2017
Режиссері: Джефф Веспа
Фильм жайында: Фильм қазақтың тұңғыш драмалық тенор дауысты біртуар әншісі – Әміре Қашаубаевтың қамшының сабындай ғана қысқа да, жарқын ғұмырын баяндайды.
Марапаттары: АҚШ-дағы Hollywood Film Festival Silver Screen Prize марапаты.
АҚШ-дағы Richmond International Film & Music Festival «Үздік актер»: Санжар Мәди.
«Біздің қаламыздың кішкентай ханзадасы», 2017
Режиссері: Талғат Теменов
Фильм жайында: Бибол есімді бала мен Қасымхан есімді музыкант атаның өмірлері және олардың үлкен достыққа ұласқан кездейсоқ танысуы жайында. Ақсақал ұл бала үшін ең жақын адам болып кетеді. Бибол Қасымханмен араласу барысында рухани және моральдық қасиеттердің арқасында ғана нағыз бақытқа жетуге болатынын түсінеді.
Марапаттары: Шанхай ынтымақтастық ұйымының мүше елдер кинофестиваліндегі «Үздік ер адам рөлі»: Төлеубек Аралбай.
Бангладеште өткен 17-ші МКФ-дегі «Бадал Рахман атындағы үздік балалар фильмі».
«Оралман», 2017
Режиссері: Сәбит Құрманбеков
Фильм жайында: Ауғанстанда тұратын қазақ отбасыдағы Базарбай есімді қарттың ұлы мен қызы бар. Олар есейіп, өз отбасыларын құрды. Ұлы жергілікті қызға үйленеді. Қызы да ауғанстан жігітіне тұрмысқа шықты. Сапарқұл есімді ұлы моджахедтердің құрамында соғысқа қатысқан. Біраз уақыт өтеді. Базарбайдың отбасы ұзақ күткен Қазақстанға көшу квотасына ие болады. Отбасы ұзақ жолға дайындалады.
Марапатттары: Непалда өткен 22-ші Халықаралық кинофестиваліндегі «Үздік шетел фильмі».
Қырғызстанда өткен «Ақ Ілбіріс» кинопремиясындағы «Орталық Азиядағы үздік актер»: Дулыға Ақмолда.
«Келін», 2009
Режиссері: Ермек Тұрсынов
Фильм жайында: Фильмнің негізгі оқиғасы біздің дәуірімізге дейінгі ғасырларында, ислам дәуіріне дейінгі кезеңді қамтиды. Кез-келген канондық негіздерге ұстындалған дін өзіндік заңдар мен догмалардан тұрады. Ал тәңіршілдік дәуірінің ерекшелігі – тіршіліктің табиғатпен тұтасып жатуында.
Марапаттары: Monaco Charity Film фестиваліндегі Гран-при.
New York Eurasian Film Festival «Үздік ойын фильмі» және «Үздік операторлық жұмыс»: Мұрат Алиев
«Қызғалдақ», 2008
Режиссері: Сергей Дворцевой
Фильм жайында: Аса есімді жас жігіт әскери теңіз флотында Отан алдындағы борышын атқарып, туған жеріне оралады және мал бағумен айналысады. Бүкіл маңайда бір-ақ қыз қалған екен, бойжеткеннің есімі – Қызғалдақ.
Марапаттары: Үздік режиссура үшін Токио кинофестиваліндегі «Сакура» марапаты.
Канн кинофестиваліндегі «Ерекше көзқарас» байқауының бас жүлдесі.
Суреттің дереккөзі: brod.kz
