Аниме — Жапониядан шыққан ерекше өнер түрі мен мәдени феномен, өзіне тән стиль және анимация техникасы арқылы көптеген жанр мен тақырыптарды қамтитын көркем туындылардың жиынтығы. Көптеген көрермендер үшін аниме тек қана көңіл көтеру емес, сонымен қатар өмірдің мәні мен адамдық сезімдерді терең түсінуге арналған ерекше құрал болып табылады.
«Ходячий замок», 2004
Жанр: фэнтези, мелодрама, шытырман оқиғалар
Зұлым мыстан 18 жастағы Софи есімді қызды кемпірге айналдырады. Қартайған Софи алыс жаққа қашып кетеді де, жолда аяғы бар ғажайып үйді кездестіреді. Сол үйде Софи күшті сиқыршы Хаулмен және жын Кальцифермен танысады. Қыз бен жын бір-біріне зұлымдық сиқырынан құтылуға көмектесуді шешеді.
«Унесенные призраками», 2001
Жанр: фэнтези
Тихиро ата-анасымен жаңа үйге көшеді. Жолда олар жұмбақ бос қалашыққа тап болып, керемет тойға кезігеді. Ата-анасы тойғанша тамақ жеп, доңызға айналып кетеді де, зұлым сиқыршы Юбабаның тұтқынына түседі. Енді Тихиро сиқырлы әлемде жалғыз қалып, ата-анасын қарғыстан құтқарудың жолын іздеуі керек.Сюжет шытырман оқиғаларға толы.
«Ученик чудовища», 2015
Жанр: фэнтези, драма, экшн
9 жасар Рэн ата-анасынан айырылып, қамқоршыларынан қашып, Токио көшелерін кезіп жүреді. Сол жерде ол параллель әлемнен келген аюға ұқсайтын алып жауынгер Медвежутамен кездеседі. Медвежута өзіне шәкірт іздеп жүрген болатын, ал Рэн оның шәкірті атанады. Жаратылыстар әлемінде Рэнге Девята деген есім беріліп, ол Медвежутаның жетекшілігімен жауынгерлік өнердің шебері болу үшін жаттығуларын бастайды. Шәкірттің әртүрлі әрекеттеріне толы аниме мотивация береді.
«Судзумэ, закрывающая двери», 2022
Жанр: фэнетзи, мелодрама
16 жасар Судзумэ Кюсю аралындағы тыныш қалашықта өмір сүреді. Бір күні мектепке бара жатқан жолда ол саяхатшы жігітті кездестіріп, жігіт жақын маңдағы қирандылардың қайда орналасқанын сұрайды. Қызығушылығын жеңе алмай, Судзумэ сол жерге барып, не бар екенін көруге бел байлайды. Жергілікті тастанды ғимаратқа кіріп, ол жұмбақ есікті тауып алады, оны ашып, жерден таңғажайып тас шығарады. Біраз уақыттан кейін ашылған есіктен алып құбыжық шығып, жер сілкінісін тудырады. Енді Судзумэ бейтаныс жігітпен бірге сөйлейтін мысықты қуып, елдегі барлық ашылған есіктерді жабуға және жаңа апаттардың алдын алуға тырысады.
«Волчьи дети Амэ и Юки», 2012
Жанр: фэнетзи, мелодрама
Юки мен Амэ сырттай қарағанда қарапайым балаларға ұқсайды, бірақ олардың өмірі қиындыққа толы. Әкелері — ежелгі қасқырлар тұқымының соңғы өкілі қайтыс болғаннан кейін, олардың анасы, үлкен қаладан алысқа көшуге мәжбүр болады.
«Рыбка Поньо на утесе», 2008
Жанр: фэнтези, шытырман оқиға
Кішкентай қызығушылыққа толы балық Поньо — сиқыршы мен әдемі теңіз құдайының қызы. Ол үнемі үйінен шығып, адамдардың өмірін бақылау үшін жүзеді. Поньо абайсызда құмыраға кептеліп, жағаға шығады. Оны бес жасар Сосукэ тауып алады. Балалар бір-біріне бауыр басып қалады, енді Поньоның жалғыз арманы — адам болу.
«Твое имя», 2016
Жанр: фэнтези, драма, мелодрама
Токио жігіті Таки мен провинциялық қыз Мицуха арасында біртүрлі байланыс бар екенін түсінеді. Түсінде олар денелерін ауыстырып, бір-бірінің өмірін сүреді. Бірақ бір күні бұл қабілет кенеттен жоғалып кетеді. Таки Мицуханы қайтару үшін барлық амалдарды қолдануға бел буады.Бір-біріне деген бауыр басу әртүрлі әрекеттерді жасауға алаып келетін бұл аниме 2016 жылғы үздік анимелер қатарына еңген.
«Дитя погоды», 2019
Жанр: фэнтези, романтика
16 жастағы Ходака Морисима Токиодағы үйінен қашып кетеді, онда ол ақшасын тауысып, құжаттарсыз жұмыс таба алмай қана қоймайды, сонымен қатар қырсыққанда көшеде шексіз жаңбыр жауып, аспан үнемі бұлттармен толып тұрады. Шарасыздықтан, жігіт бұрынғы саяхатшыға жүгінеді, ал ол оны табиғаттан тыс туралы жазатын журналына алып қана қоймай, сонымен қатар баспана береді. Бірде Ходака хина Амано есімді қызбен кездеседі, ол бұлттарды таратып, жаңбырды тоқтата алатын керемет қабілетке ие.
«Укрась прощальное утро цветами обещания», 2018
Жанр: фэнтези, мелодрама, драма
Әдемі Макия — мәңгілік өмірдің құпиясын сақтап жүрген өлмейтін жандардың бірі. Ғасырлар бойы көптеген әскерлер оның халқын басып алу үшін шайқасты, бірақ қала қирап, Макия орманға қашып кетеді. Орманда ол ата-анасын жоғалтқан кішкентай Эриал есімді баланы табады және оның баурына басады. Шынайы сезім мен қамқорлық бейнеленген бұл аниме әртүрлі сезімді сездіріп, керемет ойлар қалыптастырады.
«Сад изящных слов», 2013
Жанр: мелодрама
Такао есімді жас жігіт кездейсоқ жұмбақ жас әйелмен танысады. Олардың кездесуі жаңбырлы күндері Тако тамаша аяқ киім жасауға жұмыс істеп жүргенде орын алады. Бұл кездейсоқ кездесулер қайталанып, олардың арасында ерекше байланыс қалыптасады. Жүректерінің бір-біріне ашылуы басталған кезде, жаңбырлы маусымның аяқталуы жақындап келеді, және бұл маңызды таңдау жасау қажеттігін білдіреді.