Мұратұлы
Абай, 22 жаста, туған қаласы ― Шымкент, жүзу бойынша нұсқаушы
Өзі жайында
Белсенді өмір салтына деген сүйіспеншілік кішкентай кезімде, анам екеуміз аймақтың киелі жерлеріне барған кезден бастап қалыптасты.
Демалудың сүйікті түрі – тауда серуендеу, сол кезде туған жеріңнің ерекше көріністеріне сүйсінесің. Оған қоса мен туристік сапарларға шығып, парашютпен секіремін.
Шымкенттегі белсенді демалыс жайында
Соңғы бірнеше жыл ішінде Шымкентте белсенді демалыс кеңге таралып келеді. Туристік жерлерге оңайырақ және тезірек жетудің мүмкіндіктері пайда болып, қолайлы бағалар бойынша жаяу турлар мен сапарларды ұйымдастыратын ұйымдар жүмыс істейді. Мен белсенді демалысты ұнататын адамдардың @klad.kz13 клубына жүгіндім. Олар апта сайын сапарлар мен жаяу турларды ұйымдастырады.
Ақсу шатқалы
Сапарлар үшін ең көрікті жерлер – Боралдай сарқырамасы, Сусіңген көлі, қызыл жартастар, Ақсу және Біркөлік шатқалдары. Ерекше жер – Сайрам-судың төменгі және жоғары көлдері. Төменгі көлі – Сайрам-Өгем мемлекеттік ұлттық табиғи парктің визит карточкасы, оған дейін жету үшін тоғыз километрді өту керек, бағыттың жалпы ұзындығы – 18 километр, үш-төрт сағат уақытты қамтиды. Көл мұздық болып табылады, температурасы 5-7 градустан аспайды, формасы бойынша гитараны еске салады. Сұлулығы ерекше әсер етеді, мөлдір және көгілдір түстерге бөлінеді.
Туристік сапарларға алғаш рет шығатын адамдарға берер кеңесім – мұқият болыңыздар, таулар қателіктерді кешірмейді
Біз достарымызбен апта сайын кемпинг пен жаяу серуендерді ұйымдастырамыз. Бір күндік серуен үшін трекингтік кроссовкилерді, суды, күнге күюден қорғайтын крем, жәндіктерге қарсы спрей, бас киімді алу керек. Екі күннен артық сапар үшін шатыр, тамақ пен суды, ұйықтауға арналған қаптар және тағы басқа қажетті заттарды алу керек. Егер сапарға шығып көрмесеңіз, қажетті нәрселерге үйрететін ұйымдарға жүгінгеніңіз жөн.
Туристік сапарларға алғаш рет шығатын адамдарға берер кеңесім – мұқият болыңыздар, таулар қателіктерді кешірмейді.
Алтай Пернебей, 24 жаста, туған қаласы ― Шымкент, фармацевт
Өзі жайында
Мен белсенді демалыспен осы жылы айналыса бастадым, туған жерімнің туристік жерлеріне баруды бұрыннан армандадым.
Шымкенттегі белсенді демалыс жайында
Соңғы жылдар ішінде Шымкентте белсенді демалыс кеңге таралып келеді. Табиғаттағы саяхаттарды, жаяу саяхаттарды ұйымдастыратын төрт ұйымды білемін. Қызметтерінің құны 3500-ден бастап 13 000 теңгеге дейін өзгеріп отырады.
Ақсу шатқалы
Туристік сапар үшін ең танымал жерлер – Ақмешіт үңгірі, Қазығұрт тауы, Түркістан қаласындағы кесене, Ақсу құз-шатқалы, төменгі және жоғары көлдер, Тәттібұлақ сарқырамасы
Туристік сапар үшін ең танымал жерлер – Ақмешіт үңгірі, Қазығұрт тауы, Түркістан қаласындағы кесене, Ақсу құз-шатқалы, төменгі және жоғары көлдер, Тәттібұлақ сарқырамасы. Керемет табиғи жерлерден бөлек, Шымкент қаласының өзіне барып, қаланың жылылығы мен қонақжайлылығын сезінуге, неліктен бұл қала үздік болып саналатынын білуге кеңес беремін.
Сапарлар мен жаяу турлардан бөлек, Шымкентте спорттық қозғалыстар – жүгірушілер, велошабандоздар клубы, workout және белсенді өмір салтын насихаттайтын жекпе-жек секциялары кеңге таралып, даму үстінде.
Сапарға шығар алдында дәрігерлердің тексерісінен өтіп, суды, бас киімді ұмытпай, тәжірибелі мамандарға жүгінген жөн.
Суреттің дереккөзі: @klad.kz13
