Гаухар Бауыржанқызы АҚШ-қа қалай қоныс аударғаны жайлы және табысты мансап құрғанын айтып берді.
Гаухар Бауыржанқызы, қаласы — Сан-Франциско, Business Operations Manager, Walmart Connect, @gauhar.live
Қоныс аударуы туралы
Бес жасымнан бастап Штаттарда оқуды армандадым. Бала кезімде мен әлемдегі ең үздік университеттердің АҚШ-та екенін естіп қалып, сол жақта оқуға ұмтылуым керек деп шештім.
Сондықтан 2013 жылы мен Бостондағы Солтүстік-Шығыс университетіне түсіп, АҚШ-қа көшіп келдім. Білім ордасында қос мамандықты таңдадым: экономиканы және бағдарламалаудағы математиканы. Менің халықаралық білім алғым келді және шетелде жұмыс тәжірибем болса дейтінмін.
Жаңа өмірге бейімделу және қиындықтар туралы
АҚШ пен Қазақстан екі параллель әлем сияқты. Бұл елдерде бәрі де басқаша. Барлық нюанстарды түсіну үшін біраз уақыт кетеді.
Ең басты мәселе әрқашан тұрғын үймен байланысты. Басқа қиындықтар жайлы айтар болсам, үлкен бәсекелестік, жұмысқа рұқсат алу, тілдік кедергі, оқыту мен жұмысқа деген америкалық көзқарас, медициналық жүйенің ерекшеліктері. Мен бірден орыс және қазақ тілдеріндегі қарым-қатынасты шектеп, extracurricular activities-ке жазылдым, шетелдіктер мен жергілікті тұрғындар арасында достар таптым. Осылардың барлығы орта табуыма, америкалық мәдениет пен негіздерді түсінуге, тілдік кедергіден арылуға көмектесті.
АҚШ – контрасттар елі. Бәрі жайқалып, гүлдеп тұрған, өмір қайнап жатқан әдемі, заманауи жерде серуендеп келе жатып, бәрі қирап қалған әрі қылмыс деңгейі жоғары шағын ауданға тап болуыңыз әбден ықтимал.
Көшіп бара жатқанда, басқа елге бейімделу процесін толықтай бастан өткеруге дайын болыңыз. Жаңаның бәрі жат, әдеттен тыс және қорқынышты болып көрінуі мүмкін, бірақ бұл тәжірибе сізді шыңдап, өмірге жаңа көзқарас сыйлайды және сізді мықты етеді. Неліктен осында екеніңізді және осы тәжірибеден не алғыңыз келетінін ойланыңыз. Соңына дейін жүріп алмай, алдын ала жоспарлауды үйреніңіз.
Жаңа таныстар табыңыз. Ешкімді танымайтын жаңа елде екеніңізді ұмытпаңыз. Өзіңізге адал болыңыз.
Дамуы және мансап жолы туралы
Университетте оқып жүрген кезімде мен ірі корпорацияларда: Бостондағы State Street Corporation және Лос-Анджелестегі Piper Sandler-дің қаржылық секторында екі жарты жылдық тағылымдамадан өттім. Оқуды бітіргеннен кейін банктерді бағдарламалық қамтамасыз ететін Empyrean Solutions шағын технологиялық компаниядан жұмыс таптым. Үш айдан кейін студенттік тәжірибеден өткен Piper Sandler инвестициялық банкінен жұмысқа тұру туралы ұсынысын қабылдап, өмірім күрт өзгерді.
сүйіспеншілігі Бұл мен үшін үлкен тәжірибе болды. Көптеген маңызды жобалармен жұмыс істедім, бизнестің нөлден қалай құрылатынын көрдім, тіпті стратегиялар мен операциялық жоспардң қалай әзірленетінін, жобаларды масштабтаудың қалай жүзеге асырылатынына куә болдым.
Позитивті көзқарас, шыдамдылық, бірнеше жерге өтімді өтініш беру, нетворкинг және таныстарыңыз алғашқы жұмысыңызды табуға көмектеседі.
Барлығын сынап көріңіз және «барлық есікті» қағыңыз, олардың біреуі міндетті түрде ашылады. Егер сіз мансаптық өсуді жоспарласаңыз, өз идеяларыңызды ұсынуды және аудитория алдында сөйлеуді үйреніңіз, өз мамандығыңыз бойынша дамыңыз.
Қазір мен жаңа нәрселерді үйреніп, Канадаға көшуге дайындалып жатырмын. Мен стартапта жұмысқа тұрдым, сондықтан мен одан әрі дамып, жұмыс істеймін.
Қоныс аудару қалай әсер етті
Басқа елге көшу және өмір сүру сізді тезірек жетілуге және өз өміріңіз үшін жауапкершілікті толығымен сезінуге мәжбүр етеді.
Мен өзіммен көп жұмыс істедім және тырыстым. Жолымда кездескен жандардың көбісі маған көмектесіп, мүмкіндік берген, мені үйреткен жақсы адамдар болды. Сондай-ақ маған отбасым мен достарының сүйіспеншілігі және қолдауы көмектеседі.
