Біз Dequine атымен танымал Данелямен танысып, оның неден шабыт алатынын, музыкаға деген сүйіспеншілігін кім оятқанын, Қазақстанда музыка индустриясының қалай дамып жатқанын және алғашқы жеке концерті қашан өтетінін білдік.
Данеля Садыкова, 23 жаста, қаласы — Алматы, музыкант, @dequiine
Бәрі қалай басталды
Мен әртіспін және музыкантпын. Қазақстанның батысында, Ақтөбе қаласында туып-өстім.
2018 жылы ҚТЛ-ді бітіргеннен бастап ән жазып, шығарып келемін.
Музыкаға бала кезімнен ғашықпын
Музыкаға бала кезімнен ғашықпын. Менің музыкаға деген сүйіспеншілігімді атам оятты. Ол музыкант емес, мектепте мұғалім болып жұмыс істеді, бірақ мені музыка әлемімен таныстырды.
Мен бәрімен оңай араласып, тез тіл табысып кететін бала болмадым, керісінше, өз әлемімде өмір сүретінмін. Музыканың арқасында мен қиялымдағы қалаған жеріме тап болатынмын, ой өрісі мен ауқымын көрсетті.
Алғаш рет Эрика Бадудың баяу R'n'B әнін естігенім, Beyoncé-нің деректі фильмдерін көргенім, оның билерін үйренгенім және мелизмдерді ойнап жаттыққаным есімде. Сондай-ақ Kaytranada-ның шығармашылығы би музыкасы туралы түсінігімді түбегейлі өзгерткен жаңалық болды. Маған музыканың стандарттан тыс сұлулығын көрсеткен Sevdalizq-ті де атап өткім келеді.
Өзінің шығармашылығы жайлы
2013 жылдан 2018 жылға дейін Instagram-ға демалыс мектептегі демалыс күндерімде жазған каверлерімді шығардым. Мені осы кавер жазып жүрген кезімнен бастап білетіндер менің шынайы достарыма айналды!
Бір күні өз көрермендерімді көргім келетінін, концерт ұйымдастырғым келетінін түсіндім. Бірақ мұндай шарада тек кавер айту дұрыс емес сияқты көрінді. Тек басқа біреулердің әнін орындаушы болғым келмеді, сондықтан әндер керек деп шештім!
«Пьяная вишня» осылай пайда болды. Мен үшін авторлық музыка өнер көрсетуге, халқымды көруге деген үлкен ынтадан басталғанын енді түсіндім.
Шабыт туралы
Музыка — бар әлем үшін ортақ тіл, оның сұлулығы, сезімталдығы жай күннің өзін ерекше етіп жібереді.
Ән шығару процесін екі түрге бөлуге болады:
1. Мен өзіме сезінгім келетін сезімдерді, болғым келетін жағдайларды, жасырынғым келетін әлемді жасаймын.
2. Мен өз тәжірибеммен және толғаныстарыммен бөлісемін және оның аудио-фотоальбомға жинаймын. Мен үшін бұл терапия іспеттес және өмірімде болып жатқан барлық нәрсені қайта қарау мүмкіндігі сияқты. Өзімді көбіне жалғыз сезінемін және осындай сезімдерді бастан кешіретін адамдар бар екенін білемін. Осындай жағдайда жүрген адам болса, ол өзінің жалғыз емес екенін сезінеді.
Қазақстандағы музыка индустриясының дамуы туралы
Қазақстанның музыка өнеркәсібі қалыптасу кезеңінде, дегенмен қарқынды дамып келеді деуге болады. Әртістердің жұмыс істеуі және одан әрі дамуы кейде қиындау болып жатады, өйткені көптеген сала қалай жұмыс істеу керектігін енді-енді үйреніп жатыр.
Сүйікті әртісіңіз болса, сүйіспеншілігіңіз бен қолдауыңызды көрсетуге ұялмаңыз
Сүйікті әртісіңіз болса, сүйіспеншілігіңіз бен қолдауыңызды көрсетуге ұялмаңыз. Музыканы Spotify, Apple Music, Yandex сияқты ресми платформалардан тыңдаңыз. Бұл Қазақстанның музыка саласының дамуына қосқан үлесіңіз болады.
Ағымдағы шығармашылығы мен жоспарлары туралы
10 ақпанда менің жаңа трегім шығады. Ол менің ғашық сәтім жайында. Өзімді көптен бері мұндай сезімде көрмеппін. Осы күйдің вайбымен бөлісіп, әнімді 14 ақпанға дейін тыңдарман қыздарыма сыйға тартқым келеді. Бұл бәрі бүлікші ретінде көретін, бірақ ғашық болған қыз жұмсақ болып шығады.
Сондай-ақ 8 наурызда Алматыда алғашқы үлкен жеке концертімді өткізгім келеді, оған барлық тыңдарманым келсе деймін.
Шығармашылығы ұнайтын 3 үздік музыкант:
— Bir kiz
— Ice Spice
— Smino.
