Әлия Мынжасарова, 32 жаста, туған қаласы – Алматы, REZEPT дәріханасының негізін салушы, @apteka.rezept.kz
Жоба жайында
REZEPT — инновациялық технологияларды пайдаланумен ерекшеленетін дәріханалар бренді. Технологиялар сапалы қызмет көрсету үшін қолданылады.
Кәсіпкерлер мен клиенттер үшін ақпараттық технологиялардың артықшылықтары көп. Мәселен, халық пен бизнестің қызмет көрсетуге деген қолжетімділігін жеңілдету, ақпарат алмасуды жылдамдату, бизнесті жүргізуде жаңа мүмкіндіктердің пайда болуы, жаңа цифрлық өнімдерді шығару.
Біздің дәріхана екі жобамен ұсынылған. Біріншісі – pharmaster іздестіру жүйесі. Жүйе қызметкерге дәрі-дәрмектің атауын іздестіруге енгізіп, санаулы секундтарда дәріхана сөрелерінен табуға мүмкіндік береді. Бұл өз алдына ішкі бизнес-процестерді жақсартуға, дәріханадағы сауда кеңістігін үнемдеуге және қызметкердің жұмысын жеңілдетуге көмектеседі. Осындай қызмет көрсету Астанада алғаш рет.
Екінші жоба – «ВДС» - «Виртуалды дәріхана сөрелері». Бұл дәріхана тауарларының сұрыпталымы бойынша жолсілтеме болып табылады. Аталмыш қызмет көрсету кез-келген дәрі-дәрмектің сатылуына мүдделі болып табылатын дәріхана қызметкерінің көмегінсіз тауарды өздігінен таңдау мүмкіндігін ұсынады. Оған қоса клиентте тауар қаптамасын бұзбай, тауар туралы ақпаратты ала алады. Яғни адам жай ғана арнайы дисплейдің алдына келіп, өзіне қажетті тауар жайында ақпаратты оқып, таңдайды, оны қоржынға енгізіп, бәрін кассада алады. Қызметкердің сөрелерді жинап, тауарды қоюға және оларды таңбалауға уақытын кетірмейді.
Келешекте біз клиенттің жаңа технологиялардың көмегімен толықтай өздігінен қызмет ала алатын дәріханалар желісін ашып, дамытқымыз келеді.
Алмас Карибаев, 33 жаста, ШҚО, Ақсуат ауылы, «ИНТЕЛЛЕКТУМ» қосымша білім орталығы» ЖШС директоры
«ИНТЕЛЛЕКТУМ» жобасы – үстел ойындарының көмегімен балалардың тәжірибелік дағдыларын дамытатын жүйе.
Кабинетімізді құру үшін біз 600 шақты түрлі үстел ойындарын талдап шықтық. Нәтижесінде қазір қолданып жүрген 30 ойынды таңдап алдық. Біз ойынның мәнін ұғынып, оларды өзіміздің білім беру міндеттеріміз бойынша бейімдейміз. Біз өзіміздің ойындарымызды да шығарамыз. Болашақта бұл толықтай қазақстандық өнім болады.
Бала бір ойыннан жалықпай, әрдайым түрлі ойындарда ойнауы үшін, біз ойындарымызды жинақпен сатамыз. Біздің мақсат – баланы қызықтыра отырып, оның дағдыларын ойын арқылы жетілдіру.
Баланы дағдыларға үйрету керек, сонда ол оларды іске асырып, кез-келген ақпаратты қабылдай алады, кейін соны өмірде қолдана алады. Біздің ойынымыздар арқылы бала логикалық әдістерді қолдануға үйренеді. Біз балаларды барлық нәрсеге белгілі алгоритммен қарауды үйретеміз: біріншіден, зерттеу, кейін жоспарлау, одан кейін – мәселені шешу. Сонда бала барлығын саналы түрде істейді, оқу процесіне де солай қарайды.
Мектеп ойындарды сатып алғанда, біз оларды жинап, әкеліп қана қоймай, мектепте осындай вариациялық курспен айналысатын мұғалімдер немесе психологтарды үйретеміз. Себебі баланы бақылау процесінің ерекше мәні бар. Керек кезде белгілі мәселелерді айқындап, оларды шешу маңызды.
Біздің жобамыз бастауыш мектептерді оқитын әрі жаңа білім беру ортасына үйреніп келе жатқан балаларға да бағытталған. Мектеп бала үшін бәсекелестік және бағалау жүйесі бар жаңа орта. Және көптеген балалар тұйықталып, өздерін толықтай көрсете алмайды. Ал ойын арқылы ол оқу процесіне ақырындап бейімделе алады.
Сонымен қатар біздің жоба мұғалімдерге балалармен тиімді жұмыс істеу шеңберінде біліктіліктерін арттыруға мүмкіндік береді, балаларды оқуға ынталандырады, ата-ата, бала және мұғалім арасындағы байланыстарды орнатуға көмектеседі.
Біз мектептере қолдануды жоспарлап жүрген онлайн-тесттерді жасап жатырмыз. Ол үшін арнайы онлайн-платформасын жасап жатырмыз. Бұл жобамен біз Қазақстан Шелл мен ЕБРР-ден Shell LiveWIRE бағдарламасы бойынша грант ұтып алдық. Оларға біздің идеямыз ұнады, және оны жүзеге асыру олар ақша бөлді. Сол себепті заң мәселелерін шешкеннен кейін, біз білімді бағалау және тестілеу жүйесін оқу орындары мен білім беру мекемелеріне енгіземіз.
