Қазақстандық студенттер Чехиядағы жоғары оқу орындарына қалай түскені және білім алып жатқаны туралы айтып берді. Толығырақ бүгінгі сұхбатта.
Камилла Шахибасова, 21 жаста, қаласы — Алматы, SMM маманы, @shakhibasova
Оқуы туралы
Чехияда оқып жатқаныма төрт жыл болды. Мен Еуропа мен Азияда фрилансер болып жұмыс істеймін, бұл менің өмір ырғағыма ыңғайлы. Бос уақытымда саяхаттаймын. Мен тауларды, шаңғы тебуді және психологияны оқуды жақсы көремін.
Мен Брно қаласындағы VUT университетінде чех тілінде тегін оқимын және стипендия аламын. Мен «Экономика және менеджмент» мамандығында оқимын. Мені дипломдық жұмыс жазу және мемлекеттік емтихандар тапсыратын төртінші курс күтіп тұр.
Чехияға қалай оқуға түсуге болады
Талаптар әртүрлі, бірақ көп жағдайда чех тілін білетініңді дәлелдеу мақсатында B2 деңгейіне емтихан тапсыру, қабылдау емтихандары және нострификация.
Алдымен нострификация тапсырасыз. Мен үш емтихан тапсырдым: информатика, ағылшын тілі және география. Келесі кезекте чех тілін білу деңгейіңізді анықтау үшін тіл емтиханы, ал мамыр-маусым айларында — университетке түсу емтихандары. Мамандығым бойынша екі емтихан болды: математика және ағылшын тілінен.
Мен чех тілін жеті айда В2 деңгейіне дейін үйрендім. Көп жағдайда бұл қажетті деңгей. Үш күн бойы емтихан тапсырдым: бірінші күні — грамматикалық тест, екінші күні — мәтіндік және аудио тест, үшінші күні ауызша емтихан болды.
Емтихандардың ерекше ештеңесі жоқ, бірақ олар қатаң тәртіпте өтеді
Емтихандардың ерекше ештеңесі жоқ, бірақ олар қатаң тәртіпте өтеді. Тек өзіңе сеніп, әр кезеңге жақсы дайындалу керек.
Мен Чехияға Foundation-ға барғандықтан, жақсы дайындалғаным жеткілікті болды. Қиындықтардың арасында: өз өтінішімді нашар агенттікке сеніп тапсыруым болды. Осыған байланысты виза мәселесінде қиындықтар туындады.
Ақыл-кеңес
Егер сіз дайындық жылына баратын болсаңыз, сапалы агенттікті таңдаңыз. Қате таңдаудың кесірінен бір жыл бойы қиналып қалуыңыз мүмкін.
Чех тіліне мүмкіндігінше көп уақыт бөліңіз. Егер мемлекеттік университеттерде тегін оқығыңыз келсе, бұл қажет болады.
Милана Қуанова, 19 жаста, қаласы — Прага, студент, @milamuw
Оқуы туралы
Мен Чехияда, Прага қаласында тұрамын және оқимын. Оқумен қатар лашмейкер болып жұмыс істеймін.
Мен Чехияның ауылшаруашылық университетінің «бизнес және әкімшілік» мамандығында оқимын.
Чехияға қалай оқуға түсуге болады
Чехияда 13 жыл, ал Қазақстанда 11 жыл оқитындықтан, әрбір болашақ студент нострификациядан өтуге міндетті. Бұл — чех мектептерінде тапсырылатын емтихан. Сондай-ақ кейде кейбір университеттер IELTS сұрайды, бірақ болашақ студент ағылшын тілінде оқуды жоспарласа ғана сұралады.
Екінші кезең — университетке шақыртуды тапсыру.
Үшінші кезең — емтихан: чех тілі, ағылшын тілі, математика.
Өз басым емтиханға қатты дайындалдым. Менің басты мақсатым оқу болды. Чех тілінен емтиханға дайындықты жылдың басында бастадым, өйткені тіл курстары болды. Математикаға үш ай дайындалдым, екі ай ағылшын тілін жаттықтырдым.
Ақыл-кеңес
Чехияға оқуға түсуді жоспарлап жүрген түлектерге айтарым, болашақта емтихан тапсыру оңай болуы үшін тілді алдын ала үйреніңіздер.
Құралай Сатыбалды, 19 жаста, қаласы— Прага, студент, @kuralaaya
Өзі жайлы
Мен Чехия университетінің студентімін, атап айтқанда, Прагадағы Prague University of Economics and Business университетінің студентімін.
Чехияға қалай оқуға түсуге болады
Оқуға түсу үшін үш емтихан тапсыруым керек еді: чех тілі, ағылшын тілі және математика. Ағылшын тілі және математика емтихандары бірнеше жауабы бар тест түрінде өтеді. Чех тілінен емтихан үш кезеңнен тұрады және IELTS-ке ұқсас. Әрбір емтихан ең төменгі ұпай шегін талап етеді. Олардың әрқайсысы офлайн режимінде өтеді: үлкен аудиторияда 50-ге жуық адам отырады және 4 тексеруші болады.
Қашанда алдын ала дайындалыңыз
Тест тапсырмас бұрын мен Foundation бағдарламасына жыл бойы дайындалдым. Менің курстарым тек чех тілі сабақтарын ғана емес, ағылшын және математика сабақтарын да қамтамасыз етті.
Ақыл-кеңес
Қашанда алдын ала дайындалыңыз. Чехияға ұшатыныңызды білген бойда, болашақта сізге оңай болу үшін чех тілінде және профиліңіздегі пәндер бойынша курстарға жазылыңыз.
