Anima Book
«Anima Book» арнасында балаларға арналған қазақша ертегілер мен «Azia Animation» студиясы шығарған 200-ден астам қазақ тіліндегі анимациялық фильмдер ұсынылады.
Torgai-tv
«Torgai-tv» арнасы балаларға неше түрлі әндер мен өлендер, оқыту материалдарын, соның ішінде: әліппе, сандар, пішіндер, түстер туралы бейнелерді ұсынады.
Bilimland Kids
Bilimland Kids – көңілді әндер арқылы балалардың ой-өрісін дамытатын арна. Жарқын кейіпкерлердің өлеңмен баяндайтын қызықты оқиғалары бала тілінің тезірек шығуына көмектесіп, қазақ тілін сауатты меңгеруіне негіз болады.
Multplaneta KZ
Multplaneta KZ – әртүрлі жастағы балаларға арналған арна. Анимация әлеміндегі бұрыннан белгілі кейіпкерлермен қоса жаңа кейіпкерлермен де таныстырады. Арнаның мультфильмдер топтамасы әр апта сайын жаңа бөлімдермен толықтырылып тұрады.
QANEKEI
Qanekei – ойын-сауыққа толы, танымды арттыратын балалар мен жасөспірімдерге арналған арна. Осы арнада әндер, қызықты ақпарат, қолөнер, ойын-сауық, ойыншықтар мен техника түрлеріне шолу, жеке VLOG және тағы да басқа тақырыптар аясында түсірілген бейнелер ұсынылады.
«Менің атым Арман»
«Менің атым Арман» – жасөспірімдерге арналған веб-сериал. Мектепте оқып жүрген Арманның басынан кешкен қызықты оқиғалары баяндалады.
Суреттің дереккөзі: unicef.org
