«Ақын қоян», Д. Дональдсон, Л. Монкс
Түрлі-түсті дүние мен жан-жануарлардан шабыттанған Ақын қоян небір қызық өлеңдер жазады. Ұялас қояндар поэзияға қызықпаған соң, ол талантын басқаларға танытпақ болады. Осылайша ақынның жерасты саяхаты басталады...
«Шатақ қыздың шатпақ күнделігі», Н. Домбайжы
Кітап достық жайлы, әрі өзіңді-өзің қолға алып, жақсы жаққа өзгерте білу жайында. Дәлірек айтқанда, «шатақ қыз» Бүштің шимай-шимай жазуға толы күнделігі.
«Қабағы тұнжыр балақай немесе ормандағы ерекше оқиға», Н. Домбайжы
Қашан көрсең қабағы тұнжырап жүретін Мәрт есімді балақай және достары жайлы ертегі.
«Алпамыс батыр. Эпостың баяны», А. Сейдімбек
Жас жеткіншектердің таным-түсінігіне лайықтап, әсерлі баяндалған шығарма. «Алпамыс батыр» жырының қара сөзбен баяндалып, көркем безендірілген бұл нұсқасы жас ұрпақтың ойын ұштап, қиялын қанаттандырады.
«Шоко әлем», Р. Сауытбай
Фентези жанрында жазылған кітап. Элия мен Райл табиғат аясында əкелерін іздеп жүріп, əжелері айтқан үңгірге тап болады. Қалай екені белгісіз, үңгірдің іші оларға таңғажайып Шоко əлеміне жол ашады...
«Ұйықтай ғой, балақай», А. Сапакова
Ұйықтар алдында балаларды ертегілер әлеміне жетелейтін, әдемі суреттерге толы, үлкен форматтағы жаңа кітап.
